د غلا نارنج له موټرو بهر راووتل
د عکس سرچینه، EPA
اسپانیا کې پولیسو دوو ګاډو کې غلا شوي څلور ټنه نارنج نیولي دي. سیولي سیمه کې پولیسو ته دوه ګاډي مشکوک ښکاره شوي او له پلټنې وروسته معلومه شوه، چې نارنج پکې بار دي.
له پنځو نیول شویو کسانو نه یوه پولیسو ته لومړي سر کې ویلي و، چې نارنج یې له ځمکې راټول کړي دي. خو وروسته معلومه شوه، چې نارنج د یوه نژدې ښارګوټي کارمونا له یوه زېرمتونه غلا شوي وو.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای
پولیسو د دوو کوچنیو ګاډو له پلټنې وروسته نژدې سیمه کې یو بل ګاډی هم وموند چې نارنج پکې بار و. وروسته نیول شویو کسانو ویلي، د خپل خوراک لپاره یې نارنج لېږدول، خو پولیس وايي دوی د دومره ډېرې مېوې لېږد لپاره هېڅ ډول رسمي اسناد نه درلودل.
