Waa kuwee ciyaaryahannada Muslimiinta ah ee ciyaaraya iyaga oo soomman bisha Ramadaan?

Qaybo badan oo dunida ka mid ah waxa laga soomayaan bisha Ramadaan, iyada oo dadka Muslimiintu ee soomman ay ka fogaadaan cunista iyo cabbitaanka laga bilaabo waaberiga ilaa qorrax dhaca.

Arrin soo jiitay indhaha dad badan ayaa ah isbeddelka ka dhacay dunida kubadda cagta, halkaas oo ciyaarta si kooban loo joojiyo inta lagu jiro si ciyaartoyda Muslimiinta ah loogu oggolaado inay biyo cabbaan marka qorraxdu dhacdo.

Taas ayaana nagu dhalisay in aan falanqayn ku samaynno qaar ka mid ah ciyaartoyda Muslimiinta ah ee soomman bisha Ramadaan ee ka ciyaara qaaradda Yurub.

Mohamed Salah - Liverpool

Mohamed Salah oo dhashay 15-kii Juun 1992, waa ciyaaryahan xirfad leh oo u dhashay Egypt, kana ciyaara garabka midig ama khadka dhexe ee midig ee kooxda Liverpool ee horyaalka Premier League, sidoo kalena waa kabtanka xulka qaranka ee Egypt.

Waxaa si weyn loogu aqoonsan yahay inuu ka mid yahay ciyaartoyda ugu fiican jiilkiisa iyo inuu yahay mid ka mid ah garbaha ugu waaweyn taariikhda kubadda cagta. Loo bixiyay naanaysta "Boqorka Masar", waa ciyaaryahankii ugu goolasha badnaa ee ajnabiga ah ee taariikhda Premier League iyo ciyaaryahankii ugu goolasha badnaa ee Afrika ee horyaalka UEFA Champions League.

William Saliba - Arsenal

Ciyaaryahankan u dhashay Faransiiska oo 24 jir ah ayaa ka mid ah daafacyada ugu firfircoon dunida waqtigan, waxaana si weyn ugu tiirsan dhinaca difaaca kooxda Arsenal.

Hugo Ekitike - Liverpool

Ciyaaryahanka da'da yar ee u dhashay Faransiiska, kuna dhashay 2002, ayaa ku biiray Liverpool sannadkii 2025 kadib markii uu ka tegay Eintracht Frankfurt.

Amad Diallo - Man United

Ciyaaryahanka u dhashay Ivory Coast ayaa ka mid noqday kooxda Manchester United tan iyo xilli ciyaareedkii 2024/2025. 23 jirkan ayaa noqday mid ka mid ah ciyaartoyda ay United hadda ku faanto.

Ousmane Dembele - PSG

Ousmane Dembélé oo ku dhashay France 15-kii May 1997, ayaa hadda ka mid ah ciyaartoyda kubadda cagta ugu caansan dunida.

Wuxuu haystaa abaalmarinta ugu weyn ee ciyaartoyda kubadda cagta ee caalamka, oo ah Ballon d'Or.

Paul Pogba - Monaco

Paul Pogba oo dhashay 15-kii March 1993, kana soo jeeda Faransiiska ayaa hadda ka ciyaara kooxda Monaco, taasoo ka dheesha horyaalka Ligue 1.

Lamine Yamal - Barcelona

Lamine Yamal oo u dhashay Spain 13-kii Luulyo 2007, ayaa hadda ciyaara kooxda Barcelona oo ka qayb gasha horyaalka La Liga, isla markaana ka mid ah ciyaartoyda yaryar ee kubadda cagta ee la faano.

Antonio Rüdiger - Real Madrid

Antonio Rüdiger oo u dhashay Germany 3-kii Maarso 1993, ayaa hadda ka ciyaara kooxda Real Madrid ee ka qayb gasha horyaalka La Liga.

Hakan Çalhanoğlu - Inter Milan

Hakan Çalhanoğlu oo u dhashay Turkey 8-kii Febraayo 1994, ayaa hadda ciyaara kooxda Inter Milan oo ka qayb gasha horyaalka Serie A.

Yunus Musah - Atalanta

Yunus Musah oo ku dhashay Maraykank, 29-kii Nofembar 2002, ayaa hadda ciyaara kooxda Atalanta oo ka qayb gasha horyaalka Serie A, isaga oo ah ciyaaryahan amaah kaga yimid AC Milan.