ਪਾਕਿਸਤਾਨ ਤੋਂ ਸੁਸ਼ਮਾ ਸਵਰਾਜ ਜਿਸ ਕੁੜੀ ਨੂੰ ਭਾਰਤ ਲਿਆਏ ਸੀ, ਉਸ ਦਾ ਕੀ ਹਾਲ ਹੈ
ਤਸਵੀਰ ਸਰੋਤ, SAJJAD HUSSAIN/AFP VIA GETTY IMAGES
- ਲੇਖਕ, ਅਨੰਤ ਪ੍ਰਕਾਸ਼
- ਰੋਲ, ਬੀਬੀਸੀ ਪੱਤਰਕਾਰ
"ਇੱਕ ਦਰਿਆ, ਇਸ ਦੇ ਕੰਢੇ 'ਤੇ ਬਣਿਆ ਦੇਵੀ ਦਾ ਇੱਕ ਵੱਡਾ ਜਿਹਾ ਮੰਦਰ ਅਤੇ ਰੇਲਿੰਗ ਵਾਲਾ ਇੱਕ ਪੁਲ" ... ਇਹ ਗੀਤਾ ਦੇ ਬਚਪਨ ਦੀ ਉਹ ਯਾਦ ਹੈ, ਜਿਸ ਨਾਲ ਉਹ ਆਪਣੇ ਉਸ ਪਰਿਵਾਰ ਦੀ ਭਾਲ ਕਰ ਰਹੀ ਹੈ ਜੋ ਵੀਹ ਸਾਲ ਪਹਿਲਾਂ ਵਿਛੜ ਗਿਆ ਸੀ।
ਬਚਪਨ ਤੋਂ ਹੀ ਬੋਲ਼ੀ ਅਤੇ ਗੂੰਗੀ ਗੀਤਾ ਸਾਲ 2000 ਦੇ ਆਲੇ-ਦੁਆਲੇ ਗਲਤੀ ਨਾਲ ਸਮਝੌਤਾ ਐਕਸਪ੍ਰੈਸ 'ਤੇ ਚੜ ਕੇ ਪਾਕਿਸਤਾਨ ਪਹੁੰਚ ਗਈ ਸੀ।
ਸਾਲ 2015 ਵਿੱਚ ਸਾਬਕਾ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਉਨ੍ਹਾਂ ਨੂੰ ਵਾਪਸ ਭਾਰਤ ਲੈ ਆਏ ਸਨ। ਉਦੋਂ ਤੋਂ ਹੀ ਗੀਤਾ ਆਪਣੇ ਮਾਪਿਆਂ ਦੀ ਭਾਲ ਵਿੱਚ ਹੈ।
ਇਹ ਵੀ ਪੜ੍ਹੋ
ਪਰ ਅਜੇ ਤੱਕ ਉਹ ਇਹ ਨਹੀਂ ਜਾਣ ਸਕੀ ਕਿ ਉਹ ਕਿਹੜੇ ਪਿੰਡ, ਕਿਸ ਜ਼ਿਲ੍ਹੇ ਜਾਂ ਭਾਰਤ ਦੇ ਕਿਸ ਸੂਬੇ ਤੋਂ ਪਾਕਿਸਤਾਨ ਪਹੁੰਚੀ ਸੀ।
ਤਸਵੀਰ ਸਰੋਤ, GYANENDRA PUROHIT
ਅੱਜ ਕੱਲ ਕੀ ਕਰ ਰਹੀ ਹੈ ਗੀਤਾ
ਪਿਛਲੇ ਪੰਜ ਸਾਲਾਂ ਤੋਂ ਗੀਤਾ ਇੰਤਜ਼ਾਰ ਕਰ ਰਹੀ ਸੀ ਕਿ ਜਲਦੀ ਹੀ ਕੋਈ ਉਸ ਦੇ ਪਰਿਵਾਰਕ ਮੈਂਬਰਾਂ ਦੀ ਖ਼ਬਰ ਲੈ ਕੇ ਆਵੇਗਾ।
ਸਾਬਕਾ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਸਣੇ ਕਈ ਵੱਡੀਆਂ ਹਸਤੀਆਂ ਨੇ ਆਪਣੇ ਪਰਿਵਾਰਕ ਮੈਂਬਰਾਂ ਨੂੰ ਲੱਭਣ ਦੀ ਪੂਰੀ ਕੋਸ਼ਿਸ਼ ਕੀਤੀ।
