تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د شمالي کوریا مشر 'ګیټي' غره ته له ختلو وروسته لویې پرېکړې کوي
د شمالي کوریا له رسنیو څخه په خپرو شویو عکسونو کې د دې هېواد مشر کېم جونګ اونګ پراس سپور ښکاري او د دغه هېواد تر ټولو دنګ غره ته پورته کېږي.
کله چې د دې هېواد مشران په اس سپاره شي، نو خبرونه ترې جوړ شي، له دې مخکې د روسیې د ولسمشر عکسونه په رسنیو کې لاس په لاس شول چې پر اس سپور و.
خو د دې دواړوه مشرانو ترمنځ ځانګړی توپیر لیدل کیده کېم جونګ اون په عکسونو کې کمیس نه دی ایستلی خو پوتین ایستلی و.
د شمالي کوریا مشر انځورونو کې پر سپین اس سپور په واورو پوښلي غر پیکټو کې ګرځي. پیکټو د دې هېواد سپیڅلی ځای بلل کېږي.
دا غر د شمالي کوریا پېژندګلي کې یو ځانګړی ځای لري او د کېم جونګ اون د پلار پر زېږنځي هم مشهور دی.
خودا لومړی ځل نه دی چې کېم جونګ اون دې غره ته سر وښکاره کوي چې لوړوالی یې ۲۷۵۰ متره دی، شنونکي وايي د داسې کړنو تر شا لویې پریکړې کېدونکي دي.
د راپورونو له مخې کېم تراوسه درې ځلي پیکټو غره ته ختلی وروستی یې ۲۰۱۸ میلادي کال و چې د جنوبي کوریا مشر مون جه اېن هم ورسره ملګری و.
۔
