France beat Morocco to set up a final wit Argentina

France don qualify for di 2022 Fifa World Cup final on Sunday.

Di defending champions beat Morocco for di tournament 2-0 for di semi final.

Theo Hernandez score for di fifth minute while Kolo Muani score di second goal for di 79th minute. 

Argentina and France go put leg for one trouser to fight for who go win di World Cup on Sunday.

Di match as e happun

SECOND HALF

Full Time

France 2-0 Morocco 

90+7 Match don end 

90+6 France defender block shot from Abderrazak Hamdallah of Morocco inside di box.

90+4 Sofiane Amrabat of Morocco cross di ball into di box but France defender clear di threat.

90+2 Kylian Mbappe of France dribble plenty player but im opponent remove ball from im leg.

90’ Six Minutes added time.

90' Zakaria Abdoukhlal of Morocco dey beta offside position linesman raise flag.

85’ Hakim Ziyech fire one cross into di box from free-kick but defender clear am. Referee blow free kick afta Ibrahim Konate bring down im opponent wit bad tackle.

82’ Yahya-Artist Allah of Morocco commit foul and referee blow whistle for infringement.

79' GOAL!

France 2-0 Morocco

Randal Kolo Muani don score for France , e roll di ball into di net from close range afta di ball comot from goalkeeper hand.

78' Substitution for Morocco

Ez Abde don enta e replace Selim Amallah

76' Abderrazak Hamdallah of Morocco make a solo run but I'm no create any chance as France player block am.

 74' Youssef Fofana of France collect pass from Thuram, e strike am towards goal but e miss di left post.

72' Marcus Thuram of France make beta run ontop di free-kick wey Antoine Griezmann play but e head di ball pass di right post.

69' Achraf Hakimi of Morocco make strong challenge, referee blow foul, France get free-kick.

Antoine Griezmann take di free-kick but dem clear am.

67' Substitution for Morocco

Sofiane Boufal don comot Zakaria Aboukhal don replace am

66' Substitution for Morocco

Youssef En Nesyri don comot Abderrazak Hamdallah don enta.

65' Substitution for France

Marcus Thuram don replace Olivier Giroud.

61' Poor challenge! Yahya Attiat-Allah (Morocco) don dey penalised for tripping and Cesar Arturo Ramos blow im whistle.

60' Kylian Mbappe (France) dey back of di opposition defence, but referee stop di game for offside.

58' Hakim Ziyech (Morocco) break free, but im touch disappoint am as im lose di ball. Di ball don comot from pitch and na goal kick for France.

54' Yahya Attiat-Allah of Morocco pass di ball into di box but dem clear am.

52' E be like say Kylian Mbappe go continue to play.

52' Kylian Mbappe fall afta wan encounter. Refereee say play on.

50' Achraf Hakimi shoot di ball into di penalty area but one of di defenders clear am.

48' Antoine Griezmann of France give Kylian Mbappe one tight pass but Morocco goalkeeper Bono stop am.

46' Substitution for Morocco

Noussair Mazraoui don comot and Yahya Attiat-Allah replace am.

46' Second half don start.

France 1-0 Morocco

FIRST HALF

45+4 First Half don end

France 1-0 Morocco

45+3 Hakim Ziyech of Morocco take free kick from outside di box, e play di ball into di box but goalkeeper catch am.

45+1 Three minutes added time.

45+1 Hakim Ziyech of Morocco launch beta cross from corner but France clear di ball witout any wahala.

44' Beta clearing! Achraf Hakimi collect good pass inside di box but one of di defenders collect di ball. Morocco get corner kick.

40' Raphael Varane nearly score, e get di ball from inside di box, afta Antoine Griezman of France play corner kick.

36' Olivier Giroud of France strike from inside di box, afta e collect pass from Aurelien Tchouameni but e go wide

35' Youssef Fofana of France try to score from mid-range afta e collect rebound, im im shot go over di bar.

34' Antoine Griezmann of France take corner kick but di ball just fall wia di defenders dey.

31' Noussair Mazraoui of Morocco dey for clear offside position as lineman raise flag.

29' Theo Hernandez of France don dey okay afta injury scare.

27’ Soufiane Boufal (Morocco) don collect yellow card as e make bad tackle for im opponent.

25' Ibrahima Konate (France) commit foul afta one yeye challenge, Refree blow whistle give Morocco Free-kick

21' Substitution

Wahala dey for Morocco as Roman Saiss don get injury. Selim Amallah don replace am.

15' Hakim Ziyech (Morocco) cross di ball into di box from di free kick but dem clear am.

10' Beta pass land for Azzedine Ounahi leg(Morocco) for di edge of di box, im drill di ball go di right side of di goal. But Hugo Lloris save am for di last second.

5' GOAL! Theo Hernandez (France) don score.

France 1-0 Morocco

Na 1-0.

3' Morocco dey play possession football and dem dey control di game at di moment. Dem dey do short short passes wey make am hard for dia opponent to collect di ball.

1' Kick off

France vs Morocco Line-up

France

Lloris, Koundé, Varane, Konaté, Hernández, Tchouaméni, Fofana, Dembélé, Griezmann, Mbappé, Giroud

Morocco

Bono, Hakimi, El Yamiq, Aguerd, Saïss, Mazraoui, Ziyech, Ounahi, S Amrabat, Boufal, En-Nesyri

Team News

France defender Dayot Upamecano and midfielder Adrien Rabiot no dey fully fit afta both of dem complete light training on Tuesday. 

Upamecano, get sore throat and dey replaced by Ibrahima Konate. Youssef Fofana start instead of Adrien Rabiot wey no well.

Morocco get dia own issues too, Walid Cheddira no go dey available sake of im red card against Portugal.

Full-back Noussair Mazraoui bin no dey available for di last match, sake of say im no well and say im get hip pain, but im start di semi- final match.

Match Facts