'இந்தியா ராணுவத்தை திரும்ப பெறாவிட்டால் அவமானப்பட வேண்டியிருக்கும்'

இமயமலைப் பகுதியில் சர்ச்சைக்குரிய பகுதியில் இருந்து ராணுவத்தை திரும்பப் பெறாவிட்டால், இந்தியா அவமானப்பட வேண்டியிருக்கும் என்று சீன அரசு ஊடகம் எச்சரிக்கை விடுத்துள்ளது.

சீனா, இந்தியா மற்றும் பூடானின் எல்லைப்பகுதியில் உள்ள டோக்லாம் என்ற இடத்தில் இருந்து இந்தியா தனது படைகளை திரும்ப அழைத்துக் கொள்ளும்வரை பேச்சுவார்த்தைகளுக்கு இடமில்லை என்று சீன அரசின் தேசிய ஊடகமான சின்குவா கூறுகிறது.

சீனாவும், பூடானும் உரிமை கொண்டாடும் அந்தப் பகுதியில் கடந்த மாதம் புதிய சாலை கட்டுமானப் பணிகள் மேற்கொள்ளப்பட்டதால், இந்தியா அங்கு தனது படைகளை அனுப்பியதாக இந்தியத் தரப்பு தெரிவிக்கிறது.

தொடர்புடைய செய்திகள்

இந்தப் பகுதியானது, இந்தியாவின் வடகிழக்கு மாநிலமான சிக்கிம் மற்றும் அண்டை நாடான பூடானின் எல்லையில் அமைந்துள்ளது. இந்த பகுதியை சீனாவும், பூடானும் உரிமை கொண்டாடும் நிலையில், இந்தியா பூடானுக்கு ஆதரவு தெரிவிக்கிறது.

1967 ஆம் ஆண்டு சீனாவுக்கும், இந்தியாவுக்கும் இடையேயான மோதலிலும் இந்தப் பகுதி முக்கியப் பங்கு வகித்தது. இரு நாடுகளுக்கும் இடையில் தற்போது நிலவும் பதற்றம் முன்னெப்போதும் இல்லாத அளவு உச்சத்தை அடைந்திருப்பதாக நிபுணர்கள் கூறுகின்றனர்.

பிற செய்திகள்

சமூக ஊடகங்களில் பிபிசி தமிழ் :