ਸੁਸ਼ਮਾ ਸਵਰਾਜ ਨੇ ਇੱਕ ਵਿਦੇਸ਼ ਮੰਤਰੀ ਹੋਣ ਦੇ ਨਾਤੇ ਅਤੇ ਨਿੱਜੀ ਪੱਧਰ 'ਤੇ ਵੀ ਟਵਿੱਟਰ 'ਤੇ ਉਨ੍ਹਾਂ ਦੇ ਪਰਿਵਾਰ ਦੇ ਮੈਂਬਰਾਂ ਨੂੰ ਲੱਭਣ ਲਈ ਬਹੁਤ ਸਾਰੀਆਂ ਕੋਸ਼ਿਸ਼ਾਂ ਕੀਤੀਆਂ।
ਪਰ ਇਸਦੇ ਬਾਅਦ ਵੀ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਦਾ ਕੋਈ ਪਤਾ ਨਹੀਂ ਲੱਗ ਸਕਿਆ। ਇਸ ਦੌਰਾਨ ਸੁਸ਼ਮਾ ਸਵਰਾਜ ਦੀ ਮੌਤ ਨੇ ਗੀਤਾ ਨੂੰ ਵੱਡਾ ਸਦਮਾ ਦਿੱਤਾ।
ਕੋਵਿਡ ਮਹਾਮਾਰੀ ਦੇ ਚਲਦਿਆਂ ਵੱਖ-ਵੱਖ ਹੋਣ ਕਾਰਨ ਗੀਤਾ ਦਾ ਸਬਰ ਦਾ ਬੰਨ੍ਹ ਟੁੱਟ ਗਿਆ ਅਤੇ ਪਿਛਲੇ ਕੁਝ ਮਹੀਨਿਆਂ ਤੋਂ ਗੀਤਾ ਨੇ ਆਪਣੀ ਭੂਗੋਲਿਕ ਯਾਦਦਾਸ਼ਤ ਦੇ ਅਧਾਰ 'ਤੇ ਆਪਣੇ ਘਰ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।
ਤਸਵੀਰ ਸਰੋਤ, GYANENDRA PUROHIT
ਇੰਦੌਰ ਦੇ ਰਹਿਣ ਵਾਲੇ ਗਿਆਨੇਂਦਰ ਅਤੇ ਮੋਨਿਕਾ ਪੁਰੋਹਿਤ ਉਨ੍ਹਾਂ ਦੀ ਭਾਲ ਵਿਚ ਉਨ੍ਹਾਂ ਦੀ ਮਦਦ ਕਰ ਰਹੇ ਹਨ।
ਗਿਆਨੇਂਦਰ ਅਤੇ ਉਨ੍ਹਾਂ ਦੀ ਟੀਮ ਗੀਤਾ ਦੇ ਬਚਪਨ ਦੀਆਂ ਯਾਦਾਂ ਦੇ ਅਧਾਰ 'ਤੇ ਮਹਾਰਾਸ਼ਟਰ ਤੋਂ ਲੈ ਕੇ ਛੱਤੀਸਗੜ, ਅਤੇ ਤੇਲੰਗਾਨਾ ਵਿੱਚ ਸੜਕ ਮਾਰਗ ਰਾਹੀਂ ਉਨ੍ਹਾਂ ਥਾਵਾਂ 'ਤੇ ਪਹੁੰਚ ਰਹੀ ਹੈ ਜਿਥੇ ਗੀਤਾ ਦਾ ਪਿੰਡ ਹੋਣ ਦੀ ਸੰਭਾਵਨਾ ਹੈ।
ਗਿਆਨੇਂਦਰ ਨੇ ਬੀਬੀਸੀ ਨੂੰ ਦੱਸਿਆ ਕਿ ਜਦੋਂ ਗੀਤਾ ਨਦੀ ਦੇ ਕੰਢੇ ਪਹੁੰਚਦੀ ਹੈ ਤਾਂ ਕੀ ਹੁੰਦਾ ਹੈ।
