කොවිඩ් රෝග ලක්ෂණ මොනවාද? රෝග ලක්ෂණ ඇත්නම් කළ යුත්තේ කුමක්ද?

වෛද්‍ය විශේෂඥයින් පෙන්වා දෙන ආකාරයට COVID-19 ආසාදනය වූ බොහෝ පුද්ගලයන්ට ඇතිවිය හැක්කේ සුළු රෝග ලක්ෂණ පමණි.

සාමාන්‍යයෙන් වාර්තා වන රෝග ලක්ෂණ

• උණ

• ශ්වසන රෝග ලක්ෂණ - කැස්ස/ උගුරේ අමාරුව/ මඳ හුස්ම ගැනීමේ අපහසුව

COVID-19 ආසාදනය වීමෙන් ඇතිවන සුළු රෝග ලක්ෂණ වලට අමතරව ඇති විය හැකි අනෙකුත් රෝග ලක්ෂණ

• සොටු දියර ගැලීම සහ වමනය

• හිසරදය, ගඳ සුවඳ නොදැනීම

• මාංශ පේශී හෝ සන්ධි වේදනාව සහ රස නොදැනීම

• ඔක්කාරය, ආහාර අරුචිය

• පාචනය, තෙහෙට්ටුව

Skip වැඩිපුරම කියැවූ and continue reading
වැඩිපුරම කියැවූ

End of වැඩිපුරම කියැවූ

පහත රෝග ලක්ෂණ ඇත්නම් ඔබගේ රෝගී තත්ත්වය අවදානම් මට්ටමකට පැමිණ තිබිය හැක:

එසේ නම් ඔබ රෝහලකදී පරීක්ෂාවකට ලක් කළ යුතුය.

• විවේකීව හෝ සුළු ක්‍රියාකාරකමකදී හුස්ම ගැනීමේ අපහසුව

• දින 3 කට වඩා පවතින උණ

• තොල් හෝ මුහුණ නිල් පැහැවීම

• පපුවේ වේදනාව හෝ බර ගතිය

• අත් පා සුදු මැලි වීම

• කල්පනාව අඩු වීම හෝ ක්ලාන්ත ගතිය

• නොනවතින වමනය හෝ පාචනය

• මුත්‍රා පිටවීම අඩු බව

ඔබ නිවසේ සිටින විට පහත පියවර:

  • අවශ්‍ය තරම් විවේක ගන්න. දියර ලීටර් 2 ත් 2.5 ත් අතර ප්‍රමාණයක් බොන්න. පෝෂ්‍යදායී ආහාර වේලක් ලබා ගන්න.
  • උණට පැරසිටමෝල් 1000 mg (උපරිම වශයෙන් පෙති දෙකක් ) පැය 6 කට වරක් ලබා ගන්න.
  • දරුවන්ට නම් බර අනුව පැරසිටමෝල් නියමිත මාත්‍රාව ලබා දෙන්න.
  • දියවැඩියාව, අධි රුධිර පීඩනය හෝ හෘද රෝග ඇත්නම් ඒ සඳහා ලබා ගන්නා ඖෂධ දිනපතා ලබා ගන්න.
  • වෛද්‍යවරයා විසින් නිර්දේශ කර ඇති ඖෂධ ලබා ගන්න.
  • ඔබගේ මානසික සෞඛ්‍යය පිළිබඳව සැලකිලිමත් වන්න.
  • අන් අයට නිර්දේශ කළ බෙහෙත් වට්ටෝරු භාවිත නොකරන්න.

• දුරකතනය, විද්‍යුත් තැපෑල හා සමාජ මාධ්‍ය හරහා හෝ whatsapp සහ zoom වැනි වීඩියෝ තාක්ෂණ භාවිත කරමින් ආදරණීයන් සමඟ සම්බන්ධතා පවත්වා ගන්න.

• දෛනික චර්යාවන් පවත්වා ගෙන යාම - දිනපතා ස්නානය කිරීම, පිරිසිදු ඇඳුම් ඇදීම, සාමාන්‍ය පරිදි ආහාර ගැනීම, ව්‍යායාම කිරීම (ඔබේ නිවසේ හෝ ගෙවත්ත තුළ).

• අලුත් දේ කිරීමට කාලය භාවිත කරන්න.

• හුදෙකළාව ගත කරන කාලය තුළ ක්‍රියාකාරම් සහ නිර්මාණ කරන්න.

• ආගමික කටයුතු වල නිරත වන්න.

ඔබේ නිවසේ සිටින පුද්ගලයන් ආරක්ෂා කර ගැනීමට ඔබ පහත සඳහන් දෑ කළ යුතුය:

• ඔබ නිවසේ අනෙක් පුද්ගලයන්ගෙන් වෙන්ව වාතාශ්‍රය හොඳින් ඇති කාමරයක සිටින්න.

• ඔබට හැකිනම් අන් අය භාවිත නොකරන නාන කාමරයක් භාවිත කරන්න.

• හැකිතාක් නිවස තුළ හවුලේ ඇති ඉඩ වලින් වලකින්න. නිවස තුළ ඔබ මොබ යාමේදී මුඛ ආවරණ පළඳින්න.

• අන් අය ඔබේ නිවසට හා කාමරයට නොපැමිණෙන බවට සහතික වන්න.

• ඔබේ දෑත් නිතරම හොඳින් සෝදන්න. අවම වශයෙන් තත්පර 20 ක්වත් සබන් යොදා පිරිසිදු වතුරෙන් ඔබේ අත් සෝදන්න.

• ඔබ මුහුණු ආවරණ පැළඳ සිටින විට එය ස්පර්ශ නොකරන්න. මුහුණු ආවරණ තෙත් වූ විට එය වහාම ඉවත් කර පිරිසිදු වියළි මුහුණු ආවරණ පළඳින්න.

• නිවසේ සිටින අනෙක් පුද්ගලයින් මුඛ සහ නාසය ආවරණ වන පරිදි මුඛ ආවරණ පැළඳිය යුතුය.

• නිතර ස්පර්ශ වන මතුපිට පිරිසිදු කර විෂබීජ හරණය සිදු කළ යුතු අතර වෙනම පිඟන් කෝප්ප තුවා ඇඳ ඇතිරිලි භාවිත කළ යුතුය.

• ඔබව රැක බලා ගන්නන් විසින් හවුලේ පාවිච්චි කරන මතුපිට විෂබීජ හරණය සිදු කළ යුතු අතර (දොරවල්, වැසිකිළි ජල කරාම, සින්ක් වැනි) ඕනෑම මතුපිටක් විෂබීජ හරණය කළ යුතුය.

• නිවසේ සිටින සෑම කෙනෙක්ම කැස්ස කිවිසුම් යෑමේදී වැලමිටෙන් මුඛය ආවරණ කළ යුතුය.