د پاکستان پوځ د دفاعي لګښت د کمولو اعلان وکړ
د عکس سرچینه، TWITTER/@PTIOFFICIAL
د پاکستان لومړی وزیر عمران خان د دغه هېواد د پوځ د دې پرېکړې هرکلی کوي چې وايي پخپله خوښه د راتلونکي مالي کال بودیجه کې کموي.
ویل کېږي چې د پاکستان د تېر مالي کال کې بودیجه کې د دفاع لپاره ۱۱ سوه میلیارد روپۍ ځانګړې شوې وې.
عمران خان خپل ټوېټر کې لیکلي چې د پوځ د بودیجې کمېدو سره سپما شوې پیسې به له پښتونخوا سره د یو ځای شوو قبایلي سیمو او بلوچستان پر پرمختیايي چارو ولګول شي.
له دې مخکې د پاکستان د پوځ ویاند تورنجنرال اصف غفور هم پر ټوېټر دا خبره کړې وه چې پوځ خپله بودیجه کموي:
د هغه په خبره، د دفاعي بودیجې کمل به د پاکستان پر امنیتي او دفاعي حالت اغېز ونه کړي:
موږ ټولو خطرو ته د ځواب ویلو وړتیا لرو، د پوځ درې واړې څانګې دې بودیجې کمول سنجیده عمل سره سمبالوي. د قبایلي سیمو او بلوچستان پرمختګ کې برخه ضروري ده.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
د ګلوبل فایر پاور اینډېکس له مخې د پاکستان پوځ اړوند کسانو شمېر ۹ لکه او ۱۹ زره دی.
تېره میاشت د پاکستاند لومړي وزیر د مالي چارو سلاکار ډاکټر عبدالحفیظ شیخ اسلام اباد کې خبریالانو ته وویل: موږ راتلونکې بودیجه د ځان بساینې شعار سره وړاندې کوو، دې برخه کې موږ ټول یو بل سره درېږو، هغه که ولس، پوځ یا خصوصي ادارې دي.
د هغه په خبره، د پوځ په ګډون ټولې ادارې په دې سلا شوې چې سنجیده او پایښتي اداري سمون راولي او دې کار لپاره به سختې پرېکړې هم پکار وي.
