Ciidamo ka tirsan Israa'iil oo ku dhaawacmay weerar ka dhacay Suuriya

Tebin toos ah

1. 28 Nofembar 2025Madaxweynihii la afgambiyay ee dalka Guinea-Bissau oo u baxsaday dalka Senegal

   

   Xigashada Sawirka, Reuters

   Madaxweynihii xilka laga tuuray ee Guinea-Bissau Umaro Sissoco Embaló ayaa gaaray wadanka ay jaarka yihiin ee Senegal kaddib markii ay sii daayeen ciidamada militariga ee afgamiyay dowladiisa todobaadkan, sida ay sheegtay dawladda Senegal.

   Arintan ayaa dabo joogtay wada xaajood uu sameeyay ururka wadamada Galbeedka Afrika ee Ecowas oo dalbaday in madaxweynaha la sii daayo, xili ay sii kordheyso xiisadda ka taagan Guinea-Bissau.

   Wasaaradda arrimaha dibadda ee Senegal ayaa bayaan ay soo saartay ku sheegtay in Embaló uu si nabad ah ku soo caga dhigtay dalkaasi isagoo soo raacay diyaarad ciidan oo loo kireeyay goor dambe oo Khamiistii ah.

   Milateriga dalka Guinea-Bissau ayaa horey u dhaariyay hogaamiyaha cusub ee kumeel gaarka ah Gen Horta N'Tam, kaas oo muddo sanad ah maamuli doona wadankaasi u nugul inqilaabka.

   Afgambigii Arbacadii dhacay ayaa ku soo beegmay maalin ka hor inta aysan mas’uuliyiintu ku dhawaaqin natiijada ku meel gaarka ah ee doorashada madaxweynaha iyo baarlamaanka.

   Ciidamada ayaa hakiyay habsami u socodkii doorashada, waxayna hor istaageen in natiijada doorashada la shaaciyo.

2. 28 Nofembar 2025Iiraan oo qaadacday xafladda lagu sameynayo isku aadka Koobka Adduunka ee ka dhacaysa Maraykanka

   

   Xigashada Sawirka, Reuters

   Iiraan ayaa qaadacday ka qaybgalka xafladda lagu sameynayo isku aadka Koobka Kubadda Cagta Adduunka ee 2026 ee ka dhacaysa Mareykanka, iyada oo ka ashtakoonaysa sida loogu qoondeeyay dal ku galka dadka uga qaybgali lahaa munaasabaddaas, sida maanta oo Jimce ah uu sheegay xiriirka kubbadda cagta Iran.

   "Weftiga Iran kama qaybgeli doono isku aadka Koobka Adduunka marka loo eego xaaladdii ugu dambeysay ee bixinta dal ku galka wafdiga Iran si ay uga qaybgalaan xafladda isku aadka," ayuu yiri afhayeenka xiriirka Amir Mehdi Alavi, sida uu sheegay mareegaha warrarka ciyaarraha ee Iran Tarafdari.

   Mareykanka ayaa xayiraad adag oo muddo dheer soo jirtay oo dhanka dal ku galka ah saaray Iiraaniyiinta sababbo siyaasadeed iyo kuwo amni dartood.

   Alavi ayaa laga soo xigtay in Maraykanku uu dal ku galka siiyay afar xubnood oo ka mid ah wafdiga Iran, oo uu ku jiro tababare Amir Ghalenoei, laakiin lama siin dal ku galka guddoomiyaha xiriirka kubadda cagta Iran Mehdi Taj.

   Alavi waxa uu intaa ku daray in go'aankan uu daba socday waxa Iran ay ku tilmaantay "fallal aan ciyaarraha shaqo ku lahayn" oo ay sameeyeen mas'uuliyiinta Maraykanka ee la xiriira isku aadka December 5 ee Washington DC. “Marka la eego in go’aannada la qaatay ay yihiin kuwo aan isboorti ahayn, waddadiina laga weeciyay habkii ciyaarraha, waxaa la go’aamiyay in wafdiga Iran aysan ka qeybgalin xafladda isku aadka,” ayuu yiri.

   Xiriirka Kubadda Cagta Iiraan ayaa sheegay in uu xiriir la sameeyay FIFA muddo labo maalmood ah, waxaana uu ku wargeliyay madaxweyne Gianni Infantino iyo xoghayaha guud. "FIFA waxay sheegtay inay si dhab ah ula socon doonto arrintan," Tarafdari ayaa sidaa u sheegay Alavi.