ਉਹ ਕਹਿੰਦੇ ਹਨ, "ਜਦੋਂ ਗੀਤਾ ਕਿਸੇ ਵੀ ਨਦੀ ਦੇ ਕਿਨਾਰੇ ਪਹੁੰਚਦੀ ਹੈ ਤਾਂ ਉਹ ਬਹੁਤ ਖੁਸ਼ ਹੋ ਜਾਂਦੀ ਹੈ। ਉਸ ਦੀਆਂ ਅੱਖਾਂ ਵਿਚ ਇਕ ਚਮਕ ਆਉਂਦੀ ਹੈ ਅਤੇ ਮਨ ਵਿਚ ਇਕ ਉਮੀਦ ਪੈਦਾ ਹੁੰਦੀ ਹੈ। ਕਿਉਂਕਿ ਉਸਨੂੰ ਲੱਗਦਾ ਹੈ ਕਿ ਉਸ ਦਾ ਘਰ ਇੱਕ ਨਦੀ ਦੇ ਕਿਨਾਰੇ ਹੀ ਹੈ।"
ਗੀਤਾ ਕਹਿੰਦੀ ਹੈ ਕਿ ਉਸਦੀ ਮਾਂ ਉਸ ਨੂੰ ਭਾਫ਼ ਦੇ ਇੰਜਣ ਬਾਰੇ ਦੱਸਦੀ ਸੀ। ਅਜਿਹੀ ਸਥਿਤੀ ਵਿੱਚ, ਜਦੋਂ ਅਸੀਂ ਔਰੰਗਾਬਾਦ ਨੇੜੇ ਲਾਤੂਰ ਰੇਲਵੇ ਸਟੇਸ਼ਨ ਪਹੁੰਚੇ ਤਾਂ ਗੀਤਾ ਬਹੁਤ ਖੁਸ਼ ਹੋਈ। ਇੱਥੇ ਬਿਜਲੀ ਨਹੀਂ ਹੈ ਅਤੇ ਰੇਲਵੇ ਡੀਜ਼ਲ ਇੰਜਣ ਨਾਲ ਚਲਦੀ ਹੈ।
ਇਹ ਵੀ ਪੜ੍ਹੋ
ਤਸਵੀਰ ਸਰੋਤ, Getty Images
ਧੁੰਦਲੀਆਂ ਹੁੰਦੀਆਂ ਯਾਦਾਂ ਅਤੇ ਬਦਲ ਰਿਹਾ ਭਾਰਤ
ਗਿਆਨੇਂਦਰ ਦੀ ਸੰਸਥਾ ਆਦਰਸ਼ ਸੇਵਾ ਸੁਸਾਇਟੀ ਨੇ ਗੀਤਾ ਦੇ ਵਤੀਰੇ, ਖਾਣ ਦੀ ਸ਼ੈਲੀ ਅਤੇ ਉਸ ਦੇ ਬਚਪਨ ਦੀਆਂ ਯਾਦਾਂ ਦਾ ਲੰਬੇ ਸਮੇਂ ਤੋਂ ਅਧਿਐਨ ਕੀਤਾ ਹੈ।
ਗੀਤਾ ਨੇ ਜੋ ਦੱਸਿਆ ਹੈ ਉਸ ਨੂੰ ਧਿਆਨ ਵਿਚ ਰੱਖਦਿਆਂ, ਗਿਆਨੇਂਦਰ ਅਤੇ ਉਨ੍ਹਾਂ ਦੀ ਟੀਮ ਇਸ ਨਤੀਜੇ 'ਤੇ ਪਹੁੰਚੀ ਹੈ ਕਿ ਗੀਤਾ ਸ਼ਾਇਦ ਮਹਾਰਾਸ਼ਟਰ ਦੀ ਸਰਹੱਦ ਵਾਲੇ ਇਲਾਕਿਆਂ ਵਿਚੋਂ ਹੋਵੇਗੀ।
ਪਰ ਇਸ ਲੰਬੇ ਸਫ਼ਰ ਤੋਂ ਬਾਅਦ, ਗੀਤਾ ਦੇ ਹਿੱਸੇ ਜੋ ਕੁਝ ਯਾਦਾਂ ਬਚੀਆਂ ਹਨ, ਉਹ ਬਹੁਤ ਧੁੰਦਲੀਆਂ ਹੁੰਦੀਆਂ ਜਾ ਰਹੀਆਂ ਹਨ। ਕਈ ਵਾਰ ਉਸਦੇ ਦਿਮਾਗ ਵਿਚ ਜਿਸ ਪਿੰਡ ਦੀ ਤਸਵੀਰ ਸਾਫ ਸੀ ... ਹੁਣ ਉਸ ਯਾਦ ਦੇ ਕੁਝ ਟੁਕੜੇ ਹੀ ਬਚੇ ਹਨ।
