Давлати Омрико дар хатари таътилӣ
Ихтилофоти сиёсӣ дар кунгреи Омрико як бори дигар давлати Борок Убоморо то остонаи таътилӣ кашондааст.
Давлати Омрико камтар аз 48 соъат вақт дорад, то барои наҷот аз ин таваққуфи кор ногузир роҳе барои ҳалли ихтилофоти сиёсии худ бо ҷумҳурихоҳон дар кунгре биёбад.
Рӯзи якшанбе ҷумҳурихоҳони Маҷлиси намояндагон, ки кунтрули ин ниҳодро бар уҳда доранд, бо раъй ба қатъи буҷети барномаи бимаи дармонии Борок Убомо роҳро барои таътилии давлати ӯ ҳамвор карданд.
Давлат бояд битавонад пеш аз нимашаби душанбе, яъне ҳудудии 48 соъат дигар бар сари як сиёсати тоза дар ҳазинакарди худ ба тавофуқ бирасад.
Дар ғайри ин сурат хадамоти ғайризарурии давлат мутаваққиф хоҳад шуд ва коркунони ин марокизи хадамотӣ мураххасии будани ҳуқуқи иҷборӣ хоҳанд гирифт.
Авоили рӯзи якшанбе Маҷлиси намояндагон нусхае тағйирёфта аз тарҳи буҷети Маҷлиси сеноро бо ҳазфи буҷети барномаи бимаи дармонӣ тасвиб кард.
Ҳеррӣ Рид, раиси аксарияти демукроти Маҷлиси сено гуфтааст сено тарҳи мусаввабаи Маҷлиси намояндагонро рад хоҳад кард.
Аз он ҷо, ки Маҷлиси сено зудтар аз душанбе баъд аз зуҳр ҷаласае нахоҳад дошт, танҳо чанд соъат барои тасвиби тарҳи тозае, ки қонуни бимаи дармониро таҳдид накунад, вақт хоҳад буд.
Сенотур Рид гуфтааст "пас аз аз ҳафтаҳо бозии сиёсии бесамари ҷумҳурихоҳон мо ҳанӯз дар хонаи аввалем."
Оқои Рид афзуд талоши ҷумҳурихоҳон барои тағйири мусаввабаи сено, ки барномаи бимаи дармониро як соли дигар ба таъхир меандозад, бемаънӣ ва беҳадаф аст.
Ҷей Корнӣ, сухангӯйи Кохи Сафед ,аз қавли Борок Убомо, раиси ҷумҳурии ин кишвар гуфт: "Ҳар узви ҳизби ҷумҳурихоҳ, ки ба ин тарҳ раъй бидиҳад, ба таътилии давлат раъй додааст."
Оқои Корнӣ дар айни ҳол таъкид карда раиси ҷумҳурии Омрико дар сурати тасвиб шудани тарҳ онро вету хоҳад кард.
Маҷлиси сено дар кунтрули демукротҳои ҳамҳизбии раис ҷумҳурии Омрикост, дар ҳоле ки ҷумҳурихоҳон дар Маҷлиси намояндагон аксарият доранд.
Амали масъулона
Таътилии қарибулвуқӯъи давлат, ки аввалин таваққуфи кори давлат дар 17 соли гузашта хоҳад буд, яке аз ду буҳрони сиёсӣ аст, ки давлат пеши рӯ дорад.
Рӯзи ҳафтуми октябр муҳлати муҷаввизи қарзгирии вазорати дороӣ бобати пардохти таъаҳҳудоти молиаш тамом мешавад, магар ин ки кунгре як бори дигар бо афзоиши "сақфи бидеҳии" давлат мувофиқат кунад.
Рӯзи ҷумъа Борок Убомо аз ҷумҳурихоҳони Маҷлиси намояндагон хост бо тамдиди сақфи бидеҳии давлат мувофиқат кунанд ва аз онҳо хост " ба хотири нарасидан ба 100%-ии хостаҳояш ҳама чизро ба ҳам назананд."
Оқои Убомо гуфт: "Агар ин кишвар дар пардохти бидеҳиҳояш ақиб биафтад, таъсире мухарриб бар иқтисоди ҷаҳон хоҳад дошт. Раъй додан ба ин ки вазорати дороӣ битавонад ҳисоби бидеҳиҳояшро соф кунад, имтиёздиҳӣ ба ман нест. Ҳеҷ кас ҳақ надорад ба иқтисоди кишвар зарба бизанад, он ҳам сирфан ба ин далел ки чанд фақараи қонунро намеписандад."
Оқои Убомо қонуни бимаи дармониро "коре тамомшуда" хонд ва гуфт талошҳои ҷумҳурихоҳон барои лағви ин қонун ба ҷое намерасад.
Агар тамоми Омрико рӯзи дигар таътил шавад, чизе беш аз ду милюн нафар аз коркунони давлат маҷбур мешаванд корро мутаваққиф кунанд.
Поркҳои миллӣ ва музеҳои Смитсун дар Вошингтун баста хоҳад шуд, пардохти муқаррарии сарбозони қадимии ҷанг ва бознишастагон ба таъхир меафтад ва тақозои визо ва гузарнома муъаттал мемонад.
Барномаҳои зарурии давлат мисли кунтрули трофики парвоз ва бозрасиҳои ғизоӣ идома меёбад.
Вазорати дифоъ ба коркунони худ гуфта аъзои низомии ин вазоратхона ба корҳои маъмули худ идома медиҳанд, аммо бахши умдае аз коркунони ғайринизомии вазорати дифоъ маҷбур ба мондан дар хонаанд.
