ਨੀਲਜ਼ ਹੋਏਗਲ : ਜਰਮਨੀ ਦੇ ਸਾਬਕਾ ਨਰਸ ਨੇ 100 ਮਰੀਜ਼ਾ ਕਿਉਂ ਕਤਲ ਕੀਤਾ
ਨਰਸ
ਤਸਵੀਰ ਸਰੋਤ, Getty Images
ਜਰਮਨੀ ਦੇ ਇੱਕ ਸਾਬਕਾ ਨਰਸ ਨੇ ਆਪਣੇ ਖ਼ਿਲਾਫ਼ ਚੱਲ ਰਹੇ ਮਾਮਲੇ ਦੀ ਸੁਣਵਾਈ ਦੌਰਾਨ 100 ਮਰੀਜ਼ਾਂ ਨੂੰ ਮਾਰਨ ਦਾ ਇਲਜ਼ਾਮ ਸਵਿਕਾਰ ਕੀਤਾ ਹੈ।ਇਹ ਦੋਸ਼ ਮੰਨ ਲੈਣ ਨਾਲ ਇਹ ਨਰਸ ਦੁਨੀਆਂ ਦੀ ਸਭ ਤੋਂ ਭਿਆਨਕ ਸੀਰੀਅਲ ਕਿਲਰ ਬਣ ਗਿਆ ਹੈ।
ਜਾਂਚਕਰਤਾ ਨੇ ਦਾਅਵਾ ਕੀਤ ਕਿ ਨੀਲਜ਼ ਹੋਏਗਲ ਨਾਂ ਦੇ ਇਸ ਨਰਸ ਨੇ ਉੱਤਰੀ ਜਰਮਨੀ ਦੇ ਦੋ ਹਸਪਤਾਲਾਂ ਵਿਚ ਕੰਮ ਕਰਦਿਆਂ 100 ਦੇ ਕਰੀਬ ਲੋਕਾਂ ਨੂੰ ਮਾਰੂ ਦਵਾਈ ਦੀ ਡੋਜ਼ ਦਿੱਤੀ, ਜਿਸ ਨਾਲ ਉਨ੍ਹਾਂ ਨੂੰ ਦਿਲ ਦਾ ਦੌਰਾ ਪਿਆ ਤੇ ਉਨ੍ਹਾਂ ਦੀ ਮੌਤ ਹੋ ਗਈ।
ਨੀਲਜ਼ ਹੋਏਗਲ ਇਸ ਸਮੇਂ 6 ਮੌਤਾਂ ਦੇ ਮਾਮਲੇ ਵਿਚ ਉਮਰ ਕੈਦ ਦੀ ਸਜ਼ਾ ਭੁਗਤ ਰਿਹਾ ਹੈ।
ਇਹ ਵੀ ਪੜ੍ਹੋ-
ਹੋਸ਼ ਵਿਚ ਕੀਤਾ ਕਾਰਾ
ਮੈਡੀਕਲ ਪ੍ਰੋਫੈਸ਼ਨ ਨਾਲ ਜੁੜਿਆ ਇਨਸਾਨ ਭਲਾ ਕਤਲ ਕਿਵੇਂ ਕਰ ਸਕਦਾ ਹੈ? ਉਹ ਵੀ ਸੌ ਲੋਕਾਂ ਦਾ? ਪਰ ਜਰਮਨੀ ਦੀ ਇਸ ਸਾਬਕਾ ਨਰਸ ਨੇ ਇਲਜ਼ਾਮ ਖੁਦ ਹੀ ਸਵਿਕਾਰ ਕਰ ਲਏ ਹਨ।
ਸਰਕਾਰੀ ਪੱਖ ਦਾ ਦਾਅਵਾ ਸੀ , "ਟੌਕਸਿਕਲੋਜੀ ਟੈਸਟ ਵਿੱਚ ਇਹ ਸੰਕੇਤ ਮਿਲਦੇ ਹਨ ਕਿ ਨਰਸ ਨੀਲਜ਼ ਹੋਏਗਲ ਨੇ ਦੋ ਹਸਪਤਾਲਾਂ ਵਿੱਚ ਘੱਟੋ ਘੱਟ ਸੌ ਲੋਕਾਂ ਦੀ ਜਾਨ ਲਈ ਹੈ।"
ਟੌਕਸਿਕੋਲੋਜੀ ਅਸਲ ਵਿੱਚ ਜ਼ਹਿਰ ਵਿਗਿਆਨ ਹੈ, ਜਿਸ ਵਿੱਚ ਜ਼ਹਿਰ ਅਤੇ ਉਸਦੇ ਅਸਰਾਂ ਦਾ ਅਧਿਐਨ ਕੀਤਾ ਜਾਂਦਾ ਹੈ।