   Iiraan ayaa xaqiijisay u soo bixidda koobka aduunka bishii Maarso ee sanadkan kaddib markii ay 2-2 la gashay xulka Uzbekistan ciyaar ka dhacday magaalada Tehraan, waana markii 7aad ee ay u soo baxayso koobka aduunk, halka ay tahay markii 4-aad oo xiriir ah oo ay tartankan ciyaarayso.

3. 28 Nofembar 2025Manchester United oo soo bandhigtay naqshadda cusub ee garoonka Old Trafford

   

   Xigashada Sawirka, MANCHESTER UNITED

   Garoonka cusub ee Old Trafford ee Manchester United ayaa ka mid ah 22 garoon oo ku yaala UK oo ay doonayso in ay ugu tartanto martigelinta Koobka Adduunka Haweenka ee 2035-ka.

   Old Trafford looma xulan tartanka ragga ee Yurub ee 2028, dib-u-horumarintiisuna wuxuu weli ku jiraa marxaladdaha qorsheynta. England, Scotland, Wales iyo Waqooyiga Ireland dalabkooda wadajirka ah ayaa ah mid aan cidna ka hor imaan, waxaana lagu ansixin karaa cod qaadista shirweynaha Fifa ee dhacaya sanadka soo socda ee 2026-ka.

   Haddii qorshayaasha dibu dhiska ay socon waayaan, Old Trafford wali waxaa loo tixgalin doonaa qaabka uu hadda yahay. Garoomada kale ee lagu wado in lagu ciyaaro waxaa ka mid ah garoonka cusub ee Birmingham City ay qorsheyneyso iyo Wembley – oo ay u badan tahay inuu martigelin doono ciyaarta finalka.

   Haddii dalabka UK la xaqiijiyo ee tartanka koobka aduunka ee gabdhaha 2035, wuxuu noqon doonaa markii labaad ee koobka aduunka lagu qabto wadankiisa kaddib 1966-kii oo uu martigaliyay tartanka koobka aduunka ee wiilasha.

   Isku soo wada duuboo, 22 garoon ayaa lagu sheegay bandhigii maanta oo jimce ah - 16 England ah, 3 Wales ah, labo ku yaal Scotland iyo hal ku yaala Waqooyiga Ireland.

4. 28 Nofembar 2025Gabadh uu dhalay Madaxweyne hore oo isu casishay eed la xiriirta ku lug lahaanshaheeda calooshood u shaqaystayaal loo qoray Ruushka.

   

   Xigashada Sawirka, Gallo via Getty Images

   Duduzile Zuma-Sambudla, oo ah gabar uu dhalay madaxweynihii hore ee Koonfur Afrika Jacob Zuma, ayaa iska casishay xubinimadii baarlamaanka, kadib markii lagu eedeeyay in ay 17 nin u qortay Ruushka si ay ula dagaalamaan Ukraine, sida uu sheegay xisbigeeda maanta oo Jimce ah.

   Uma-Sambudla waxay ahayd xildhibaanad ka tirsan xisbiga mucaaradka ah ee Umkhonto weSizwe (MK) ee uu hoggaamiyo aabaheed.

   Saraakiisha MK ayaa sheegay in ay si iskeed ah isku casishay isla markaana ka bixitaankeedii Barlamaanka iyo dhammaan doorarkii kale ee dadweynaha ay isla markiiba dhaqangashay.

   Nathi Nhleko, oo ah isu-duwaha qaran ee xisbiga MK, ayaa weriyayaasha u sheegay in xisbiga MK uusan ku lug lahayn in raggan loo qoro Ruushka, iscasilaadda Zuma-Sambudlana aysan ka dhignayn in dambi la qirtay, balse wuxuu intaas ku daray in MK uu gacan ka geysan doono taageerada qoysaska raggan.

   "Saraakiisha qaranku waxay aqbaleen go'aanka Duduzile Zuma-Sambudla ee ah in ay is casisho iyo in ay taageeraan dadaalkeeda ku aaddan in dhallinyaradan Koonfur Afrikaanka ah dib loogu soo celiyo si nabad ah qoysaskooda," ayuu yiri.

