X-PRESS PEARL: ශ්රී ලංකා මුහුදේ දින 13 ක් ගිනිගත් අනතුරුදායක රසායනික ද්රව්ය රැගත් නෞකාව ගැන දන්නේ මොනවාද?
සිංගප්පූරුවේ ලියාපදිංචි එක්ස්ප්රස් පර්ල් නෞකාව කොළඹ වරාය අසල මුහුදේ ගිලීමට පෙර සති දෙකකට ආසන්න කාලයක් ගිනි ගනිමින් දියබත් වීම නිසා පරිසර පද්ධතියට අන්තරායකර ද්රව්ය මුදා හැරීම මගින් පෘථිවියට සැලකිය යුතු හානියක් සිදු වන අතර, මෙය වෙරළබඩ ප්රදේශවල ජනගහනයේ ජීවිත හා ජීවනෝපායන්ට තර්ජනයක් ඇති කරන බව ශ්රී ලංකාවේ එක්සත් ජාතීන්ගේ නේවාසික සම්බන්ධීකාරක හනා සිංගර්-හැම්ඩි පැවසීය.
ඇය වැඩිදුරත් කියාසිටියේ රජය විසින් කරන ලද ඉල්ලීමකට අනුව එම්වී එක්ස්ප්රස් පර්ල් නෞකාව ගිනිගැනීම මගින් ඇති වූ ව්යසන තත්ත්වය ඇගයීම සඳහා එක්සත් ජාතීන්ගේ ජාත්යන්තර විශේෂඥ කණ්ඩායමක් ශ්රී ලංකාවේ සංචාරයක නිරත වන බවය.
එම විශේෂඥයන්, සිදුවී ඇති හානිය තක්සේරු කිරීම සහ අනාගතයේ දී එවැනි ආපදා වැළැක්වීම සහතික කිරීම සඳහා ගතයුතු ක්රියාමාර්ග නිර්දේශ කරනු ඇත.
ප්ලැනට් ලැබ්ස් ඉන්කෝපරේෂන් හි නවතම චන්ද්රිකා ඡායාරූප නෞකාව ශ්රී ලංකාවේ මිගමු කළපුවට බටහිර දෙසින් මුහුදුබත් වී ඇති බව පෙන්නුම් කරයි.
මෙම නෞකාව 2021 මැයි මස 15 වන දින ඉන්දියාවේ හසීරා වරායේ සිට නයිට්රික් ඇසිඩ් (Nitric acid) ටොන් 25ක් සහ වෙනත් රසායනික ද්රව්ය සහ රූපලාවන්ය ආලේපන ද්රව්ය සහිත බහාලුම් 1486ක් රැගෙන යාත්රා කරමින් තිබිණි. 2021 මැයි මස 19 වන දින කොළඹ වරාය ආසන්නයට පැමිණි නෞකාව ඒ වෙත ඇතුළුවීමේ අපේක්ෂාවෙන් නාවික සැතපුම් 9.5ක් දුර මුහුදේ නැංගුරම් ලා තිබියදී මැයි 20 වන දින ගින්න හටගෙන ඇත.
නෞකාවේ බහාලුම් 1,486 න් සමහරක් ගිනිගෙන දැවී විනාශ වී ඇති අතර බොහොමයක් මුහුදට වැටී ඇත.
එක්ස්ප්රස් පර්ල් නැවේ අවසාන දින කිහිපය
පළමු අනතුරු ඇඟවීම
නෞකාවේ ඇති ගැටලුවක් පිළිබඳ පළමු ඇඟවීමේදී, බහාලුම් කිහිපයක් තිබෙන ස්ථානය වෙනස් කිරීමට කාර්ය මණ්ඩල සාමාජිකයින්ට අවශ්ය බව පවසමින් නෞකාවෙන් ශ්රී ලංකා වරාය අධිකාරියට (එස්එල්පී) දැනුම් දී ඇත. කෙසේ වෙතත්, කිසිදු හදිසි අවස්ථාවක් ප්රකාශයට පත් නොවීය.
