تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د کرونا ویروس ضد لومړني درمل
د تایلنډي ډاکټرانو په وینا له کرونا ویروس څخه د اغېزمنو ناروغانو په درملنه کې یې د زکام او اېچ ای وي ویروس د ګډ درمل په کارولو سره د بریالیتوب لومړي پوړ ته ور ختلي او د دې درمل له کارولو ۴۸ ساعته وروسته په زړه پورې پایله ترلاسه کېدای شي.
د یکشنبې په ورځ برتانوي خبري اژانس رویټرز ته د بینکاک د راجهوتي روغتون ډاکټرانو وویل، دا نوي درمل یې د یوې ۷۰ کلنې مېرمنې په ګډون له کرونا وایروس سختو اغېزمنو ناروغانو ته ورکړي چې د چین په ووهان کې له کرونا ویروس اغېزمن شوي و او دې نوې لار سره یې خورا ښه نتیجه ترلاسه کړې ده.
د اېچ ای وي او زکام د درملو له یوځایوولو جوړ درمل یې دې ناروغانو ته ورکړي او ۴۸ ساعتونو کې د دې ناروغانو وضعیت ښه شوی دی.
په روغتونو کې د سږو د درملنې د ډاکټر په وینا، هغه ناروغان چې لس ورځې مخکې له کرونا ویروس اغېزمن شوي وو، د دې درمل له کارولو ۴۸ ساعته وروسته یې په معایناتو کې ویروس ونه موندل شو.
ډاکټرانو زیاته کړه دا درمل ګټور ثابت شول، خو د کرونا ویروس د اصلي درملو له بللو مخکې پرې نورو څېړنو ته اړتیا شته.
په چین کې د روغتیا د ادارې چارواکي د زکام او اېچ ای وي ویروس ګډ شوي درمل کاروي.
د تایلنډ د ډاکټرانو په وینا د دې ګډو درملو کارول د ناروغانو په وضعیت کې ښه والی راولي.
یو بل ډاکټر وايي، پر دوو ناروغانو یې دا ډول درمل وکارول چې پر یوه یې منفي اغېز وکړ او د بل حالت ښه شو.
په تایلنډ کې د روغتیا د برخې مشر جنرال سومسک اکسلم بیا وايي چې په نړېواله کچه دودیزه لار یې خپله کړې خو ډاکټرانو د زکام درمل ډېر کړل چې پایله یې مثبته وه.
په تایلنډ کې د کرونا ویروس ۱۹ ناروغان وپېژندل شول، په دوی کې اته تنه یې ښه شول او کورونو ته ستانه شول خو ۱۱ یې لا هم درملل کېږي.