ਸੰਕੇਤਕ ਭਾਸ਼ਾ ਨੂੰ ਸਮਝਣ ਵਾਲੇ ਗਿਆਨੇਂਦਰ ਦਾ ਕਹਿਣਾ ਹੈ ਕਿ ਨਦੀ ਨੂੰ ਵੇਖਦਿਆਂ ਹੀ ਉਨ੍ਹਾਂ ਦੇ ਮੂੰਹੋਂ ਨਿਕਲਦਾ ਹੈ, "ਬਿਲਕੁਲ ਅਜਿਹੀ ਨਦੀ ਹੀ ਮੇਰੇ ਪਿੰਡ ਵਿਚ ਹੈ। ਅਤੇ ਨਦੀ ਦੇ ਨੇੜੇ ਇਕ ਰੇਲਵੇ ਸਟੇਸ਼ਨ ਹੈ। ਇੱਥੇ ਇੱਕ ਪੁਲ ਹੈ ਜਿਸ ਉੱਤੇ ਰੇਲਿੰਗ ਬਣਾਈ ਗਈ ਹੈ। ਇਥੇ ਇਕ ਦੋ ਮੰਜ਼ਲੀ ਦਵਾਖ਼ਾਨਾ ਹੈ। ਮੈਟਰਨਿਟੀ ਹੋਮ ਹੈ ਜਿਥੇ ਬਹੁਤ ਭੀੜ ਹੁੰਦੀ ਹੈ।"
ਗਿਆਨੇਂਦਰ ਕਹਿੰਦੇ ਹਨ 'ਗੀਤਾ ਕਹਿੰਦੀ ਹੈ ਕਿ ਉਨ੍ਹਾਂ ਦੇ ਖੇਤ ਵਿਚ ਗੰਨਾ, ਚਾਵਲ ਅਤੇ ਮੂੰਗਫਲੀਆਂ ਹੁੰਦੀਆਂ ਸਨ .... ਚਲਦੇ-ਚਲਦੇ ਕੋਈ ਖ਼ੇਤ ਦਿਖਾਈ ਦੇਵੇ ਤਾਂ ਤੁਰੰਤ ਕਾਰ ਨੂੰ ਰੋਕ ਕੇ ਖੇਤ ਵਿਚ ਹੇਠਾਂ ਉਤਰ ਜਾਂਦੀ ਹੈ, ਇਸ ਉਮੀਦ ਵਿੱਚ ਕਿ ਖੇਤਾਂ ਵਿਚ ਕੰਮ ਕਰਦਿਆਂ ਸ਼ਾਇਦ ਉਨ੍ਹਾਂ ਨੂੰ ਆਪਣੀ ਮਾਂ ਮਿਲ ਜਾਵੇ।"
ਉਹ ਕਹਿੰਦੇ ਹਨ, "ਗੀਤਾ ਨੂੰ ਬਹੁਤ ਕੁਝ ਯਾਦ ਆਉਂਦਾ ਹੈ। ਉਨ੍ਹਾਂ ਨੂੰ ਰੇਲਵੇ ਸਟੇਸ਼ਨ, ਆਪਣਾ ਪਿੰਡ, ਇੱਕ ਨਦੀ ਆਦਿ ਯਾਦ ਹੈ। ਪਰ ਤੁਸੀਂ ਜਾਣਦੇ ਹੋਵੋ ਕਿ ਪਿਛਲੇ 20 ਸਾਲਾਂ ਵਿੱਚ ਭਾਰਤ ਕਿੰਨਾ ਬਦਲ ਗਿਆ ਹੈ। ਅੱਜ, ਜੇ ਤੁਸੀਂ ਉਸ ਜਗ੍ਹਾ 'ਤੇ ਜਾਂਦੇ ਹੋ ਜਿੱਥੇ ਤੁਸੀਂ ਬਚਪਨ ਵਿਚ ਗਏ ਸੀ, ਤਾਂ ਸ਼ਾਇਦ ਤੁਸੀਂ ਉਸ ਜਗ੍ਹਾ ਨੂੰ ਨਾ ਪਛਾਣ ਸਕੋ। ਅਜਿਹੀ ਸਥਿਤੀ ਵਿੱਚ, ਇਹ ਸੰਭਵ ਹੈ ਕਿ ਮੰਦਰ ਜਿਸ ਦੀ ਗੀਤਾ ਭਾਲ ਰਿਹਾ ਹੈ, ਮੰਦਰ ਤੋਂ ਇਲਾਵਾ ਉਥੇ ਹੋਰ ਇਮਾਰਤਾਂ ਦਾ ਨਿਰਮਾਣ ਕੀਤਾ ਗਿਆ ਹੋਵੇ ਹੈ। ਸ਼ਾਇਦ ਉਸਦਾ ਪਰਿਵਾਰ ਉਸ ਜਗ੍ਹਾ ਤੋਂ ਦੂਰ ਚਲਾ ਗਿਆ ਹੋਵੇ ...… ਆਦਿ।"
ਤਸਵੀਰ ਸਰੋਤ, Getty Images
ਉਮਰ ਹਡਾਉਂਦੇ ਬਚਪਨ ਦੇ ਸਦਮੇ
