Идомаи бунбасти сиёсӣ дар Омрико дар бораи буҷети давлат
Бо сипарӣ шудани нахустин рӯз аз таътилиии таҳмилии давлати Омрико, бунбаст дар Вошингтун дар бораи буҷети давлати федерол ҳамчунон идома дорад
Борок Убомо, раиси ҷумҳурии Иёлоти Муттаҳида, таъкид кардааст, ки ба ҷумҳурихоҳон иҷоза намедиҳад барномаи пешниҳодии ӯ барои ислоҳоти бимаи дармонии ҳамагониро қурбонии тасвиби буҷети давлат кунанд.
Пас аз он ки маҷлис дар кунгреи Омрико натавонистанд дар бораи буҷети ҷадиди давлат ба тавофуқе бирасанд, аз бомдоди рӯзи сешанбеи аввали октябр бахшҳое аз давлати Иёлоти Муттаҳида таътил шуд.
Намояндагони ҷумҳурихоҳ дар кунгреи Омрико хостори лағв ё таъвиқи бимаи дармонии мавриди назари Борок Убомо ҳастанд.
Беш аз 700 ҳазор корманди давлати федерол бо мураххасии бидуни ҳуқуқ мувоҷеҳ шудаанд ва поркҳо, музейҳо ва хеле аз сохтмонҳои миллӣ таътил шудаанд
"Ҷиҳоди идеулужик"
Рӯзи сешанбеи аввали октябр раиси ҷумҳурии Омрико ҷумҳурихоҳони муҳофизакор дар Маҷлиси намояндагонро ба хотири ин таътилӣ муқассир хонд ва гуфт "як ҷиноҳ аз як ҳизб" масъули ин таътилӣ аст.
Ӯ дар Кохи Сафед ба хабарнигорон гуфт: "Инҳо давлатро ба хотири як ҷиҳоди идеулужик таътил кардаанд, то нагузоранд бимаи дармонии фарогир ба милюнҳо омрикоӣ бирасад."
Ин қонуни бимаи дармонии фарогир дар соли 2010 тасвиб шуд ва баъд дар Девони Олии Омрико таъйид шуд. Ин қонун аз мавзӯъоти баҳсбарангези интихоботи раёсати ҷумҳурии соли 2012 буд, ки Борок Убомо пирӯзи он шуд.
Борок Убомо бори дигар аз кунгре хост, ки "буҷетро барои давлат тасвиб кунад, ба таътилии давлат поён диҳад ва ҷилави як таътилии иқтисодиро бигирад."
Дар ҳамин ҳол, ҷумҳурихоҳон хостори музокира бо демукротҳо шудаанд.
Сухангӯйи аксарияти ҷумҳурихоҳ дар Маҷлиси намояндагон ба Би-би-сӣ гуфтааст: "Шояд агар раиси ҷумҳур Убомо вақти камтаре барои нутқҳои ҳизбӣ мегузошт ва бештар бо кунгре барои ҳалли мушкилот вақт сарф мекард, ин тавр худамонро дар ин вазъият иҷтинобпазир намедидем."
Кохи Сафед пешниҳоди ҷумҳурихоҳон барои таъмини буҷети баъзе аз бахшҳои давлат, аз ҷумла поркҳои миллӣ, барномаҳои ҳимоят аз сарбозони собиқи ҷангӣ ва буҷети пойтахтро рад кардааст.
Давлати оқои Убомо гуфтааст ҳар тарҳи буҷете, ки фақат ба бахше аз давлат буҷет бидиҳад, рад мекунад.
Борок Убомо рӯзи душанбе як лоиҳаро имзо ва иблоғ кард, ки тибқи он ба нерӯҳои низомии Омрико дар даврони таътилӣ ҳам ҳуқуқ дода мешавад.
Раиси ҷумҳурихоҳи Маҷлиси намояндагони Омрико мавзеъи Кохи Сафедро "ғайриқобили таҳаммул ва мутазоҳирона" хондааст.
Ба зарари ҷумҳурихоҳон
Дар ҳоле ки ҳизби демукрот ва ҳизби ҷумҳурихоҳ ангушти иттиҳом ва тақсирро ба якдигар нишона рафтаанд, як назарсанҷӣ нишон медиҳад, ки афкори умумии Омрико истротежии ҳизби ҷумҳурихоҳро муқассир мешуморанд.
Тибқи назарсанҷӣ 72 дарсад аз мардуми Омрико, мухолифи иқдоми кунгре дар таътилии давлати федерол барои ҷилавгирӣ аз иҷрои қонуни бимаи дармонӣ ҳастанд.
Таътилии таҳмилии қаблӣ, ки 17 сол пеш дар давлати Бил Клинтун рух дод, ба афзоиши маҳбубияти ҳизби демукрот мунҷар шуд. Он замон ҳам ҷумҳурихоҳон бо мухолифат дар кунгре монеъи тасвиби буҷет шуданд.
