Je ni mawaziri gani aliowachagua Waziri Mkuu mpya wa Uingereza Keir Starmer?

Moja kwa moja

Na Ambia Hirsi & Yusuf Jumah & Dinah Gahamanyi

1. 5 Julai 2024Eto'o atozwa faini ya $200,000 huku akiepuka malipo ya kupanga matokeo

   Shirikisho la soka barani Afrika limemtoza faini ya $200,000 rais wa Shirikisho la Soka la Cameroon (Fecafoot), Samuel Eto'o, kwa ukiukaji wa maadili, lakini ikapata ushahidi wa kutosha kuendelea na mashtaka yanayohusiana na madai ya upangaji matokeo.

   Shirikisho la Soka Afrika (Caf) lilianzisha uchunguzi kuhusu mwenendo wa Eto'o mwezi Agosti mwaka jana baada ya kupokea "taarifa zilizoandikwa kutoka kwa wadau kadhaa wa soka wa Cameroon".

   Jopo la nidhamu lilibaini kuwa Mwanasoka Bora wa Afrika mara nne "amekiuka kwa kiasi kikubwa kanuni za maadili, uadilifu na uanamichezo" za Caf kwa kutia saini mkataba wa kuwa balozi wa kampuni ya kamari ya 1XBET.

   Mawakili wa Eto'o wamesema watakata rufaa kupinga hukumu hiyo.

2. 5 Julai 2024Mkuu mpya wa Uingereza Keir Starmer atangaza baraza la mawaziri

   Kufuatia ushindi wa kishindo wa uchaguzi wa Labour, Waziri Mkuu Keir Starmer ametangaza uteuzi kadhaa muhimu kwa Baraza lake jipya la Mawaziri.

   Angela Rayner ameteuliwa kuwa naibu waziri mkuu na katibu wa serikali kwa usawa, makazi na jamii.

   Rayner, mwanasiasa mashuhuri wa Chama cha Labour, anatazamiwa kuchukua jukumu muhimu katika kuendesha ajenda ya serikali kuhusu usawa wa kijamii na mageuzi ya makazi.

   Rachel Reeves pia aliweka historia kwa kuwa kansela mwanamke wa kwanza Uingereza wa Hazina.

   David Lammy aliteuliwa kuwa waziri wa mambo ya nje, akisimamia uhusiano wa kimataifa wa Uingereza wakati wa kipindi muhimu kilichoangaziwa na changamoto za kiuchumi za kimataifa na mivutano ya kijiografia.

   Yvette Cooper ameteuliwa kuwa Waziri wa mambo ya ndani, aliyepewa jukumu la kusimamia usalama wa ndani wa taifa, uhamiaji, na sheria na utulivu.

   John Healey atahudumu kama Waziri wa ulinzi, wadhifa unaohusika na mkakati wa ulinzi wa nchi na vikosi vya jeshi.

   Kwengineko:

   • Kundi la wanasiasa maarufu wa Concervertive wamepoteza viti vyao - ikiwa ni pamoja na Penny Mordaunt, Grant Shapps na Jacob Rees-Mogg - ingawa Jeremy Hunt ameweza kuhifadhi kiti chake.
   • Kiongozi wa chama cha Liberal Demecratic Sir Ed Davey anakodolea macho matokeo bora zaidi ya chama chake kwa karne moja, huku BBC ikitoa viti vingi vya rangi ya njano katika hali nzuri tangu 2019.
   • Kumekuwa na tukio ambalo halikutarajiwa kwa Labour huko Islington Kaskazini, ambapo kiongozi wake wa zamani Jeremy Corbyn ameshinda kama mtu huru
   • Kiongozi wa mageuzi nchini Uingereza Nigel Farage ameshinda kiti cha ubunge, baada ya kugombea kwa mara ya nane ya kugombea akiwaambia waliompigia kura kuwa chama chake "kitapambana na Labour" katika uchaguzi

3. 5 Julai 2024Kiongozi wa Kenya akabiliana na vijana wenye hasira kwenye mjadala mtandaoni

   Rais wa Kenya William Ruto ameomba msamaha kwa ukatili wa polisi katika kongamano la mtandaoni na waandamanaji wanaopinga ushuru kwenye mtandao wa kijamii wa X.

