تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
کینیا کې لیلام، یوه الوتکه زر ډالره
د کینیا د هوايي ډګر چارواکو هغه اووه الوتکې وپلورلې چې د ۱۲ الوتکو په منځ کې د دوی د مالکینو له خوا پرېښودل شوې وې.
دې چارواکو ویل چې دا الوتکې تر ډېره زړې وې او په هوايي ډګر کې یې د ځای د نیولو لګښت ډېر وو، نو ځکه پلورته وړاندې شوې.
تر ټولو ارزانه الوتکه د زر ډالرو وه په داسې حال کې چې تر ټولو د قیمتي الوتکې بیه یې څه باندې لس زره ډالره وه.
دې چارواکو ویل چې امکان نه لري کومه الوتکه به بیا الوتنې ته چمتو شي.
په کینیا کې د بي بي سي خبریال له یوه پیرودونکي سره غږېدلی او نوموړي د ډي اېچ اوو په نوم تر ټولو ستره الوتکه پیرلې او غواړي ورڅخه د استوګنې کور جوړ کړي.
جوسېپ اوکامو د کینیا د سیمه ییزهوايي ډګر مدیر بي بي سي ته وویل د هوايي ډګر دا زړې الوتکې لیلاموي چې ځای یې هم نیولی او پر مالکینو یې لګښت هم راځي.
یو تن پیرودونکي هم بي بي سي ته وویل چې د یوه الوتکې پیرلو لپاره ځکه راغلی څو پکې زده کوونکي وروزي. دوی وايي دا الوتکې ورته د ایروکوم کمپنې د ماډل له پلوه دوی ته په زړه پورې دي.
