پاکستان: الوتکه د بېړنۍ ناستې بهیر کې له ځغاست لیکې وتلې

د پاکستان ځايي رسنۍ وايي یوې الوتکې د لاهور علامه اقبال هوايي ډګر کې بېړنۍ ناسته کړې، چې له کبله یې ۱۰ کسان ټپیان شوي دي. د شاهین ایر دغه الوتکه کې له ۱۰۰ ډېر کسان ناست وو.

لومړنیو رپوټونو کې ویل شوي، چې د الوتکې یو ټایر وچاودید، چې له کبله یې الوتکه له ځغاست لیکې وښوېده.

ځینو نورو رپوټونو کې بیا ویل شوي دي، چې الوتکې کې تخینکي ستونزه رامنځته شوې وه. ویل کېږي، چې له الوتکې نه ټولې سپرلۍ په خوندي توګه لېږدول شوې دي.

د هوايي چلند یو زده کونکی زین اصغر، چې د پېښې ځای کې وو بي بي سي ته وویل:

'' ټایر وچاودید او الوتکه له ځغاستلیکې ووته.''