   Alikuwa akimjibu Kevin Monari, mmoja wa viongozi wa maandamano ambaye alimweleza jinsi alivyotekwa nyara na vikosi vya usalama.

   Maandamano ya hivi majuzi yalimlazimu Bw Ruto kuondoa mswada wake wa fedha uliozua utata na ambayo yametikisa urais wake. Mazungumzo hayo

   yalipangwa kupitiajukwaa la za X - Twitter Space , kipengele kinachoruhusu watumiaji kupangisha mazungumzo ya moja kwa moja ya sauti na wengine kwenye jukwaa lililojulikana kama Twitter.

   Kipindi cha X cha Bw Ruto, kilichopewa jina la #EngageThePresident, kilianza kwa zaidi ya saa moja kuchelewa, huku kikiwa na matatizo ya kiufundi - na kilipangwa kudumu kwa saa tatu.

   Baadhi ya Wakenya kwenye X waliapa kususia mazungumzo ya rais na kupanga Nafasi sambamba ili kukabiliana na mazungumzo hayo - kwani hawakutaka adhibiti wa ni nani angeweza kuzungumza.

   Hata hivyo, mijadala ndani ya X Space ya rais, ambapo watu 125,000 wanasikiliza, yamekuwa ya wazi - wengine wakimwita mwongo na kumshutumu kwa kukosa huruma - shutuma ambazo amezikanusha

4. 5 Julai 2024Katika picha: Uhamisho wa madaraka kwa amani (na haraka) Uingereza

   Makabidhiano ya mamlaka katika siasa za Uingereza ni ya haraka kikatili, ikiwa ni saa chache kati ya Rishi Sunak kujiuzulu na Keir Starmer kualikwa kuunda serikali.

   Wote wawili walikuwa na mikutano ya faragha na Mfalme, waliunganishwa na wenzi wao kuwashukuru wafuasi na waliozungumza kwa muda kadhaa huku wakiwa wamesimama nje ya milango ya Nambari 10.

   Mmoja alitoka katika Barabara ya Downing kwa mara ya mwisho, wakati mwingine akiwa ndio anaingia kwa mara ya kwanza kama Waziri mkuu.

   Kwengineko:

   • Kundi la wanasiasa maarufu wa Concervertive wamepoteza viti vyao - ikiwa ni pamoja na Penny Mordaunt, Grant Shapps na Jacob Rees-Mogg - ingawa Jeremy Hunt ameweza kuhifadhi kiti chake.
   • Kiongozi wa chama cha Liberal Demecratic Sir Ed Davey anakodolea macho matokeo bora zaidi ya chama chake kwa karne moja, huku BBC ikitoa viti vingi vya rangi ya njano katika hali nzuri tangu 2019.
   • Kumekuwa na tukio ambalo halikutarajiwa kwa Labour huko Islington Kaskazini, ambapo kiongozi wake wa zamani Jeremy Corbyn ameshinda kama mtu huru
   • Kiongozi wa mageuzi nchini Uingereza Nigel Farage ameshinda kiti cha ubunge, baada ya kugombea kwa mara ya nane ya kugombea akiwaambia waliompigia kura kuwa chama chake "kitapambana na Labour" katika uchaguzi

5. 5 Julai 2024Ujerumani yakabidhi mfumo wa tatu wa ulinzi wa anga wa Patriot kwa Ukraine

   Mfumo wa tatu wa makombora ya kupambana na ndege ya Patriot kutoka Ujerumani umewasili Ukraine, Balozi wa Ujerumani nchini Kyiv Martin Jaeger amesema.

   Ujerumani imehamisha mifumo miwili ya kwanza ya ulinzi wa anga ya Patriot na risasi zake kwa Ukraine mnamo 2023.

   Kupelekwa kwa Ukraine kwa mfumo wa tatu wa Patriot, pamoja na IRIS-T, mitambo ya Gepard, makombora na risasi, kulitangazwa mnamo Juni 11 na Kansela wa Ujerumani Olaf Scholz.

   Hapo awali, Ikulu ya White House ilithibitisha kuwa makombora mapya ya Patriot yatatumwa Ukraine kama kipaumbele.

   Ukraine mara nyingi imekuwa ikihusisha vifo vya Urusi na mafanikio ya kimaeneo na uhaba wa risasi na makombora ya ulinzi wa anga unaosababishwa na kucheleweshwa kwa msaada wa kijeshi wa nchi za Magharibi.

