ප්රංශය වෛශ්යා වෘත්තිය තහනම් කරයි
ඡායාරූප මූලාශ්රය, Reuters
ලිංගික සේවනය සඳහා මුදල් ගෙවීම නීති විරෝධී බවට පත්කරමින් ප්රංශ පාර්ලිමේන්තුව විසින් නව නීතියක් සම්මත කර ඇත.
මේ අනුව යම් අයෙකු ලිංගික ශ්රමිකයෙකුට මුදල් ගෙවූ බව සනාථ වුව හොත් පළමු වතාවෙ දී ඩොලර් එක්දහස් හත්සියයක දඩ මුදලක් ගෙවිය යුතු වේ.
මේ නීතිය මගින් තිස් දහසක් වන ලිංගික ශ්රමිකයන් පිරිසකගේ ජීවිත වලට බලපෑම් එල්ලවන බවයි පැවසෙන්නේ.
ප්රංශයේ ලිංගික ශ්රමිකයන් ගෙන් වැඩි පිරිස විදේශිකයන් බවටයි වාර්තා වන්නේ.
මෙම යෝජනාව ප්රලිමේන්තුවට ඉදිරිපත් කළ පිරිසේ ප්රධානියෙකු වන මෝඩ් ඔලිවර් (Maud Olivier) පැවසුවේ යමෙකු ගේ ශරීරය මිල දී ගැනීම සාමාන්ය දෙයක් යැයි පවතින සංකල්පය වෙනස් විය යුතු බවයි.
‘මගේ විමුක්තිය ගැන කරදර නොවන්න. මං ගැන මම බලාගන්නම්’ යන තේරුම ඇති විරෝධතා පුවරු රැගත් ලිංගික වෘත්තිකයන්ගෙන් සමන්විත කුඩා කණ්ඩායමක් පාර්ලිමේන්තුව ට පිටතින් විරෝධතාවක් පැවැත්වූ බව ද වාර්තා වේ.