   Dowladda Koonfur Afrika ayaa sheegtay bishan in 17 ka mid ah muwaadiniinteeda ay ku xayiran yihiin gobolka Donbas ee dalka Ukraine kaddib markii lagu khiyaamay inay u dagaalamaan ciidamo calooshood u shaqeystayaal ah iyadoo lagu marmarsiyoonayo qandaraasyo shaqo oo faa'iido badan leh. Waxa ay sheegtay in ay ka shaqaynayso sidii ay guryahooda ugu soo celin lahayd isla markaana ay baarayso sida ay ku tageen halkaas.

5. 28 Nofembar 2025Trump oo sheegay in Mareykanka uu joojin doono socdaalka dadka ka imaanaya 'wadamada dunida seddexaad'

   

   Xigashada Sawirka, Reuters

   Madaxweynaha Maraykanka Donald Trump ayaa sheegay in uu "si joogto ah u hakin doono socdaalka" ku wajahan Mareykanka dhammaan dadka ka imaanaya "wadamada dunida saddexaad".

   Madaxweynaha Mareykanka ayaa qoraal uu soo dhigay Bartiisa Bulshada ee Truth ku sheegay in go'aankan uu "u ogolaan doono in nidaamka Mareykanka uu si buuxda uga soo kabsado" siyaasaddaha socdaalka ee meesha ka saaray " faa'iidooyinka iyo xaaladdaha nololeed" ee dad badan oo Mareykan ah.

   Ma uusan bixin tafaasiil ku saabsan qorshihiisa iyo magaca dallalka ay saameyn doonto.

   Hadalka Trump ayaa imaanaya maalin kadib markii muwaadin u dhashay dalka Afgaanistaan ​​lagu eedeeyay in uu toogtay labo askari oo ka tirsan ilaallada qaranka oo ku sugnaa magaalada Washinton DC, mid kamid ah ayaa u dhintay dhaawacii soo gaaray.

   Baaqan cusub iyo kuwo kale oo uu jeediyay kaddib weerarkan ayaa ka dhigan sii adkeynta mowqifka Trump ee ku aaddan socdaalka, kaasoo muddo dheer ka mid ahaa arrimaha ugu muhiimsan ajandayaashiisa hortabinta leh.

   Trump ayaa horey u sheegay toogashadii Arbacadii ka dhacday Washington DC in ay hoosta ka xariiqday khatar weyn oo amniga qaranka ah, wuxuuna ballan qaaday inuu qaadi doono tillaabooyin uu kaga saarayo qof kasta oo ajnabi ah "dal kasta oo aan halkan waxba ku lahayn".

   Isla maalintaas, Maraykanku wuxuu hakiyay socodsiinta dhammaan codsiyada socdaalka ee dadka u dhashay Afgaanistaan ​​​​isagoo sheegay in go'aanka la gaaray inta laga eegayo dib u eegista "ammaanka iyo hab-raaca hubinta".

   Kaddib dhacdadii Khamiista, Waaxda Jinsiyadaha iyo Socdaalka Mareykanka (USCIS) ayaa sheegtay in ay dib u baari doonto kaarrarka cagaaran ee la siiyay shaqsiyaadka u soo haajiray Mareykanka ee ka yimid 19 wadan.

6. 28 Nofembar 2025Kenya iyo Shiinaha oo maanta ku dhawaaqaya mashruuc cusub oo lagu dhisayo wadooyin waaweyn gudaha Kenya.

   

   Xigashada Sawirka, Reuters

   Kenya iyo labo shirkadood oo ay leedahay dawladda Shiinaha ayaa maanta oo Jimce ah daaha ka rogaya mashruuc ay ku kacayso $1.5 Bilyan kaas oo Kenya looga dhisi doono wadooyin waaweyn oo casri ah.

   Sida ay soo werisay wakaaladda warrarka ee Reuters mashruucan ayaa soo gagabeynaya hakadkii uu ku jiray barnaamijka horumarinta kaabayaasha dhaqaalaha ee Shiinuhu ka waday dalkan ku yaala Bariga Afrika.

   Mashruuca, oo loo kala qaybiyay laba weji, waxaa maalgelin doona saaxiibbadda wadaaga, iyada oo loo marayo isku dhafka deynta iyo sinnaanta, waxaana la adeegsanayaa hannaan soo jiidanaya kaddib markii qaabka amaahda dhaqameed ee Shiinaha uu walaac ka muujiyay culeyska deynta uu leeyahay.