   Unaweza pia kusoma:

   • YA MSINGI:Mzozo wa Ukraine: Kwanini Urusi inaivamia Ukraine na Putin anataka nini?
   • UFAFANUZI:Mzozo wa Ukraine: Swift ni nini na kwa nini kuipiga marufuku Urusi ni muhimu sana?
   • UCHAMBUZI:Mzozo wa Ukraine: Putin humsikiliza nani?
   • KWENYE RAMANI:Uvamizi wa Ukraine: Shambulio la Urusi kwenye ramani
   • ZELENSKY:Volodymyr Zelensky: Mfahamu rais wa Ukraine aliyeacha umaarufu wake wa TV na kuingia kwenye siasa
   • PUTIN:Vladimir Putin: Rais wa Urusi aliyeagiza shambulio Ukraine

6. 5 Julai 2024Nitapambana hadi muamini katika kile ambacho serikali inaweza kufanya, asema Starmer

   Starmer anasema ikiwa angeuliza watu sasa ikiwa wanaamini Uingereza itakuwa bora kwa watoto wao, wengi wangekataa.

   Lakini, ameendelea kusema, serikali yake itapambana kuwashawishi “mpaka mtakapoamini tena”.

   Anasema serikali yake haitatachoshwa na mafundisho.

   Starmer anakubali kwamba mabadiliko yanaweza kuchukua muda

   Starmer anasema "kubadilisha nchi si kama kugeuza swichi" kwani anakubali ulimwengu "una hali tete zaidi".

   "Itachukua muda," anaongeza lakini anasema kazi ya kubadilisha itaanza mara moja.

   Starmer ameuambia umati sasa kwamba kwa muda mrefu sana, jicho la upofu limegeuzwa huku "mamilioni ya watu wakiingia kwenye ukosefu mkubwa wa usalama".

   Amesema kuwa watu wanafanya kazi kwa bidii na kufanya jambo sahihi, lakini "kamera zinapoacha kufanya kazi, maisha yao yanapuuzwa".

   "Nataka kusema kwa uwazi sana kwa watu hao - sio wakati huu," anasema.

   Kwengineko:

   • Kundi la wanasiasa maarufu wa Concervertive wamepoteza viti vyao - ikiwa ni pamoja na Penny Mordaunt, Grant Shapps na Jacob Rees-Mogg - ingawa Jeremy Hunt ameweza kuhifadhi kiti chake.
   • Kiongozi wa chama cha Liberal Demecratic Sir Ed Davey anakodolea macho matokeo bora zaidi ya chama chake kwa karne moja, huku BBC ikitoa viti vingi vya rangi ya njano katika hali nzuri tangu 2019.
   • Kumekuwa na tukio ambalo halikutarajiwa kwa Labour huko Islington Kaskazini, ambapo kiongozi wake wa zamani Jeremy Corbyn ameshinda kama mtu huru
   • Kiongozi wa mageuzi nchini Uingereza Nigel Farage ameshinda kiti cha ubunge, baada ya kugombea kwa mara ya nane ya kugombea akiwaambia waliompigia kura kuwa chama chake "kitapambana na Labour" katika uchaguzi ujao.

7. 5 Julai 2024Habari za hivi punde, Rais William Ruto ateua kikosi kazi huru cha kufanya ukaguzi wa madeni ya umma.

   Akihutubia taifa siku ya Ijumaa kutoka Ikulu, alibainisha kuwa deni la umma linaendelea kuwa sehemu kubwa ya ushiriki na mazungumzo nchini Kenya.

   "Leo nimeteua kikosi kazi huru cha kufanya ukaguzi wa kina juu ya deni la umma na kuripoti kwetu katika miezi mitatu ijayo," alisema.

   Rais Ruto amesema idadi ya washauri serikalini itapunguzwa kwa asilimia 50.

   "Idadi ya washauri katika serikali itapunguzwa kwa asilimia 50 ndani ya utumishi wa umma kwa haraka," alisema.

   Rais wa Kenya William Rito amesema bajeti zilizokuwa zimetengewa ofisi ya Mke wa Rais na Naibu Mke wa Rais, na Mke wa Waziri Kiongozi zimeondolewa.

