مکسیکو کې زلزله: د وژل شویو کسانو شمېر ۹۰ ته رسېدلی

مکسیکو کې د پنجشنبې ورځې د زلزلې له کبله د وژل شویو کسانو شمېر ۹۰ ته رسېدلی دی. یوه حکومتي ویندوی ویلي، یوازې سویل لویدیځ اوکساکا ایالت کې ۷۱ کسان دغه زلزله کې وژل شوي دي. د ریکتر پر کچه د دغې زلزلې شدت اته اعشاریه یو ثبت شوی دی.

چارواکو ویلي له زلزلې وروسته ۷۲۱ ځله کوچني ټکانونه ثبت شوي دي او سلګونو کورنیو د دویم ځلې زلزلې له ډاره شپه تر شنه اسمان لاندې تېره کړې.

ایټالیا کې زوروره زلزله شوې

نیوزیلنډ کې دویمه لویه زلزله شوې

دا په تېره یوه پېړۍ کې دغه هېواد کې تر ټولو سخته زلزله بلل کېږي. د جمعې پر ورځ د دغه هېواد ختیځې برخې سمندرې توپان وځپلې او د ګڼ باران او ځمکښوېدنې له کبله دوه کسان وژل شوي وو.