   "Ma hayno meel kale oo aan lacag ku amaahano," ayuu yiri Kefa Seda, oo ah Agaasimaha Guud ee waaxda iskaashiga dadweynaha iyo kuwa gaarka ah ee wasaaradda maaliyadda Kenya mar uu la hadlayay Reuters ka hor xafladda furitaanka rasmiga ah ee maanta dhacaysa.

   Mashruucu wuxuu wanaajin doonaa marin muhiim ah oo isku xira dekedda Mombasa ee Kenya iyo gobolkeeda galbeed iyo wadamada deriska la ah sida Uganda, iyadoo la sii marayo Nairobi.

7. 28 Nofembar 2025Dalalka Yurub oo ku dhiirigalinaya dhalinyarada inay ku biiraan ciidamaad, iyo mushaarka ay qaadanayan bishii?

   

   Xigashada Sawirka, Reuters

   Waddamada Yurub ee Ruushka u arka khatarta ugu weyn ee millatari ee xilligan ayaa dib u cusbooneysiinaya nidaamkooda milatari.

   Dadaalka lagu doonayo in lagu soo celiyo ciidamada qalabka sida oo tiradooda la dhimay dagaalkii qaboobaa ka dib, ayaa mar kale soo laba kaclaysay.

   Gaar ahaan, dhaqanka adeegga milatariga ee iskaa wax u qabso ah ama mutadhawicnimada ah ayaa sii kordhaya.

   Waddankii ugu dambeeyay ee Midowga Yurub (EU) ee go'aamiyay dhaqangelinta dhaqankan dib u soo cusboonaday wuxuu ahaa Faransiiska.

   Madaxweynaha Faransiiska Emmanuel Macron ayaa hadal uu ka jeediyay xerada ciidamada Varces ee ku taal buuraleyda Alps ee Faransiiska ku yiri "Waxaan u baahannahay in ummaddu ay isu abaabusho si aan isu difaacno, una diyaargarowno, lana ixtiraamo".

   Hadafka nidaamkan cusub, oo faahfaahintiisa uu ku dhawaaqay Macron, ayaa ah mid lagu diiwaangalinayo 3,000 oo dhallinyaro ah laga bilaabo xagaaga 2026, 10,000 marka la gaaro 2030, iyo 50,000 marka la gaaro 2035.

   Waxaa la filayaa in kuwa ugu biiraya si mutadhawicnimo ah milatari ay shaqeyn doonaan oo kali ah gudaha dalka Fransiiska.

   Nidaamku wuxuu diiradda saari doonaa dhalinyarada da'doodu tahay 18 iyo wixii ka weyn, oo gali doona 10 bilood oo adeeg militariga ah. Lacagta mushaar ahaan loo siinayo bishii wxa ay noqon doontaa ugu yaraan €800 oo Yuuro.

   Sii akhri

8. 28 Nofembar 2025"35 canug baa ii joogta, midkoodna aniga ma dhalin"

   Yuichi Ishii waa nin caato ah indhihiisuna waa sida in ay kaa soo eegayaa weji daalan dhexdiisa.

   La yaab malahan; waa 38 sano jir haysta caruur aad u badan oo aysan haysan kuwa da'diisa ah ee uu garanayo.

   Laakiin, maalintii afar saacadood ka mid ah ayuu la joogaa, dhowr goor isbuucii mararka qaar, waxayna ku xiran tahay baahida macaamiishiisa.

   Toban sano ka hor, Ishii wuxuu aasaasay Qoyska Jaceylka. Waa shirkad kireysa dad matala "qoysas iyo saaxiibo".

   Waxaa u shaqeysa 2,200 oo qof oo matasha waalidiin, qaraabo, adeer ama eedo, iyo awoow ama ayeeyo.

   Caannimada shirkaddiisa iyo wanaaga milkiilaha ayaa sababay in ay si xowliha ku ballaarato.

   Maanta Ishii waa "aabaha" 35 caruur ah, wuxuuna BBC u sheegay in uu dareemayo sida in uu qeyb ka yahay 25 qoys, iyadoo midkoodna uusan dhab ahayn haddana.

   Sii akhriso

9. 28 Nofembar 2025Uganda oo ku dhawaaqday inay joojisay diiwaan gelinta qaxootiga Soomaalida

   

   Xigashada Sawirka, Reuters

   Dowladda Uganda ayaa ku dhawaaqday inay joojisay diiwaan gelinta qaxootiga ka imaanaya dalalka Geeska Afrika ee Itoobiya, Eritrea iyo Soomaaliya.