   Amesema pia kwamba kwamba mpango wa kuwaajiri maafisa wakuu wa utawala umesitishwa na idade ya washauri wa serikali imepunguzwa kwa 50%, huku akithangaza kukatwa kwa 50% ya bajeti ya ukarabati wa majengo ya serikali.

   Baada ya malalamiko kuhusu ziara za viongozi wa kiserikali na bunge nje ya nchi kutoka kwa umma wa Wakenya, Rais Ruto ametangaza kuwaziara zisizo muhimu za viongozi zimesitishwa.

   Katika hotuba hiyo Bw Ruto ametangaza kuwa utoaji wa michango ya pesa za misaada kwa viongozi wa serikali al maarufu Harambee umesimamishwa na badala yake serikali itaweka mfumo wa utoaji wa misaada hiyo.

   Amesema mabadiliko haya yanalenga kuboresha huduma za serikali kwa umma na kuhakikisha wananchi wanapata huduma kamili wanazohitaji kutoka kwa serikali.

   Haya yanajiri huku Rais William Ruto akitoa mwaliko wa mazungumzo yaliyopewa jina la "Engage" mtandaoni kupitia X Space kati yake na vijana, wengi wao "Gen Z," ambao wamekuwa wakiandamana kupinga nyongeza ya ushuru tangu tarehe 18 Juni.

   Maandamano hayo ambayo yamegeuka na kuwa maandamano ya kuipinga serikali kutokana na masuala ambayo hayajashughulikiwa, yamesababisha vifo vya zaidi ya watu 40, huku mamia wakijeruhiwa au kukamatwa.

8. 5 Julai 2024Kenya - Rais Ruto atoa mwaliko wa majadiliano ya X Space na Gen Z

   Rais William Ruto ametoa mwaliko wa mazungumzo yaliyopewa jina la "Engage" mtandaoni kupitia X Space kati yake na vijana, wengi wao "Gen Z," ambao wamekuwa wakiandamana kupinga nyongeza ya ushuru tangu tarehe 18 Juni.

   Maandamano hayo ambayo yamegeuka na kuwa maandamano ya kuipinga serikali kutokana na masuala ambayo hayajashughulikiwa, yamesababisha vifo vya zaidi ya watu 40, huku mamia wakijeruhiwa au kukamatwa.

   Baadhi ya vijana wanaonekana kutovutiwa na mazungumzo hayo na badala yake wameamua kuandaa mjadala sambamba wa X unaoitwa "Rage".

   Haya ni matukio ambayo hayajawahi kushuhudiwa, huku zama za kidijitali zikifafanua upya mienendo ya mikutano ya kisiasa.

   Mchambuzi anayataja kuwa mgongano wa kihistoria wa vizazi kupitia teknolojia.

   Maelezo zaidi:

   'Matunda' ya maandamano ya vijana wa Kenya na matumaini ya mageuzi

   Kwa nini Wakenya bado wanaandamana?

   Jinsi zana hizi tatu zilivyotumiwa na Gen Z kuishinikiza serikali ya Kenya

9. 5 Julai 2024Nini kilitokea kwa baraza la mawaziri la Sunak?

   Baada ya usiku wa kusikitisha kwa Conservatives, hapa kuna taswira ya ni wanachama gani wa chama cha Tory ambao waliponea katika uchaguzi mkuu wa Uingereza .

   Wanachama wa baraza la mawaziri la Sunak walioponea katika uchaguzi mkuu

10. 5 Julai 2024Keir Starmer ni nani?

    Yeye ni mgeni katika siasa, kiukweli

    Sir Keir alianza maisha yake ya kitaaluma kama wakili katika miaka ya 1990, na aliteuliwa mkurugenzi wa mashtaka ya umma, mwendesha mashtaka mkuu wa uhalifu nchini Uingereza na Wales, mwaka wa 2008.

    Alichaguliwa kwa mara ya kwanza katika eneo bunge la Holborn na St Pancras kaskazini mwa London mnamo 2015, na alichukua uongozi wa Labour baada ya uchaguzi mkuu mbaya wa chama wa 2019, akiahidi kuanza "awamu mpya" baada ya uongozi wa mrengo wa kushoto wa Jeremy Corbyn.

    Sir Keir alichaguliwa tena katika eneo bunge hilo Alhamisi, akisema katika hotuba yake ya ushindi watu walikuwa "tayari kwa mabadiliko" na kuahidi "kukomesha siasa za kuigiza".