ਹੋਏਗਲ ਨੇ ਕੰਮ ਦੌਰਾਨ 1999 ਤੋਂ 2005 ਦੇ ਵਿਚਕਾਰ, ਉੱਤਰੀ ਜਰਮਨੀ ਦੇ ਦੋ ਹਸਪਤਾਲਾਂ, ਓਲਡੇਨਬਰਗ ਵਿੱਚ 64 ਮਰੀਜ਼ਾਂ ਅਤੇ ਡੇਲੇਮਨਹੋਸਟ ਵਿੱਚ 36 ਮਰੀਜ਼ਾਂ ਨੂੰ ਮਾਰਿਆ ਹੈ।
ਤਸਵੀਰ ਸਰੋਤ, AFP
ਪੜਤਾਲ ਨਾਲ ਜੁੜੇ ਲੋਕਾਂ ਦਾ ਕਹਿਣਾ ਹੈ ਕਿ ਨਰਸ ਨੀਲਜ਼ ਹੋਏਗਲ ਨੇ ਪੂਰੇ ਹੋਸ਼ੋ-ਹਵਾਸ ਵਿੱਚ ਤਰੀਕੇ ਨਾਲ ਆਪਣੇ ਮਰੀਜ਼ਾਂ ਨੂੰ ਜਾਨਲੇਵਾ ਡੋਜ਼ ਦਿੱਤੀ।
ਕਤਲ ਦੇ ਇਲਜ਼ਾਮ
ਨੀਲਜ਼ ਹੋਏਗਲ ਨੂੰ ਦੋ ਕੇਸਾਂ ਵਿੱਚ ਉਮਰ ਕੈਦ ਦੀ ਸਜ਼ਾ ਹੋਈ ਹੈ।
ਕਿਹਾ ਜਾ ਰਿਹਾ ਹੈ ਕਿ ਨੀਲਜ਼ ਹੋਏਗਲ ਇਨ੍ਹਾਂ ਮਰੀਜ਼ਾਂ ਨੂੰ ਫੇਰ ਤੋਂ ਜਿਉਂਦੇ ਕਰਨ ਦੀ ਕੋਸ਼ਿਸ਼ ਕਰਕੇ ਆਪਣੇ ਸਹਿ-ਕਰਮੀਆਂ ਨੂੰ ਪ੍ਰਭਾਵਿਤ ਕਰਨਾ ਚਾਹੁੰਦਾ ਸੀ।
ਪੜਤਾਲੀਆ ਅਫ਼ਸਰਾਂ ਨੇ ਕਿਹਾ ਸੀ ਕਿ ਨਰਸ ਨੀਲਜ਼ ਹੋਏਗਲ ਨੇ ਸੰਭਵ ਹੈ, ਹੋਰ ਲੋਕਾਂ ਨੂੰ ਵੀ ਮਾਰਿਆ ਹੋਵੇ ਪਰ ਉਨ੍ਹਾਂ ਦੇ ਅੰਤਮ ਸੰਸਕਾਰ ਕਰ ਦਿੱਤੇ ਗਏ ਹਨ।
ਜੇ ਇਲਜ਼ਾਮ ਸਹੀ ਹੋਏ ਤਾਂ ਉਹ ਵਿਸ਼ਵ ਜੰਗ ਤੋਂ ਬਾਅਦ ਜਰਮਨੀ ਦੇ ਸਭ ਤੋਂ ਬੁਰੇ ਸੀਰੀਅਲ ਕਾਤਲਾਂ ਵਿੱਚ ਸ਼ੁਮਾਰ ਹੋਵੇਗਾ।
ਜ਼ਹਿਰ ਦੀ ਸੰਭਾਵਨਾ
ਸਾਲ 2015 ਦੀ ਅਦਾਲਤੀ ਸੁਣਵਾਈ ਦੌਰਾਨ ਨੀਲਜ਼ ਹੋਏਗਲ ਦੇ ਖ਼ਿਲਾਫ਼ ਚੱਲ ਰਹੇ ਕੇਸਾਂ ਦਾ ਘੇਰਾ ਉਸ ਸਮੇਂ ਵਧ ਗਿਆ ਜਦੋਂ ਉਸਨੇ 30 ਵਿਅਕਤੀਆਂ ਦੀ ਜਾਨ ਲੈਣ ਦੀ ਗੱਲ ਕਬੂਲ ਕਰ ਲਈ।