   Wasiirka Gargaarka, U Diyaargarowga Masiibooyinka iyo Qaxootiga ee Uganda, Hilary Onyeke, ayaa sheegtay in shaqaalaheeda lagu amray inaysan diiwaan gelin qaxootiga ka imaanaya saddexda dal, iyadoo sabab uga dhigtay "taageerada la'aanta ka jirta dalalka kaalmeeya qaxootiga."

   Go’aanka wasaaradda ayaa ku soo beegmaya iyadoo ay aad u kordheen tirada qaxootiga soo galaya dalka Uganda iyo hoos u dhac ku yimid taageeradii ay siin jireen deeq bixiyayaasha qaxootiga, sida uu qoray wargeyska The Daily Monitor ee ka soo baxa dalka Uganda.

   Wasiirka ayaa sheegay in Uganda ay sanad walba ku bixiso laba bilyan oo shilin (Lacagta Uganda) si ay u taageerto qaxootiga.

   Sida ay sheegtay hay’adda Qaramada Midoobay u qaabilsan qaxootiga, waxaa hadda Uganda ku sugan in ka badan 56,000 oo Eritrean ah, ku dhawaad ​​50,000 oo Soomaali ah, iyo 16,000 oo Itoobiyaan ah.

   Waxaad sidoo kale akhrisan kartaa:

   Mid ka ah askartii la toogtay oo geeriyootay iyo ninkii weerarka gaystay oo xog dheeri ah laga helay

   Dalalka Yurub oo ku dhiirigalinaya dhalinyarada inay ku biiraan ciidamaad, iyo mushaarka ay qaadanayan bishii?

   War ka soo kordhay barnaamijka group Five ee Canada oo Soomaali badan dalkaasi ku tagi jirtay

10. 28 Nofembar 2025Kooxo Premier League ah oo isha ku haya Vinicius Junior

    

    Xigashada Sawirka, Getty Images

    Xiddiga reer Brazil, Vinicius Jr, ayaa ku dhow inuu saxiixo heshiis cusub si uu u sii joogo kooxda Real Madrid, ka dib markii uu hoos u dhigay dalabaadkii mushaarkiisa.

    Heshiiskiisa hadda wuxuu dhacayaa Juun 2027.

    Manchester United ayaa la xiriirtay wakiillada Vinicius Jr, kaas oo la sheegayo inuu hal lug kula jiro Madrid, iyadoo Manchester City sidoo kale la filayo inay ku soo biirto tartanka haddii uu go'aansado inuu ka tago Real Madrid.

    Liverpool waxa ay wajahaysaa jahwareer ah in ay si degdeg ah ula soo wareegto Antoine Semenyo, oo ka tirsan Bournemouth bisha Janaayo ama ay sugto xagaaga, xilli Manchester City la filayo in ay soo galaan tartanka saxiixa garabka reer Ghana ee 25 sano jirka ah.

11. 28 Nofembar 2025Mareykanka oo hakiyay codsiyada socdaalka ee dalka uu ka soo jeedo ninka toogtay askarta Mareykanka

    Toban kun oo Afghaniyiin ah ayaa galay Mareykanka iyadoo loo marayo shuruuc gaar ah oo la xiriirta socdaalka, kadib markii Mareykanku si qalalaase leh uga baxay dalkaasi sanadkii 2021-kii, xilliga uu xilka hayay madaxweynihii hore, Joe Biden.

    Ilo badan oo ka tirsan hay'adaha sharciga ayaa u sheegay wariyaha BBC ee Mareykanka ee CBS, in qofka loogu tuhunsan yahay weerarka, uu yahay Rahmanullah Lakanwal, oo ah 29-jir ka soo jeeda dalka Afghanistan, kaasoo dalkaas tagay isagoo ka faa'iideysanaya barnaamij la yiraahdo Operation Allies Welcome.

    Trump ayaa sheegay kadib toogashada in Mareykanku "hadda dib u eegis ku sameyn doono qof kasta oo ajnabi ah oo ka yimid Afghanistan isla markaana yimid xilligii maamulkii Biden.."

    Wajiga Hawlgalka Wadajirka ah ee DC, oo isku dubaridaya howlgallada Ciidanka Qaranka ee caasimadda, ayaa sheegay in weerarka uu ka dhacay gelinkii dambe xilliga dalkaas, agagaarka goobt lagu magacaabo Farragut Square Metro Station.

