اورګاډی د خلکو پر ګڼه ګوڼه ورغلی، لسګونه کسان وژل شوي
د هند پنجاب ایالت کې پولیسو بي بي سي ته ویلي، یو چټک اورګاډی د خلکو پر ګڼه ګوڼه ورغلی، چې له کبله یې نژدې ۶۰ کسان وژل شوي او له ۱۰۰ ډېر ټپیان دي. ویل کېږي خلک د (دوسهرا) په نامه د هندو مذهب مراسمو پر مهال د اورګاډي پر پټلیو ناست و، چې ناڅاپه چټک ګاډی راڅرګند شو او د خلکو منځ ته ورسېد.
پولیس وايي هلته ناستو خلکو ځکه ښايي د اورګاډي ورتګ غږ نه وي اورېدلی، چې دوی د د مذهبي مراسمو بهیر کې د (راوڼ) ګوډاګی سوځاوه او د اور لوبې ننداره یې کوله.
د عکس سرچینه، EPA
ویل کېږي وژل شویو کې ماشومان هم شامل دی. عیني شاهدان وايي، ډېر وژل شوي کسان د اورګاډي رسېدو پر مهال له مراسمو د ویډیويي کلیپونو په اخیستو بوخت وو.
هغه اور ګاډی چې د خلکو پر ګڼه ختلی له جالندر سیمې امرتسر ته روان وو.
د عکس سرچینه، EPA
پنجاب اعلی وزیر امریندر سینګ پېښه 'سخته غمیزه ' بللې او په یوه ټویټر پیغام کې یې لیکلي، چې ځايي چارواکي د پېښې ځای ته استول شوي دي.
په ایالت کې رسمي ویر اعلان شوی او د شنبې پر ورځ به پنجاب کې دفترونه او ښوونځي تړلي وي.
داسې اندېښنې شته، چې ښايي مرګ ژوبله ډېره شي. لومړي وزیر نرېندرا مودي یوه ټویټر پیغام کې دا یوه زړه بوږنکونې پېښه بللې.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
اعلی وزیر د پوښتنې ګرویږنې امر کړی، چې د راوڼ سوځولو امر چا او کله ورکړی و، ځکه ویل کېږي دغه امر د اطفایې په ګډون د ټولو ځايي ادارو له همغږۍ وروسته ورکول کېږي.