    "Mabadiliko yanaanza hapa hapa kwa sababu hii ni demokrasia yako, jamii yako, maisha yako ya baadaye," alisema. "Umepiga kura. Sasa ni wakati wa sisi kufanya kazi." Soma zaidi ili kufahamu ahadi za chama chake

11. 5 Julai 2024Samsung inatarajia faida kuongezeka kwa zaidi ya 1,400%

    Kampuni ya Samsung Electronics inatarajia faida yake kwa miezi mitatu hadi Juni 2024 kupanda mara 15 ikilinganishwa na kipindi kama hicho mwaka jana.

    Kuongezeka kwa kasi kwa Akili Mnemba (AI) kumeongeza bei za chipu za hali ya juu, na hivyo kuongeza utabiri wa kampuni katika robo ya pili.

    Kampuni hiyo kubwa ya teknolojia ya Korea Kusini ndio mtengenezaji mkubwa zaidi duniani wa chipu za data , simu za rununu na televisheni.

    Tangazo hilo lilisongesha hisa za Samsung hadi zaidi ya 2% wakati wa saa za mapema za biashara huko Seoul.

    Kampuni hiyo pia iliripoti kuongezeka kwa zaidi ya mara 10 kwa faida yake kwa miezi mitatu ya kwanza ya mwaka huu. Katika robo hii, ilisema inatarajia faida yake kupanda hadi 10.4tn won ($7.54bn; £5.9bn), kutoka 670bn iliyopata mwaka jana.

12. 5 Julai 2024Wasiwasi waibuka juu ya ripoti za Orban kuzuru Moscow

    Viongozi wengine wa Umoja wa Ulaya wameelezea wasiwasi wao kuhusu ripoti za vyombo vya habari kwamba Waziri Mkuu wa Hungary Viktor Orban huenda atakutana na Rais wa Urusi Vladimir Putin mjini Moscow siku ya Ijumaa.

    Bw Orban - ambaye nchi yake sasa inashikilia urais wa zamu wa EU - ndiye mkuu pekee wa serikali ya kitaifa ya umoja huo kuwa na uhusiano wa karibu na Kremlin kufuatia uvamizi wake Ukraine mnamo 2022.

    Rais wa Baraza la Ulaya Charles Michel alisema Bw Orban "hakuwa na mamlaka ya kuwasiliana na Urusi kwa niaba ya EU", huku Waziri Mkuu wa Poland Donald Tusk akiomba ufafanuzi.

    Vyombo kadhaa vya habari viliripoti kuhusu ziara ya Bw Orban, vikinukuu vyanzo vyao.

    Gazeti la Financial Times lilisema maafisa mmoja wa Hungary na wawili wa Umoja wa Ulaya wamethibitisha ripoti za vyombo vya habari kwamba Bw Orban atakutana na rais wa Urusi siku ya Ijumaa.

    Radio Free Europe/Radio Liberty, shirika la vyombo vya habari linalofadhiliwa na serikali ya Marekani, lilinukuu chanzo cha serikali ya Hungary.

    Pia ilisema kuwa Waziri wa Mambo ya Nje wa Hungary Peter Szijjarto ataandamana na Bw Orban.

    Hungary na Urusi hazikujibu ombi la BBC la kuthibitisha ripoti hizo.

    Mnamo Jumatatu, kulingana na shirika la habari la AFP, Bw Orban aliahidi "habari za kushangaza kutoka sehemu za kushangaza".

13. 5 Julai 2024Sunak akubali kuwajibika kwa kushindwa kwa kihistoria kwa chama cha Tory

    Rishi Sunak amesema anakubali kuwajibika kwa kushindwa kwa kihistoria katika uchaguzi mkuu wa chama cha Conservative.

    Sir Keir Starmer amekiongoza chama cha Labour kwa ushindi mkubwa na atachukua nafasi ya Bw Sunak kama waziri mkuu wa Uingereza.

    Bw Sunak aliwaambia wafuasi wake: "Watu wa Uingereza wametoa uamuzi mzito usiku wa leo, kuna mengi ya kujifunza... na ninawajibika kwa kushindwa huko."

