د ټرمپ زوم "له فلېن نه له بهرنیو دولتونو سره اړیکه نیول غوښتي وو"

امریکايي رسنۍ وايي، د ټرمپ زوم جېرډ کوشنر د دغه هېواد د ملي امنیت پخواني سلاکار مایکل فلېن ته ویلي وو چې له بهرنیو دولتونو سره اړیکې ونیسي.

د امریکا د ولسمشر ډونلډ ټرمپ د ملي امنیت سلاکار مایکل فلېن منلې چې د امریکا فدرالي پولیسو (ایف بي ای) ته یې دروغ ویلي دي.

اوس د ټرمپ د زوم له څرګندونو وروسته داسې پوښتنې راپورته شوې، چې ایا جېرډ کوشنر هم په دې قضیه کې رول درلود که څنګه.

ښاغلي فلېن منلې چې د روسیې د لاسوهنو د ادعاوو د څېړنو په اړه به همکاري کوي.

نوموړي سپینه ماڼۍ کې له دندې ېیلولو ایله درې اونۍ وروسته له دندې ګوښه کېدو ته اړایستل شو.

ښاغلی فلېن له هغو رسواییو وروسته له دندې لرې کړل شو، چې د ټرمپ د ولسمشرۍ له پیلېدا وړاندې پر روسیې د امریکا د بندیزونو لامل شوې.

ټرمپ: مایکل فلين هغه څه کړي، چې 'غیر قانوني نه دي'

جان مکېن: د ټرمپ حکومت له ګډوډۍ سره مخ دی

سپینې ماڼۍ منلې ده چې یوځل "ناسمې او جعلي خبرې" مطرح شوې دي.

سپینه ماڼۍ وايي، د ښاغلي فلېن له خوا د دروغو منل او د هغه له خوا رامنځ ته شوی تور یوازې پر همده پورې تړلې خبره ده.

ښاغلي فلېن منلې وه چې د روسیې د لاسوهنو د ادعاوو په اړه څېړنه کې همکاري کوي.

فرانس پرېس ویلي، قاضي له ښاغلي فلېن وپوښتل، ایا غواړي پر خپلې تېروتنې اقرار وکړي، د ده ځواب دا و چې: "هو ښاغلیه"، بیا قاضي وویل: "په تېروتنې ستا اقرار منم. محاکمه به نه ترسره کېږي او ښايي استیناف محکمه وشي."

بیا لږ وروسته، فلېن یوه خبرپاڼه خپره کړه، چې پکې ویل شوي: "نن اعتراف کوم چې زما تېرې کړنې تېروتنه وه، په خدای ایمان لرم، اوس به هرڅه په سمه توګه ترسره کوم".

فلېن د ټرمپ په اداره تر ټولو جګپوړی چارواکی و، چې محاکمې ته وړاندې کړل شو.

سپینې ماڼۍ په یوه خبرپاڼه کې ویلي: "له فلېن پرته په دې چاره کې بل هېچا ته کوم رسمي تور یا په خپلو تېروتنو اقرار کول نه دي متوجه شوي".

په تېره اکتوبر میاشت کې د ټرمپ د ټاکنیز کمپاین مشر پال مانافورټ له اوکراین سره د پټ لاس لرلو په معاملې تورن شوی و.