ගින්න හටගනී
ගින්නක් හටගෙන ඇති බව පවසමින් පළමු වාර්තාව වරාය පාලක මැදිරියට යවන ලදි. කෙසේ වෙතත් ගින්න පාලනය කර ඇති බව නෞකාව ඉක්මනින් දැනුම් දුන්නේය.
තවත් අනතුරු ඇඟවීමක්
ගින්න හටගත් ස්ථානයෙන් දුම තවමත් ඉහළ නගන බව දන්වමින් නෞකාව නැවතත් වරාය පාලක මැදිරියට පණිවිඩයක් යවා තිබේ. ශ්රී ලංකා වරාය අධිකාරිය සහ ශ්රී ලංකා නාවික හමුදාව ගිනි නිවීමේ ඒකක පිටත් කර යැවීය.
ගින්න පාලනයෙන් ගිලිහි යයි
තද සුළං හේතුවෙන් නෞකාවේ ගින්න පාලනය කරගත නොහැකි වීමත් සමඟ පිපිරීම් දෙකකින් පසු කාර්ය මණ්ඩලය නෞකාවෙන් ඉවත් කරනු ලැබේ. කාර්ය මණ්ඩලය පිලිපීන, චීන, ඉන්දියානු සහ රුසියානු ජාතිකයින්ගෙන් සමන්විත විය. කාර්ය මණ්ඩලයේ දෙදෙනෙකු තුවාල ලබා රෝහලට ගෙන යන ලදී.
ගිනි නිවීමේ කටයුතු සඳහා ඉන්දියානු වෙරළාරක්ෂක නෞකා එම ස්ථානයට පැමිණේ.
නෞකාවේ සුන්බුන් වෙරළට ගොඩගැසීමට පටන් ගනී.
දින 13 ක් අඛණ්ඩව ගිනි ගැනීමෙන් පසු, එක්ස්ප්රස් පර්ල් නැව සම්පූර්ණයෙන්ම ගිලී යයි.
X-PRESS PEARL නෞකාවේ අන්තරායකර ද්රව්ය ඇතුළත් බහාලුම් 81ක් තිබිණි. ඉන් මුහුදට එකතු වී වෙරළට ගසා ගෙන ආ අපද්රව්ය, වැලි සමග ටොන් දහසක් පමණ මේ වනවිට එකතු කර තිබේ. ඒ අතර තිබූ කුඩා ප්ලාස්ටික් කොටස්, මිය ගිය මසුන්ගේ කරමල් සහ ශරීරය තුළ තිබිය දී සොයා ගැනීමට පර්යේෂකයෝ සමත් වූහ.
එක්ස්ප්රස් පර්ල් නෞකාව කටාර් හි හමාඩ් හි සිට යාත්රා කර ඉන්දියාවේ හසිරා වරායට ගොස් එතැනින් කොළඹ වරාය දෙසට ගමන් ආරම්භ කර ඇති අතර එය කොළඹ වරායට මෙයට පෙර දෙවරක් පැමිණ ඇත.
ජුනි 17 වන දින එය දින 13 ක් ගිනිගැනීමෙන් පසු මුහුදේ ගිලී ගියේය. මෙම ව්යසනය සම්බන්ධයෙන් ශ්රී ලංකාව අපරාධ පරීක්ෂණයක් ආරම්භ කර ඇති අතර රජය පවසන්නේ සිදුවූ අලාභය වෙනුවෙන් වන්දි ඉල්ලා සිටින බවය.
තවත් තොරතුරු ;
- මුහුදු ජීවින් මිය යෑම, ඇමතිගේ 'වාරකන් කතාව' සහ විශේෂඥ මතය
- එක්ස්ප්රස් පර්ල් නෞකාවේ කපිතාන්වරයා ඇප මත නිදහස් කිරීමට හේතුවූයේ කුමක්ද ?
- X-PRESS PEARL නෞකාව නිසා ඇතිවිය හැකි පරිසර දුෂණය කෙතරම් ද?
- X-PRESS PEARL නෞකාවේ විෂ අපද්රව්ය ලංකාව තුළම විනාශ කිරීමේ සුදානමක්
- X-PRESS PEARL නෞකාව දෙකඩ වුවහොත් "සමුද්ර දූෂණයක අවදානමක්"