    Akizungumza katikati mwa London, Sir Keir alisema "mabadiliko yanaanza sasa", na kuongeza "Najihisi vizuri, lazima niwe mkweli".

    Huku zaidi ya viti 500 kati ya 650 vikiwa vimetangazwa, Labour inakadiriwa kuunda serikali ijayo, yenye wingi wa viti 166.

    Tories imeandikisha matokeo mabaya zaidi katika historia yao. Wamepoteza zaidi ya viti 170 na wanatabiriwa kubakia na wabunge 136 pekee.

    Sir Keir aliwaambia wafuasi wa chama cha Labour waliokuwa wakishangilia kuwa nchi hiyo inaamka kwa "mwanga wa jua wa matumaini" ambao "unaangazia kwa mara nyingine tena nchi yenye fursa baada ya miaka 14 ya kurejesha mustakabali wake."

    Maelezo zaidi:

    Uchaguzi wa Uingereza: Kwa nini Waafrika wanapaswa kuujali?

14. 5 Julai 2024Habari za hivi punde, Chama cha Labour chashinda uchaguzi mkuu wa Uingereza

    Chama cha Labour kimeshinda rasmi uchaguzi mkuu wa Uingereza 2024 baada ya kufikisha viti 326 vinavyohitajika.

    Akizungumza mjini London, waziri mkuu mtarajiwa Keir Starmer anasema "mabadiliko yanaanza sasa".

    "Nahisi vizuri, lazima niseme ukweli," aliuambia umati wa watu waliokuwa wakishangilia.

    Akizungumza muda mfupi kabla ya Sir Keir, Waziri Mkuu anayeondoka Rishi Sunak alikubali kushindwa, na kuwaambia Tories wenzake ilikuwa "uamuzi wa kutisha"

    Kwengineko:

    • Kundi la wanasiasa maarufu wa Concervertive wamepoteza viti vyao - ikiwa ni pamoja na Penny Mordaunt, Grant Shapps na Jacob Rees-Mogg - ingawa Jeremy Hunt ameweza kuhifadhi kiti chake.
    • Kiongozi wa chama cha Liberal Demecratic Sir Ed Davey anakodolea macho matokeo bora zaidi ya chama chake kwa karne moja, huku BBC ikitoa viti vingi vya rangi ya njano katika hali nzuri tangu 2019.
    • Kumekuwa na tukio ambalo halikutarajiwa kwa Labour huko Islington Kaskazini, ambapo kiongozi wake wa zamani Jeremy Corbyn ameshinda kama mtu huru
    • Kiongozi wa mageuzi nchini Uingereza Nigel Farage ameshinda kiti cha ubunge, baada ya kugombea kwa mara ya nane ya kugombea akiwaambia waliompigia kura kuwa chama chake "kitapambana na Labour" katika uchaguzi ujao.

15. 5 Julai 2024Hezbollah yarusha roketi 200 na ndege zisizo na rubani nchini Israel

    Kundi la Hezbollah kutoka nchini Lebanon limerusha zaidi ya roketi 200 na ndege zisizo na rubani kaskazini mwa Israel, kujibu mauaji ya mmoja wa makamanda wake wakuu.

    Jeshi la Israel limesema kuwa afisa wake mmoja aliuawa katika shambulio hilo ambalo lilizua mioto kadhaa.

    Jeshi pia lilisema lililenga "miundo ya kijeshi" ya Hezbollah na shabaha zingine kusini mwa Lebanon kujibu shambulio hilo.

    Vyombo vya habari vya Lebanon vimeripoti kuwa mtu mmoja aliuawa katika shambulio la ndege zisizo na rubani za Israel katika mji wa Houla.

    Kamanda wa Hezbollah aliyeuawa katika shambulizi la anga la Israel karibu na mji wa Tiro, kusini mwa Lebanon, Mohammed Nimah Nasser, alikuwa mmoja wa viongozi waandamizi wa kundi hilo kuuawa katika mzozo huo

    Jeshi la Israel lilisema Nasser aliamuru Kitengo cha Aziz cha Hezbollah, ambacho kinahusika na kurusha roketi kutoka kusini-magharibi mwa Lebanon, na kumshutumu kwa kuongoza "idadi kubwa ya mashambulizi ya kigaidi".

