Гузориши Девони муҳосибот аз 'тахаллуфи' давлати Аҳмадинажод
Девони муҳосиботи Эрон мегӯяд давлати Маҳмуди Аҳмадинажод дар ҳазина кардани мозоди даромади арзии кишвар дар соли 1390 беш аз 9 милёрд дулор тахаллуф кардааст.
Хабаргузории "Меҳр" рӯзи сешанбеи 24 июн гузориш дода, ки Девони муҳосибот дар гузориши тафриғи (натиҷаи иҷрои) буҷети соли 1390 (2011) ба ин тахаллуфи умда ба маблағи 9.3 милёрд дулор, муъодили беш аз даҳ ҳазор милёрд тумон ишора кардааст.
Ин ниҳоди назоратӣ мегӯяд давлати Эрон чунин маблағеро бар асоси "мусавваботи ғайриқонунии" ҳайъати вазирон ва "бар хилофи аҳкоми таъйиншуда" дар буҷети соли 1390 ҳазина кардааст.
Гузориши Девони муҳосиботи Эрон ҳамчунон давлати Маҳмуди Аҳмадинажодро муттаҳам карда, ки дар ҳазина кардани 11 милёрд дулор мозоди даромади ҳосил аз содироти нафти хом ва гоз, "беинзиботии молӣ" кардааст.
Тахаллуф дар ихтисоси буҷети дифоъӣ ва саломат
Тибқи ин гузориш бо вуҷуди таъкид дар қонуни буҷет барои ҳазинаи ҳар 3 милёрд дулоре дар "тақвияти бунияи дифоъии" Эрон, 150 милёрд тумон аз ин маблағ ҳазина нашудааст.
Ҳамчунин 800 милёрд тумон аз саҳми бахши саломат харҷи иҷрои тарҳҳои маскани "Меҳри мондгор" дар вазорати роҳ ва шаҳрсозӣ шудааст.
Девони муҳосибот дар гузориши тахаллуфоти давлати Маҳмуди Аҳмадинажод дар соли 1390, ҳамчунин гуфтааст, ки 15 милёрд тумон буҷети "эҳдос ва бозсозии Атаботи Олиёт" бар хилофи қонуни буҷет ба "бунёди фиқҳу мутаъорифи аҳли байт" ихтисос дода шудааст.
Раиси ин бунёд Маҳмуд Ҳошимии Шоҳрӯдӣ, раиси собиқи қувваи қазоия ва узви феълии Шӯрои нигаҳбон аст.
Дафтари оқои Ҳошимии Шоҳрӯдӣ дар урдубиҳишти соли 1391 таъйид кард, ки ӯ Муҳаммадшариф Маликзода, аз чеҳраҳои наздик ба Маҳмуди Аҳмадинажод ва Исфандиёри Раҳиммашоиро ба унвони мушовири иҷроии худ дар ин бунёд мансуб кардааст.
Гузоришҳои қаблии Девони муҳосибот аз "тахаллуфи" давлат
Девони муҳосибот бозӯи назоратии маҷлис меояд ва бар амалкарди давлат ва ширкатҳои давлатӣ назорат дорад.
Ин ниҳод мувозиб аст, ки вазоратхонаҳо ва муассисоти давлатӣ буҷети солонаро дар ҷойи худ ва баандоза харҷ кунанд.
Ин девон дар чанд соли ахир борҳо аз "беинзиботии" давлат дар буҷет ва "тахаллуфи" мудовими муқовимати давлатӣ гузориш додааст.
Дар яке аз муҳитмтарин мавориди тахаллуфи давлат, ки ин ниҳод мунташир карда, Девони муҳосибот эълом карда буд, ки давлати 15 ҳазор милёрд тумон аз ҳисоби Бонки Марказӣ даромадҳои нафтӣ ва буҷети умумии кишвар барои пардохти ёронаи нақдӣ ҳазина кардааст.
Коршиносони мунтақиди Маҳмуди Аҳмадинажод мегӯянд, ки дар давлати даҳум тахаллуфи давлат абъоди бештаре пайдо кардааст ва таъхири давлат дар ироаи буҷети солона ба маҷлис ва истифода аз буҷети чанди дувоздаҳум ба беинзиботии молӣ доман задааст.
