تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
سي ای اې پورې د سپټمبر ۱۱ بریدونو د تړلو له امله بښنه وغوښتل شوه
د فرانسې د کالج د هغه کتاب خپروندوی بنسټ بښنه غوښتې چې پکې ویلي یې و، د امریکا څارګرې ادارې سي ای اې د سپټمبر ۱۱ بریدونو کې لاس درلود.
دا کتاب لا هم هټیو یا دوکانونو کې شته.
کله چې خواله رسنیو کې یوه ډله استادانو دې سازشي فکر ته غبرګون وښود، نو د کتاب خپروندوی خپله وېبپاڼه باندې ولیکل چې دا جمله لیکل پکار نه و.
فرانسوي ژبه کې خپور شوی بیان دا هم زیاتوي: دا جمله داسې نظر څرګندوي چې حقیقت نه لري، د کتاب برخه کېدل پکار نه و. نه د خبروندي ټولنې الپس او نه هم د لیکوال د نظر استازي کوي.
دا درسي کتاب فرانسې، اروپا او نړیوال تاریخ د تېرې پېړۍ یو بشپړ کورس بلل کېږي.
د کتاب لیکوال د تاریخ او جغرافیا استاد ژا پییر روشي دی.
دا کتاب تېر نومبر خپور شو، خو د ښوونځي د یوه استاد زوی اول ځل پکې د سي ای اې په تړاو دا جمله پیدا کړه.
کتاب کې څه ویل شوي؟
د کتاب ۲۰۴ مخ کې لیکوال د القاعده د بنسټېدو او د ۲۰۰۱ کال د سپټمبر ۱۱ پېښه کې نیویارک او واشنګټن کې د بریدونو ترمنځ تړاو ور کوي.
له هغه وروسته لیکوال دا جمله لیکي: په نړیواله کچه دا پېښه چې امریکا کې یې د امریکا د ځواک سمبولونه په نښه کړل، له کوم شک پرته چې سي ای اې پلان کړې ده، چې منځني ختیځ کې د امریکا اغېز ته لار برابره کړي.
کونسپریسي واچ وېبپاڼې- چې د سازشي یا پلاني نظریو په هکله خبرې کوي- دا مسله را پورته کړې او شکایت یې کړی چې کتاب کې دا جمله په ناسم ډول د دې خبرې څرګندولو هڅه کوي چې د سپټمبر ۱۱ بریدونه یو سازش و.
دا وېبپاڼه زیاتوي، پر ۲۰۱۸ کال د یوې سروې له مخې د ۳۵ کلونو په عمر ۲۱ سلنه کسانو د دې دریځ ملاتړ کړی چې وايي، د سپټمبر ۱۱ بریدونه د امریکا کار و او دې درسي کتاب سره دغه ۳۵ کلن خلک په نښه شوي دي.
فرانسوي خپرندوی الپس ویلي، د کتاب لیکوال ته پکار دي دا جمله لرې کړي او کومې کاپۍ چې لا هم هټیو ته استول شوې نه دي، باید سمون پکې راوستل شي.
د سپټمبر ۱۱ بریدونه
د ۲۰۰۱ کال د سټمبر پر یوولسمه د امریکا وخت سهار دوه الوتکې نیویارک کې د سوداګریز مرکز دوو برجونو سره ټکر شوې او همدارنګه یوې الوتکې هم پنټګان په نښه کړ.
امریکا د دې برید مسوولیت پر القاعده واچاوه او پر افغانستان یې برید وکړ چې له امله یې د طالبانو واکمني وپرځېده.
د طالبانو واکمنۍ کې د القاعده بنسټګر اسامه بن لادن افغانستان کې و، خو د ۲۰۱۱ کال د مۍ په دویمه د امریکا ځانګړو ځواکونو نوموړی د پاکستان ایبټ اباد کې وواژه.