    Ciidamadu waxay ku jireen howlgallo muuqaalka sare u qaadaya agagaarka isgoyska 17th iyo I Street — meel mashquul ah oo shaqaalaha xafiisyada ay ka cunteeyaan isla markaana ay ku jireen fasax gaaban oo dhanka shaqooyinka ah.

    Kaaliyaha Taliyaha Booliska Magaalada, Jeff Carroll, ayaa sheegay in tuhmanuhu-"uu ka soo dhinac " isla markaana "si degdeg ah uu u bilaabay inuu rasaas furo," isagoo intaas ku daray in ciidamada lagu "gaaday weerarka ."

    Xubno kale oo ka tirsan Ciidanka Qaranka oo aagga joogay ayaa maqlay rasaasta waxayna dhex galeen, iyagoo ninka eedeysanaha ah ay ku qasbeen in uu dhulka jiifto laa boolisku ay yimaadeen, ayuu yiri.

    Ilo ka tirsan hay'adaha sharciga ayaa CBS u sheegay in eedeysanaha la toogtay afar jeer.

    Sii akhri

12. 28 Nofembar 2025Puntland oo faahfaahin ka bixisay baaxadda dhulka ay wali gacanta ku hayaan Dacish Buuraha Calmiskaad

    Maamulka Puntland ayaa faahfaahin ka bixiyay halka uu marayo dagaalka ay ciidamada kula jiraan kooxda Daacish.

    Dagaalkan ayaa ka socday muddo sanad ka badan buuraha Calmiskaad, waxaa ka dhashay khasaaro kala duwan oo labada dhinac soo kala gaaray.

    Wasiiru dowlaha madaxtooyada ee Puntland Cabdi fataax Maxamed Cabdi nuur oo BBC la hadlay ayaa sheegay in dagaalka uu hadda marayo meel gebagabo ah.

    Mr Cabdi Fataax ayaa xusay in ilaa hadda kooxda Daacisha laga saaray boqolkiiba 95 dhulkii ay haysteen.

    "Boqolkiiba 95 waa la nadiifiyay argagixisada meelaha ay joogeen oo ay ku sugnaayeen" ayuu yiri Mr Cabdi fataax .

    Wasiirka ayaa intaa ku daray in goobo waawayn oo saldhigyo u ahaa kooxda ay ciidamada Puntland imika gacanta ku hayaan oo ay ka saareen.

    "Goobihii taliska u ahayd haddii ay noqon lahayd goobahii saldhigyada u ahaa haddii ay noqon lahayd magaalooyiinkii iyo deegaanadii ay joogeen waa laga nadiifiyay" ayuu intaa ku daray.

    Balse saraakiisha Puntland ayaa qirtay in ay jiraan goobo ay wali ku harsan yihiin kooxda Daacisha ee halkaasi ka dagaalamaysay muddo dheer.

    "Waxaa soo haray in kooban oo ku kala firdhisan buurta Calmiska qeybo ka mid ah oo si dhuumaaleysi ah ku jira buuraha hoostooda, iyadana waxaan rajeynaynaa in si dhaqso ah loo soo afjaro, " ayuu yiri wasiir dowlaha madaxtooyada Puntland.

    Ciidamada Puntland ayaa dhanka kale wada dadaal ay ku doonayaaan in ay ku wiiqaan awoodda kooxad iyada oo ays heegen inay qaadeen tallaabooyiin lagu go'doominayo.

    Sii akhri

13. 28 Nofembar 2025Lix askari oo Israa'iil ah oo ku dhaawacmay weerar ka dhacay Suuriya

    Israa'iil ayaa sheegtay in lix askari oo ka tirsan ciidamadooda ay ku dhaawacmeen weerar ka dhacay gudaha dalka Suuriya.

    Saddex kamid ah askarta dhaawaca soo gaaray ayaa dhaawacodu aad u cylus yahay.

    Wararka ka imanaya Suuriya ayaa sheegaya inuu dagaal ku dhex maray ciidamada Israa'iil iyo kooxo maxalli ah tuulada Beit Jen, oo ku taal dhinaca hoose ee Buurta Hermon ee koonfurta dalkaas.

    IDF-ta Israa’iil ayaa sheegay, inay isku dayayeen inay xiraan xubno ka tirsan urur argagixiso oo Islaami ah.