ਮੋਨਿਕਾ ਮੰਨਦੇ ਹਨ ਕਿ ਘਰ ਤੋਂ ਅਲੱਗ ਹੋਣ ਦਾ ਦੁਖਾਂਤ ਅਤੇ ਪਰਿਵਾਰ ਕੋਲ ਵਾਪਸ ਜਾਣ ਦੀ ਬੇਅੰਤ ਭਾਲ ਨੇ ਗੀਤਾ ਨੂੰ ਮਾਨਸਿਕ ਤੌਰ 'ਤੇ ਠੇਸ ਪਹੁੰਚਾਈ ਹੈ।
ਉਹ ਕਹਿੰਦੇ ਹਨ, "ਜਦੋਂ ਅਸੀਂ ਕਹਿੰਦੇ ਹਾਂ ਕਿ ਗੀਤਾ ਆਪਣੀ ਜ਼ਿੰਦਗੀ ਵਿਚ ਅੱਗੇ ਵੱਧੇ, ਵਿਆਹ ਕਰੇ ਤਾਂ ਉਹ ਤੁਰੰਤ ਮੰਨਾ ਕਰ ਦਿੰਦੀ ਹੈ। ਉਹ ਕਹਿੰਦੀ ਹੈ ਕਿ 'ਉਹ ਬਹੁਤ ਛੋਟੀ ਹੈ, ਉਸਨੂੰ ਆਪਣੀ ਮਾਂ ਨੂੰ ਲੱਭਣਾ ਹੈ। ਜੇ ਉਹ ਵਿਆਹ ਕਰਵਾਉਂਦੀ ਹੈ ਤਾਂ ਉਸ ਦਾ ਪਰਿਵਾਰ ਬਹੁਤ ਨਾਰਾਜ਼ ਹੋਵੇਗਾ।' ਕਿਉਂਕਿ ਗੀਤਾ ਨੂੰ ਲੱਗਦਾ ਹੈ ਕਿ ਉਹ ਸਿਰਫ 16 ਤੋਂ 17 ਸਾਲ ਦੀ ਲੜਕੀ ਹੈ। ਜਦੋਂ ਕਿ ਉਹ ਘੱਟੋ ਘੱਟ 25 ਤੋਂ 28 ਸਾਲ ਦੀ ਹੋਵੇਗੀ। ਗੀਤਾ ਇਕ ਬਹੁਤ ਹੀ ਪਿਆਰੀ ਬੱਚੀ ਹੈ ਪਰ ਕਈ ਵਾਰ ਉਸ ਦੀ ਦੇਖਭਾਲ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ। ਉਹ ਗੱਲ-ਗੱਲ 'ਤੇ ਰੋਣ ਲੱਗ ਪੈਂਦੀ ਹੈ।"
ਇਸ ਖ਼ਬਰ ਦੇ ਲਿਖੇ ਜਾਣ ਤੱਕ, ਗੀਤਾ ਗਿਆਨੇਂਦਰ ਅਤੇ ਉਨ੍ਹਾਂ ਦੀ ਟੀਮ ਦੇ ਨਾਲ ਕਾਰ ਦੀ ਖੱਬੀ ਸਾਈਡ ਦੀ ਪਿਛਲੀ ਸੀਟ 'ਤੇ ਬੈਠੀ ਸ਼ੀਸ਼ੇ ਦੇ ਪਾਰ ਖੇਤ ਵੇਖ ਰਹੀ ਸੀ।
ਤਾਂ ਕਿ ਉਹ ਕਿਧਰੋ ਆਪਣੀ ਮਾਂ ਨੂੰ ਖੇਤ ਵਿੱਚੋਂ ਬਾਹਰ ਆਉਂਦੇ ਵੇਖਣ, ਉਨ੍ਹਾਂ ਨੇ ਪਿੰਡ ਦੀ ਨਦੀ, ਮੰਦਰ ਜਾਂ ਪੁਲ ਦੀ ਰੇਲਿੰਗ ਵੇਖ ਸਕਣ ਜੋ ਉਨ੍ਹਾਂ ਨੇ ਆਪਣੇ ਬਚਪਨ ਵਿੱਚ ਆਖਰੀ ਵਾਰ ਵੇਖੀ ਸੀ।
ਇਹ ਵੀ ਪੜ੍ਹੋ:
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post
