تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
داسې تصویرونه چې دماغ مو ورسره ګرځي
دغه تصویر کې څه وینئ؟ ایا دغه تصویر ګرځي او که پر ځای ولاړ دی؟ ایا دا تصویر دی او که ویډیويي کلیپ؟
اصلاً دغه تصویر زموږ د سترګو لیدو ته فریب دی. پر انټرنېټ دغه تصویر خورا ډېر لاس پر لاس شوی او سلګونه زره کسانو له نورو سره شریک کړی دی.
لومړی ځل نیورو ساینسپوه الیس بروورب دغه تصویر خپور کړ. هدف یې دا و، چې معلومه کړي، د انسانانو دماغ څنګه کار کوي.
ملټي مډیا انځورګر باډیل دغه تصویر چمتو کړی دی. په تصویر کې یو توپ وینو چې ګرځي، خو الیس وايي دا یو جامد یا پر ځای ولاړ تصویر دی. تصویر په داسې انداز چمتو شوی، چې دماغ پرې فریب خوري او توپ داسې ښکاري، چې ګرځي.
دماغ څنګه فریب سره مخامخېږي
الیس پر خواله رسنیو لیکلي، دماغ هغه مهال دوکه کېږي، چې وې ۴ بشپړیږي او وې ۵ خپل فعالیت پیلوي. نوموړي د ځینې نورو پوښتنو په مرسته هڅه کړې، موږ پوه کړي، چې وې ۴ یا وې ۵ څه دي.
''وې ۵ د دماغ هغه برخه ده، چې پر حرکت یا خوځښت پوهېدو کې راسره مرسته کوي او وې ۴ بیا د رنګونو او شکلونو یا بڼو پېژندنه کې مرستندویه ده. ''
نوموړي زیاته کړه: د دغه دوه ګوني فعالیت له کبله موږ دغسې فریب سره مخامخ کېږو.
د الیس پر ټویټر پیغام انځورګر باډیل دغسې نور تصویرونه هم خپاره کړي دي. که تاسې دغو تصویرونو کې هېڅ خوځښت نه وینئ، ښايي تاسې یې پر لویه پرده نه وینئ.
۔
