නාමල් කුමාර අත්අඩංගුවට ගත්තේ ඇයි?
නාමල් කුමාර නමැත්තා කොළඹ අපරාධ කොට්ඨාසය විසින් අද (ජනවාරි 01) අත්අඩංගුවට ගනු ලැබූ බව පොලිස් මාධ්ය ප්රකාශක ජ්යෙෂ්ඨ පොලිස් අධිකාරී බුද්ධික මනතුංග බීබීසී සිංහල සේවයට පැවසීය.
ප්රකාශයක් ලබාදීම සඳහා කොළඹ අපරාධ කොට්ඨාසය වෙත වාර්තා කිරීමෙන් අනතුරුව ඔහු අත්අඩංගුවට ගත් බව පොලිස් මාධ්ය ප්රකාශකවරයා පැවසුවේ ය.
කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් සම්බන්ධයෙන් නාමල් කුමාර නමැත්තා කළ ප්රකාශයක් සම්බන්ධව සිදුකරන විමර්ශනයකට අදාළව මෙම අත්අඩංගුවට ගැනීම සිදුකර ඇති බව ද පොලිසිය පැවසීය.
කාදිනල් හිමිපාණන් සම්බන්ධයෙන් හුවමාරු වන දුරකතන හඬ පටයක් සම්බන්ධයෙන් පරීක්ෂණයක් පවත්වන ලෙස කොළඹ අගරදගුරු පදවිය මීට පෙර පොලිසියෙන් ඉල්ලීමක් කර තිබිණි.
