په دې وروستيو کې له تېر اکتوبر څخه راپدېخوا ٣٠ ترکي پوځيان وژل شوي دي .

ښاغلي گېټس استراليا ته د خپل سفر پرمهال وويل ترکيه هڅه کوي چې په دغه هېواد کې د کردي لږکيو ستونزې ته حل لاره پيدا کړي، د گېټس پروينا، په افغانستان او عراق کې د امريکا د متحدو ايالتونو د تجربو له مخې دا ډول ستونزې په پوځي علمياتو حل کېدونکې نه دي .

د عراق په کردستان کې چارواکو ترکي پوځونو ته گواښنه کړې که چېرې د عامو وگړو مېشتو سيمو ته د عملياتو په موخه ننوځي نو له سختې مبارزې سره به مخ شي .

همداشان عراقي حکومت انقرې ته ويلي چې پوځي حل لاره به هېڅکله هم له ياغي کردانو سره د ترکيې ستونزه حل نشي کړاى .

بل خوا د عراق د بهرنيو چارو وزير هوشيارزيباري وايي که ترکيه په خپلو پوځي علمياتو کې هر ډول زياتوالى راولي، ددغې سيمې ناارامي به لانوره هم زياته کړي .

له ترکيې څخه رپوټونه وايي چې په دغو پوځي علمياتو کې کابو لس زره ترکي پوځيان گډون لري .

بل پلو د ترکيې د ارکانو رياست وايي چې پرون شنبه (فبرورۍ ٢٣)ترکي پوځيانو په يوه ليرې غرنۍ سيمه کې ٣٥ ياغيان وژلي دي، چې تر دې دمه د کردي وژل شويو ياغيانو ټولټال شمېره تر٧٩ کسانو پورې رسېږي .

	دا څرگنده ده چې د عراق شمالي سيمې د کردستان د کارگر گوند له ولکې لاندې دي

بل خوا د عراق له شمال څخه د کردستان د کارگرو گوند د مشر له خولې رپوټونه وايي چې په پروني اړدوړ کې ددغه گوند جنگياليو يوه 'کوپرا' ډوله چورلکه راغورځولې او ٤٧ ترکي پوځيان يې وژلي دي .

له هغه وخت راهيسې چې کردي جنگياليو په ١٩٨٤ کال کې د انقرې پرضد سلاح راخيستې ده، په دغو نښتو کې کابو څلوېښت زره کسانو خپل ژوند له لاسه ورکړى دى .

په دې وروستيو کې له تېر اکتوبر څخه راپدېخوا ٣٠ ترکي پوځيان وژل شوي دي .

له هغه مهال راهيسې چې د ترکيې د وزيرانو مشر رجب طيب اردوغان د ځمکنيو پوځي عملياتو پرېکړې هوکړه له پارلمان څخه ترلاسه کړه، ترکيې پر خپلو پولو په لس گونو زره ترکي پوځيان ځاى پرځاى کړل .