ਸੀਰੀਆ ਵਿੱਚ ਰੂਸੀ ਲੜਾਕੂ ਜਹਾਜ਼ ਨੂੰ ਬਣਾਇਆ ਨਿਸ਼ਾਨਾ
ਤਸਵੀਰ ਸਰੋਤ, AFP
ਸੀਰੀਆ ਵਿੱਚ ਇੱਕ ਰੂਸੀ ਲੜਾਕੂ ਜਹਾਜ਼ ਡੇਗਿਆ ਗਿਆ ਹੈ। ਇੱਕ ਰੂਸੀ ਸੁਖੋਈ 25 ਲੜਾਕੂ ਜੈਟ ਜਹਾਜ਼ ਨੂੰ ਸੀਰੀਆ ਦੇ ਬਾਗੀਆਂ ਦੇ ਕਬਜ਼ੇ ਵਾਲੇ ਇਲਾਕੇ ਡਿੱਗਾ ਦਿੱਤਾ ਗਿਆ ਹੈ।
ਇਹ ਵਾਕਿਆ ਉੱਤਰੀ ਸੀਰੀਆ ਵਿੱਚ ਇਬਲਿਬ ਸੂਬੇ ਨੇੜੇ ਹੋਇਆ। ਰੂਸ ਦੇ ਰੱਖਿਆ ਮੰਤਰਾਲੇ ਮੁਤਾਬਕ ਪਾਇਲਟ ਜਹਾਜ਼ ਤੋਂ ਸੁਰੱਖਿਅਤ ਨਿਕਲ ਗਿਆ ਸੀ ਪਰ ਜ਼ਮੀਨੀ ਲੜਾਈ ਵਿੱਚ ਉਸ ਦੀ ਮੌਤ ਹੋ ਗਈ ਹੈ।
ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਜਾ ਰਹੀ ਵੀਡੀਓ ਵਿੱਚ ਜਹਾਜ਼ 'ਤੇ ਹਮਲਾ ਹੁੰਦਾ ਦਿਖਾਇਆ ਜਾ ਰਿਹਾ ਹੈ ਜਦਕਿ ਦੂਜੀ ਵਿੱਚ ਜਹਾਜ਼ ਦਾ ਮਲਵਾ ਦਿਖਾਈ ਦੇ ਰਿਹਾ ਹੈ ਜਿਸ ਦੇ ਖੰਭ 'ਤੇ ਲਾਲ ਤਾਰੇ ਦਾ ਨਿਸ਼ਾਨ ਹੈ।
ਤਸਵੀਰ ਸਰੋਤ, AFP
ਪਾਇਲਟ ਬਾਰੇ ਹਾਲੇ ਕੋਈ ਸਪਸ਼ਟ ਜਾਣਕਾਰੀ ਨਹੀਂ ਹੈ।ਇਸ ਜਹਾਜ਼ ਨੂੰ ਨਿਸ਼ਾਨਾ ਬਣਾਉਣ ਵਾਲੇ ਬਾਗੀ ਗਰੁੱਪ ਦੀ ਪਛਾਣ ਬਾਰੇ ਵੀ ਕੋਈ ਜਾਣਕਾਰੀ ਨਹੀਂ ਆਈ ਹੈ।
ਕੱਟੜਪੰਥੀ ਬਾਗੀ ਗਰੁੱਪ ਜਿਨ੍ਹਾਂ ਵਿੱਚ ਜਿਹਾਦੀ, ਅਲ ਕਾਇਦਾ ਨਾਲ ਜੁੜਿਆ 'ਹਯਾਤ ਅਲ-ਸ਼ਾਮ' ਇਸ ਉੱਤਰ-ਪੱਛਮੀਂ ਸੂਬੇ ਵਿੱਚ ਸਰਗਰਮ ਹਨ।
