تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
میلیونونو خلکو د ټرمپ ضد مظاهرې وکړې
د شنبې په ورځ د امریکا او نړۍ په بېلابېلو ښارونو کې د امریکا د ولسمشر ډونلډ ټرمپ میلیونونو مخالفانو مظاهرې وکړې. په څه باندې ۶۰۰ لاریونونو کې تر اټکل ډېرو کسانو ګډون کړی و.
ډونلډ ټرمپ پخپله لومړۍ کاري ورځ کې د سي ای اې دفتر ته ولاړ او هلته یې وویل چې "۱۰۰۰ سلنه" ددغه سازمان ملاتړ کوي.
اټکل کېده چې د امریکا څارګر بنسټونه به د روسیې د مداخلې د ادعا په اړه د ټرمپ ننګونه وکړي.
ښاغلي ټرمپ د شنبې په ورځ پر رسنیو نیوکه وکړه چې ګني د "د لومړې مراسمو ته د راغونډو شویو خلکو د شمېر په اړه یې ناسمې شمېرې ورکړې".
هغه د شنبې ورځې د لاریونونو په اړه څه ونه ویل.
اټکل کېده چې واشنګټن کې به نژدې نیم میلیون کسان د ټرمپ په مخالفت کې لاریون وکړي، هغه شمېره، چې د ټرمپ د لوړې مراسمو کې د ګډون کوونکو تر شمېر ډېر و.
واشنګټن کې تر ۶۰۰ ډېر لاریونونه وشول او تل اټکل ډېرو کسانو پکې ګډون وکړ.
د ننني لاریون اصلي موخه د ښځو په اړه د ټرمپ د څرګندونو غندنه وه.
ښاغلي ټرمپ د ښځو په اړه لانجمنې ویناوې کړې وې.
"اکثریت له موږ سره دی"
د شنبې په ورځ لاریونوال واشنګټن کې ټول واټونه ونیول، چې د سینما مشهورو څېرو (سکارلټ یوهانسن، امریکا فررا، شلي جود، ګلوریا سټینم، او مایکل مور) په ګډون ګڼو مشهورو کسانو پکې ویناوې وکړې.
ګوتنیوونکي امریکايي ممثل مایکل مور واشنګټن کې لاریونیانو ته د وینا پرمهال د واشنګټن پوسټ ورځپاڼې په څېرې کولو سره وویل: "دوی لیکلي چې ټرمپ واک ترلاسه کړ. فکر نه کوم داسې دې وي. قدرت دلته دی. د امریکا اکثریت خلک دلته دي موږ اکثریت یو. "
سپینې ماڼۍ ته د لاریون خوځېدل د خلکو د ډېر ګډون له کبله لغوه شول.
د واشنګټن د پولیسو لنډمهالي مشر پیټء نویشام اسوشېټېډ پرېس ته ویلي، لاریونونو کې د خلکو ګډون دومره ډېر و، چې نور خلک پکې نه ځایېدل.
د امریکا نورو ښارونو کې هم شاوخوا ۳۰۰ لاریونونه وشول.
نیوزیلنډ، لندن، استرالیا او جاپان کې هم هم لاریونونه وشول.
لندن کې د لاریونیانو شمېر د ۸۰ تر ۱۰۰ زرو کسانو اټکل شوی و.