    Waxay sheegeen inay dileen dhowr nin oo hubaysan, ayna xireen dhammaan eedeysaneyaashii la doonayay.

    Faahfaahinta halkan kala soco.

    Waxaad sidoo kale akhrisan kartaa:

    Mid ka ah askartii la toogtay oo geeriyootay iyo ninkii weerarka gaystay oo xog dheeri ah laga helay

    Dalalka Yurub oo ku dhiirigalinaya dhalinyarada inay ku biiraan ciidamaad, iyo mushaarka ay qaadanayan bishii?

    War ka soo kordhay barnaamijka group Five ee Canada oo Soomaali badan dalkaasi ku tagi jirtay

14. 28 Nofembar 2025Muxuu taliyaha ciidamada Mareykanka kala hadlay Abiy Axmed iyo madaxweynaha Somaliland?

    Raysalwasaaraha Itoobiya Abiy Axmed iyo taliyaha ciidamada, Birhanu July ayaa la kulmay taliyaha ciidamada Mareykanka ee taliska Afrika, Janaraal Dagvin RM Anderson shan iyo labaatankii bishan.

    Sarkaalkan sare ee Mareykanka ayaa booqan doono magaalada caasimada ee Addis Ababa si halkaas uu madaxda dalka ugula yeesho wadahadal ku saabsan arrinta Badda Cas iyo danaha Itoobiya sida ay sheegayaan warbaahinta gudaha dalkaas.

    "Waxaan saakay la kulmay taliyaha ciidamada Marekanka ee Afrika, Janaraal Dagvin RM Anderson kaas oo aan kala hadlay arrimaha ammaanka gobolka iyo sidii loo sii xoojin lahaa iskaashiga labada dhinac" ayuu ku qoray bartiisa bulsho raysalwasaare Abiy Axmed.

    Wafdiga oo uu hoggaaminayay taliyaha ciidamada Mareykanka ee Afrika, Janaraal Dagvin RM Anderson, wuxuu kaloo la kulmay Janaraal Birhanu July oo ah taliyaha ciidamada Itoobiya. Labada mas'uul ayaa ka hadlay sidii ay isu kaashan lahaayeen dalalka ay ku yaalaan xeryaha qaxootiga si loo helo xasilooni.

    Sida ay sheegtay wasaarada difaaca Itoobiya, labada dal ayaa in muddo ah ka wada shaqeynayay arrimo badan oo ay ku jiraan militeriga.

    Taliyaha ciidamada wuxuu sheegay in uu sii xoogeysanayo xiriirka militeri ee u dhexeeyay Itoobiya iyo Mareykanka.

    Janaraal Birhanu July waxa uu kaloo sheegay in Itoobiya ay sii wadeysoo dadaalkeeda ay ku wiiqeyso Al-shabaab si looga hortago arrimaha argagixisada iyo shirqooladooda.

    Isagoo ka mahadceliyay kaalinta Itoobiya ee gobolka looga hirgelinayo nabadda iyo xasiloonida, ayuu sheegay Janaraal Dagvin RM Anderson in dalkiisa uu sii wadayo dagaalka lagula jiro argagixisada.

    Sii akhri

15. 28 Nofembar 2025Afar arrimood oo lagu xusuusto Dowladdii Kacaankii Siyaad Bare

    

    Xigashada Sawirka, somali archive

    Dowladdii kacaanka oo curatay 21-kii Oktoober, sannaddii 1969 ayaa ahayd middii ugu waqtiga dheereyd ee soo marta Soomaaliya.

    Afgambiga wuxuu ka dambeeyay dilkii madaxwaynihii Soomaaliya, Cabdi Rsahiid Cali sharma'arke, ee 15-kii bishii October sannaddii 1969 oo lagu dilay magaalada Laascaanood.

    Markii uu dilkaasi dhacayay waxaa dalka Raisul wasaare ka ahaa allaha u naxariistee Maxamed Xaaji Ibraahim Cigaal.

    Cigaal waxaa xilligii uu dilka dhacayay uu ku sugnaa magaalada New York oo uu uga qayb galayay shirkii Qaramada Midoobay, wuxuuna markii uu dilka maqlay uu si degdeg ah ugu soo laabtay dalka.

    Maxamed Xaaji Ibraahim Cigaal markuu dalka ku soo laabtay wuxuu billaabay sidii loo dooran lahaa madaxwaynihii baddali lahaa Cabdi Rashiid.

