ඔබ මේ දකින්නේ අවම ඩේටා ප්රමාණයක් භාවිත කරන මෙම වෙබ් අඩවියේ පෙළ පමණක් කියවිය හැකි අනුවාදයකි. රූප සහ වීඩියෝ අන්තර්ගත අපගේ මුලික වෙබ් අඩවිය මෙතැනින් නරඹන්න.
අවම ඩේටා ප්රමාණයක් භාවිතා කරන මෙම වෙබ් පිටු පිළිබඳ වැඩිදුර කියවන්න
"2020 දී ජනාධිපතිවරණයක් නැහැ"
වසර 2020 දී ජනාධිපතිවරණයක් නොපැවැත්වෙන බව කැබිනට් ප්රකාශක අමාත්ය රාජිත සේනාරත්න පවසයි.
කැබිනට් තීරණ දැනුම්දීම සඳහා අද (ජන.11 ) පැවැති මාධ්ය හමුවේදී අමාත්යවරයා පෙන්වාදුන්නේ විධායක ජනාධිපති ධුරය අහෝසි කරමින් නව ව්යවස්ථාවක් කරා යාම ආණ්ඩුවේ අපේක්ෂාව බවය.
ජනාධිපතිවරයාගේ අරමුණ ද එය ම බව කී අමාත්යවරයා, ශ්රී ලංකා නිදහස් පක්ෂයේ ඇතැමුන් පවසන දේ අදාළ නොවන බව ද කියා සිටියේය.
විධායක ජනාධිපති ධුරය එලෙසම පවත්වාගෙන යාමටත් 2020 වසරේ ජනාධිපතිවරණයට මෛත්රීපාල සිරිසේන ජනාධිපතිවරයාම ඉදිරිපත් වියයුතු බවටත් ශ්රී ලංකා නිදහස් පක්ෂ මධ්යම කාරක සභාව තීරණය කළ බව අමාත්ය සරත් අමුණුගම පසුගියදා පැවසීය.
