تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
هند او نیپال کې د رنګونو جشن هولي ولمانځل شو
د هولي په نامه جشن چې د رنګونو جشن هم بلل کېږي، د هند او نیپال سیمو کې ولمانځل شو.
دغه جشن د پسرلي له پیل سره سم لمانځل کېږي.
هولي د نوې پیلامې سمبول په توګه هم لمانځل کېږي.
هولي د کال لومړۍ میاشتې په هغه شپه لمانځل کېږي، چې سپوږمۍ پکې بشپړه وي.
د هولي په شپه خلک پر یوه بل اوبلن او پاوډري رنګونه شیندي. له دې یوه شپه مخکې پر شیطاني قوتونو د بري سمبول په توګه مشالونه بلېږي.
د هولي رنګونه هم معانا لري، مثلاً سور رنګ د مینې او حاصلخیزۍ رنګ بلل کېږي، ژړ د کورکمن رنګ دی او اودي یا اسماني رنګ د هندوانو معبود کرشنا ته منسوب رنګ بلل کېږي او زرغون بیا د نوې پیلامې رنګ بلل کېږي.
د دودیزو رنګونو پر ځای نن سبا د اوبو پمپونو له لارې رنګونه شیندل کېږي.
دغه تصویر کې د مېلې یو ګډونوال وینو چې مخ یې په بشپړه توګه په رنګونو لړلی دی.
ډیلي کې د بي بي سي خبریالانو هم په دې مراسمو کې ګډون کړی و.
د هند تر څنګ هولي مراسم په نیپال کې هم لمانځل کېږي، چې د نفوس ډېره برخه یې هندوان دي. له دې دواړو هېوادونو بهر د برتانیا په شمول د نړۍ په ډېرو هېوادونو کې دغه مراسم لمانځل کېږي. لاندې تصویر کې د نیپال پلازمېني کټمنډو هولي مراسم وینو.
All pictures copyright.