    Waxaa xilligaasi laga dooday cidda madaxwayna noqonaysa waxaana ugu dambeyntii lagu heshiiyay 20 October in Xaaji Muuse Boqor uu noqdo madaxwaynaha baddalaya allaha u naxriistee Cabdi Rashiid Cali Sharma'arke, balse taasi laguma simin in taladaasi ay meel marto.

    Waxaan halkan idin kugu soo gudbineynaa afar ka mid ah waxyaabiha lagu xasuusto dowladdii kacaanka.

    Sii akhri

16. 28 Nofembar 2025Muxuu taliyaha ciidamada Mareykanka kala hadlay Abiy Axmed

    Raysalwasaaraha Itoobiya Abiy Axmed iyo taliyaha ciidamada, Birhanu July ayaa la kulmay taliyaha ciidamada Mareykanka ee taliska Afrika, Janaraal Dagvin RM Anderson shan iyo labaatankii bishan.

    Sarkaalkan sare ee Mareykanka ayaa booqan doono magaalada caasimada ee Addis Ababa si halkaas uu madaxda dalka ugula yeesho wadahadal ku saabsan arrinta Badda Cas iyo danaha Itoobiya sida ay sheegayaan warbaahinta gudaha dalkaas.

    "Waxaan saakay la kulmay taliyaha ciidamada Marekanka ee Afrika, Janaraal Dagvin RM Anderson kaas oo aan kala hadlay arrimaha ammaanka gobolka iyo sidii loo sii xoojin lahaa iskaashiga labada dhinac" ayuu ku qoray bartiisa bulsho raysalwasaare Abiy Axmed.

    Wafdiga oo uu hoggaaminayay taliyaha ciidamada Mareykanka ee Afrika, Janaraal Dagvin RM Anderson, wuxuu kaloo la kulmay Janaraal Birhanu July oo ah taliyaha ciidamada Itoobiya. Labada mas'uul ayaa ka hadlay sidii ay isu kaashan lahaayeen dalalka ay ku yaalaan xeryaha qaxootiga si loo helo xasilooni.

    Sida ay sheegtay wasaarada difaaca Itoobiya, labada dal ayaa in muddo ah ka wada shaqeynayay arrimo badan oo ay ku jiraan militeriga.

    Taliyaha ciidamada wuxuu sheegay in uu sii xoogeysanayo xiriirka militeri ee u dhexeeyay Itoobiya iyo Mareykanka.

    Janaraal Birhanu July waxa uu kaloo sheegay in Itoobiya ay sii wadeysoo dadaalkeeda ay ku wiiqeyso Al-shabaab si looga hortago arrimaha argagixisada iyo shirqooladooda.

    Isagoo ka mahadceliyay kaalinta Itoobiya ee gobolka looga hirgelinayo nabadda iyo xasiloonida, ayuu sheegay Janaraal Dagvin RM Anderson in dalkiisa uu sii wadayo dagaalka lagula jiro argagixisada.

    Sii akhri

    Muxuu taliyaha ciidamada Mareykanka kala hadlay Abiy Axmed iyo madaxweynaha Somaliland?

17. 28 Nofembar 2025Tirada dadka ku dhintay dabkii Hong Kong oo dhaaftay 100

    

    Xigashada Sawirka, Getty Images

    Ugu yaraan 94 qof ayaa ku dhintay, 76 kalena way ku dhaawacmeen ka dib markii dab xooggan uu qabsaday dhisme dabaqyo ah oo ay dawladdu leedahay oo ku yaalla Hong Kong -, halka tiro badan oo kalena la la'yahay.

    Dabka, oo baabi'iyay toddoba ka mid ah siddeed dhisme oo ku yaalla degmada Tai Po Arbacadii, ayaa hadda ah weli la xakameynayaa", sida uu sheegay hoggaamiyaha Hong Kong.

    Kooxaha dabdamiska ayaa sheegay inay rajaynayaan inay dhammeeyaan hubinta guryaha subaxnimadan.

    "Tani waa laga hortegi karay," ayuu yiri mid ka mid ah dadka degan, iyadoo caro ka dhalatay dayac ka jiray xagga ammaanka ah.

    Ma cadda inta qof ee ku sugneyd dhismaha, oo hoy u ah ilaa 4,600 oo qof, sida ku cad tirakoobkii ugu dambeeyay.