ਸੁਣਵਾਈ ਦੌਰਾਨ ਉਸ ਨੂੰ ਕਤਲ ਦੇ ਦੋ, ਕਤਲ ਦੀ ਕੋਸ਼ਿਸ਼ ਦੇ ਦੋ ਅਤੇ ਮਰੀਜ਼ਾਂ ਨੂੰ ਨੁਕਸਾਨ ਪਹੁੰਚਾਉਣ ਦੇ ਇਲਜ਼ਾਮਾਂ ਵਿੱਚ ਦੋਸ਼ੀ ਪਾਇਆ ਗਿਆ।
ਤਸਵੀਰ ਸਰੋਤ, Getty Images
ਪੜਤਾਲੀਆ ਅਫ਼ਸਰਾਂ ਨੇ 130 ਮਰੀਜ਼ਾਂ ਦੀਆਂ ਕਬਰਾਂ ਪੱਟ ਕੇ, ਤਫ਼ਤੀਸ਼ ਦੇ ਕੰਮ ਨੂੰ ਸਿਰੇ ਚਾੜ੍ਹਿਆ ਹੈ ਤਾਂ ਕਿ ਉਨ੍ਹਾਂ ਦੀ ਮੌਤ ਜ਼ਹਿਰ ਕਾਰਨ ਹੋਏ ਹੋਣ ਦੀ ਸੰਭਾਵਨਾ ਦਾ ਪਤਾ ਲਾਇਆ ਜਾ ਸਕੇ।
ਨਰਸ ਨੀਲਜ਼ ਹੋਏਗਲ ਨੇ ਜਿਨ੍ਹਾਂ ਹਸਪਤਾਲਾਂ ਵਿੱਚ ਕੰਮ ਕੀਤਾ ਸੀ, ਦੇ ਰਿਕਾਰਡਾਂ ਵਿੱਚੋਂ ਚੰਗੀਆਂ ਟਿੱਪਣੀਆਂ ਹੀ ਮਿਲੀਆਂ।
ਇਹ ਵੀ ਪੜ੍ਹੋ:
ਜਰਮਨੀ ਦੇ ਡੈਲਮੈਨਹੋਰਸਟ ਸ਼ਹਿਰ ਦੇ ਇੱਕ ਹਸਪਤਾਲ ਵਿੱਚ ਉਸਦੇ ਜਾਣ ਤੋਂ ਬਾਅਦ ਮਰੀਜ਼ਾਂ ਦੀ ਮੌਤ ਦਾ ਸਿਲਸਿਲਾ ਸ਼ੁਰੂ ਹੋਇਆ ਅਤੇ ਮੌਤਾਂ ਦੇ ਵਖ਼ਤ ਨੀਲਜ਼ ਹੋਏਗਲ ਸ਼ਿਫਟ ਉੱਤੇ ਸੀ।
ਇਹ ਵੀਡੀਓ ਵੀ ਤੁਹਾਨੂੰ ਪਸੰਦ ਆ ਸਕਦੀਆਂ ਹਨ
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 1
ਇਸ ਲੇਖ ਵਿੱਚ Google YouTube ਤੋਂ ਮਿਲੀ ਸਮੱਗਰੀ ਸ਼ਾਮਲ ਹੈ। ਕੁਝ ਵੀ ਡਾਊਨਲੋਡ ਹੋਣ ਤੋਂ ਪਹਿਲਾਂ ਅਸੀਂ ਤੁਹਾਡੀ ਇਜਾਜ਼ਤ ਮੰਗਦੇ ਹਾਂ ਕਿਉਂਕਿ ਇਸ ਵਿੱਚ ਕੁਕੀਜ਼ ਅਤੇ ਦੂਜੀਆਂ ਤਕਨੀਕਾਂ ਦਾ ਇਸਤੇਮਾਲ ਕੀਤਾ ਹੋ ਸਕਦਾ ਹੈ। ਤੁਸੀਂ ਸਵੀਕਾਰ ਕਰਨ ਤੋਂ ਪਹਿਲਾਂ Google YouTube ਕੁਕੀ ਪਾਲਿਸੀ ਤੇ ਨੂੰ ਪੜ੍ਹਨਾ ਚਾਹੋਗੇ। ਇਸ ਸਮੱਗਰੀ ਨੂੰ ਦੇਖਣ ਲਈ ਇਜਾਜ਼ਤ ਦੇਵੋ ਤੇ ਜਾਰੀ ਰੱਖੋ ਨੂੰ ਚੁਣੋ।
End of YouTube post, 2