    Pia ilimtaja kama "mwenzake" wa Taleb Sami Abdullah, kamanda wa kitengo kingine ambaye mauaji ya mwezi uliopita yaliifanya Hezbollah kurusha zaidi ya roketi 200 na makombora kaskazini mwa Israel kwa siku moja.

    Soma zaidi:

    Israel na Hezbollah wakaribia kupigana, wote wakataa kurudi nyuma

    Je Iran itajiunga na Hezbollah katika vita na Israel?

    Je, Hezbollah italiweka jeshi la Israel kwenye mtihani mgumu?

16. 5 Julai 2024Biden akabiliwa na shinikizo la wafadhili anaposisitiza kusalia kwenye kinyang'anyiro

    Rais Joe Biden anakabiliwa na shinikizo kutoka kwa baadhi ya wafadhili wakuu wa chama cha Democratic huku akikabiliwa na siku chache muhimu katika kampeni yake ya kuchaguliwa tena.

    Baadhi ya wafadhili wanaonya hadharani kuwa watazuia mchango wao iwapi Bw Biden hatabadilishwa kama mgombeaji wa chama kufuatia utendaji wake mbaya wa mjadala wiki jana.

    Wanajumuisha Abigail Disney, mrithi wa familia ya Disney, mtayarishaji wa filamu wa Hollywood Damon Lindelof, wakala wa Hollywood Ari Emanuel, na mfadhili na mjasiriamali Gideon Stein.

    Bwana Biden anatafuta kuinua ugombea wake wikendi hii, pamoja na mahojiano adimu ya televisheni siku ya Ijumaa na mkutano wa hadhara huko Wisconsin.

    Shinikizo kwa Bw Biden, 81, kujiuzulu limeongezeka kufuatia mjadala ulioshuhudia matukio kadhaa ambapo alipoteza mtiririko wa mawazo yake mengi na hakueleweka.

    Ingawa alikiri kwamba "alifeli" usiku huo, ameapa kusalia kama mgombea wa chama chake kukabiliana na Donald Trump katika uchaguzi wa urais wa Novemba.

    Maelezo zaidi:

    Nani anayeweza kuchukua nafasi ya Biden ndani ya chama cha Democratic?

    Uchaguzi wa Marekani 2024: Kubabaika kwa Biden katika mdahalo kwaongeza hofu kuhusu umri wake

    Biden v Trump: Wana mitazamo gani kuhusu Urusi, China, Ukraine na Israeli-Palestina?

17. 5 Julai 2024Keir Starmer atarajiwa kuwa Waziri Mkuu mpya wa Uingereza

    Chama cha Labour kinakaribia kupata ushindi wa kishindo huku Conservetive kikikabiliwa na hali mbaya zaidi katika uchaguzi mkuu kuwahi kushuhudiwa, matokeo ya awali yanaashiria.

    Sir Keir Starmer anaelekea Downing Street akiwa na idadi kubwa ya wabunge 160, kulingana na makadirio ya BBC na viti zaidi ya 160 vilivyotangazwa, vichache kiasi kuliko ilivyotabiriwa na kura ya maoni.

    Katika hotuba yake ya ushindi wa eneo bunge, kiongozi huyo wa chama cha Labour alisema ni "wakati wa sisi kutoa".

    Conservertive wanatabiriwa kuishia na wabunge 154, idadi ya juu kidogo kuliko ilivyotabiriwa na kura ya maoni, lakini bado ni matokeo yao mabaya zaidi kuwahi kutokea.

    Chama cha Kitaifa cha Scotland sasa kinatabiriwa kupunguzwa hadi wabunge sita pekee.

    Kiongozi wa mageuzi wa Uingereza Nigel Farage ameshinda kiti cha ubunge katika jaribio lake la nane, mjini Clacton, na kuahidi "hii ni hatua ya kwanza tu ya jambo ambalo litawashangaza nyote".

    Chama cha Liberal Democrats pia kinatazamiwa kufaidika kutokana na kuporomoka kwa uungwaji mkono wa wahafidhina na wanatabiriwa kupata wabunge 56, upungufu wa wabunge 61 waliotabiriwa na kura ya maoni lakini bado ni matokeo yao bora zaidi tangu 2010.

    Soma pia:

    Uchaguzi wa Uingereza: Kwa nini Waafrika wanapaswa kuujali?

18. 5 Julai 2024Karibu katika matangazo ya moja kwa moja