Shillin Soomaaliga iyo sawirrada toddobaadka iyo Afrika

7 Febraayo 2020

Kuwan waxaa laga soo xushay sawirradii ugu xiisaha badnaa ee toddobaadkii hore lagu qaaday qaaradda Afrika.

Waxaa la qaaday intii u dhaxeysay 31-kii bishii January ilaa 6-dii bishan February.

Sawirkan waxaa laga soo qaaday suuqa sarrifka ee Xamarweynr 5 February 2020 — Qoraalka sawirka, Nin sarrifle ah ayaa Arbacadii lacag shilin Soomaali ah oo qiimaheedu uu aad u hooseeyo ku tirinayay suuq sarrifka lacagaha qalaad ah oo dusha ka bannaan, kaasoo ku yaalla magaalada Muqdisho ee caasimadda Soomaaliya.

Sawirkan waxaa la qaaday 1 February 2020 — Qoraalka sawirka, Nin u dhashay Nigeria oo lagu magacaabo Oyindamola Kolawole, oo 26 jir ah, ayaa Sabtidii bandhig ku sameynayay barnaamij ka socday magaalada Lagos...

Ifeoma Amazobi, oo 22 jir ah, iyo iyo saaxiibaddeed waxay bandhig ku sameeyeen barnaamijka lagu magacaabo Limberness oo ka dhacay magaalada Lagos, Nigeria, taariikhdu markii ay ahayd 1 February 2020 — Qoraalka sawirka, Labadan dumarka ah waxay sidoo kale muujinayaan sida ay isu laallaabi karaan, waxayna ka qeyb galeen isla bandhigga ka dhacay magaalada Lagos, Nigeria.

Ifeoma Amazobi, 22, waxay bandhig ku sameyneysay barnaamijka lagu magacaabo Limberness oo ka dhacay magaalada Lagos, Nigeria, taariikhdu markii ay ahayd 1 February 2020 — Qoraalka sawirka, Ifeoma Amazobi, oo 22, waxay ka mid ahayd qabanqaabiyeyaashii ugu muhiimsanaa badnhiggaas, oo looga dan lahaa muujinta farshaxanka.

Taageerayaasha mucaaradka oo ku dabaaldagaya magaalada Lilongwe, Malawi, 4 February 2020 — Qoraalka sawirka, Maalintii Talaadada ahayd, caasimadda waddanka Malawi ee Lilongwe, qof taageerayay mucaaradka ayaa dabaaldag nooc kale ah sameeyay ka dib markii ay maxkamad waxba kama jiraan kasoo qaadday guushii doorashada ee madaxweyne Peter Mutharika...

Taageerayassha xisbiga United Transformation Movement (UTM) ee dalka Malawi oo ku dabaaldagaya magaalada Lilongwe, 5 February 2020 — Qoraalka sawirka, Haween ayaa ciyaarayay maalintii xigtay, maadaama ay dabaaldagyada sii socdeen ka dib markii uu xukunk aweyn kasoo baxay maxkamadda.

Wiil reer Libya ah oo sameynaya bandhig uu mooto kor ugu dallacay, caasimadda Tripoli, 31-kii January, 2020 — Qoraalka sawirka, Maalintii Jimcada, wiil u dhashay Libya ayaa mooto kor u qaaday, isagoo ku sugan magaalada Tripoli...

Dhalinyaro reer Libya ah oo kubadda cagta ku ciyaarayay magaalada caasimadda ah ee Tripoli, 3 February 2020 — Qoraalka sawirka, Carruurtan waxaa Talaadadii sawir laga qaaday iyagoo kubadda cagta ku ciyaaraya garoon bacaad ah oo ku yaalla magaalada Tripoli.

Nin dalxiise ah ayaa ku ciyaarayay magaalada Dahab ee ku taalla gacanka Sinai, Masar, 1 February 2020 — Qoraalka sawirka, Nin dalxiise ah ayaa ku ciyaarayay dusha sare ee badda Cas, magaalada Dahab ee dalka Masar, maalintii Sabtida.

Hooyo iyo wiilkeeda ayaa la sawiray iyagoo kasoo laabtay isbitaalka dowladda ee magaalada Harare, Zimbabwe, 4 February 2020 — Qoraalka sawirka, Caasimadda Zimbabwe ee Harare, hooyo iyo wiilkeeda ayaa Talaadadii la sawiray iyagoo kasoo laabtay isbitaalka.

Qaar ka mid ah ciidamada ilaalada qaranka ee Koonfur Afrika ayaa soo dhaweeyay Ra'iisul Wasaaraha Jarmalka Angela Merkel oo booqatay magaalada Pretoria, 6 February 2020 — Qoraalka sawirka, Caasimadda Koonfur Afrika ee Pretoria, ciidamada ilaalada qaranka ayaa isu yimid goob ay ku sugneyd Ra'iisul Wasaaraha Jarmalka Angela Merkel, oo dalkaas ku tagtay booqasho ay ujeeddadeeda tahay xiriirka ganacsi ee u dhaxeeya labada dal.

Qof akhrisanaya qormo wargeyska lagu soo daabacay oo ka hadleysa geerida madaxweynihii hore ee Kenya Daniel arap Moi, magaalada Nairobi, 4 February 2020 — Qoraalka sawirka, Sawirka ugu dambeeyana waa qof akhrisanaya wargeys kasoo baxa Kenya oo qoray faallo dib loogu eegayo taariikhdii maamul ee madaxweynihii hore ee Kenya Daniel arap Moi, oo maalintii Talaadada geeriyooday isagoo 95 jir ah.

Sawirradan waxaa laga soo kala qaatay AFP, EPA, PA iyo Reuters

Wararka ugu waaweyn

Maxaa ka jira hadalkii Somaliland ee xiriirka Turkiga iyo Israa'iil?
Saacad ka hor
TOOS, Ururka Iskaashiga Islaamka oo ka shiray aqoonsiga Israa'iil ee Somaliland
Wararkii u dembeeyey ee dibad-baxyada Iiran iyo xaalado adag oo ay dhaqaatiir BBC-da u sheegeen
2 Saacadood ka hor

Xul