ایراني چارواکو تهران ته نږدې د یوې بلې چاودنې رپوټونه رد کړل

ایراني چارواکو د پنجشنبې پر ورځ د پلازمېنې تهران په لویدیځ کې د چاودنو یوې مبهمې لړۍ د یوې تازه چاودنې رپوټونه رد کړي دي.

دولتي رسنۍ د خواله رسنیو کاروونکو له قوله وايي، چې د ګرمدرې او قدس ښارونو ته نژدې یې چاودنې اورېدلې دي.

د وروستۍ چاودنې د ځای ځایګي په اړه په رپوټونو کې څه نه دي ویل شوي. په دې وروستیو چاودنو کې د نفتو پاکولو او اتومي تاسیساتو په ګډون مهمو ودانیو ته زیان رسېدلی دی.

په جولای میاشت کې د ایران اتومي انرژۍ سازمان د ناتانز په نامه اتومي کار ځای کې د اور لګېدنه تایید کړه.

رپوټونه ښيي چې د دغې پېښې له کبله د ایران اتومي پروګرام کې خنډ او ځنډ رامنځته شوی.

د ای ار ای بي دولتي خبري اژانس رپوټونو کې ویل شوي، د پنجشنبې شپې چاودنې په هکله له ماخوستنه ګنګوسې خپرې شوې.

د پریس په نامه د دولتي ټلویزیون رپوټ کې بیا ویل شوي، ځایي اوسېدونکو وویل چې د هاوان توپونو یا دافع هوا ډزو غوندې څلور چاودنې یې اورېدلې دي.

بي بي سي ته معلومه شوه چې په لږ شمېر خواله رسنیو حسابونو کې چې ادعا کوي د ګرمدرې اوسېدونکو دي، د چاودنو غږونو اورېدلو ویل شوي، خو د سوځېدلو ودانیو تصویرونو په هکله معلومه شوه، چې پخواني دي.

د قدس والۍ لیلا واثقي دولتي خبري اژانس (ایرنا) سره خبرو کې دا یوه کوچنۍ برېښنايي چاودنه بللې، خو د ښار له یوه روغتون سره تړاو ورکول کېږي.

په پارلمان کې د قدس خلکو استازي هم په ښار کې د چاودنې رامنځته کېدل رد کړي او په وینا یې د برېښنايي الاتو او مزو شارټي وه، چې د برېښنا چمتو کوونکې کمپنۍ معمول فعالیتونو برخه وه.

د ایران نطنز اټومي بټۍ کې اور "ډېر زیان" اړولی دی

په جاسوسۍ تورن ایرانی ساینس پوه له امریکا وشړل شو

د نیویارک ټایمز رپوټ کې بیا د ګرمدرې یوه پوځي افسر له خولې ویل شوي، چې د ګازو ډبې چمتو کوونکي شرکت کې د چاودنې غږ اورېدل شوی دی.

د جون له وروستیو راهیسې یو شمېر چاودنې اورېدل شوې چې په هکله یې جزیات نه دي څرګند شوي.

د جون ۲۶: تهران کې پارچین ته نږدې خجیر کې د بالستیک توغندیو لپاره د سونتوکو تولیدولو بټۍ کې چاودنه. د شېراز په برېښناکوټ کې چاودنه چې ټول ښار ور سره تیاره شو.

د ایران ملي امنیت شورا وايي، د نتانز اتومي کارځای د چاودنې لامل معلوم شوی، خو د امنیتي ملحوظاتو له کبله یې جزیات نه څرګندېږي.

د رویټرز خبري اژانس په رپوټ کې د یو شمېر ایراني چارواکو له قوله ویل شوي چې پر اسراییلو د دغه کارځای بمبارولو شکونه کېږي.

کله چې په دې هکله د اسراییل له بهرنیو چارو وزیره پوښتنه وشوه، نو ځواب یې و:

''په ایران کې زموږ د فعالیت(ونو) په هکله به څه نه ویل غوره وي. ''