ویلا دیمیر پوتین د جاپانیانو سپی په ډالۍ ونه مانه
د عکس سرچینه، AFP
د جاپان د پارلمان یو غړی وایي، د روسیې ولسمشر ویلا دیمر پوتین د دغه هېواد د حکومت له خوا د سپي وړاندیزي( وړاندیز شوې) ډالۍ ونه منله.
کوچي هوګیدو ونه ویل چې ولې ویلا دیمیر پوتین دا ډالۍ ونه منله.
جاپان ښاغلي پوتین ته په ۲۰۱۲ کال کې اکتیا سپۍ ور کړې وه، چې یوم یې بولي، دوی غوښتل چې دا سپی به یې جوړه شي.
ښاغلي هوګیدو په خپل بلاګ کې لیکلي: "له بده مرغه موږ له خپلو سیالانو داسې اورېدلي او د زوم وړاندې کولو لپاره مو هیله په اوبو لاهو شوه".
د عکس سرچینه، Getty Images
که پوتین نه ځواب ویلی نه وی، نو دا ډالۍ به په نږدې ورځو کې د جاپان لومړي وزیر شینزو ابې په یوه سرمشریزه کې ور کوله.
د اکیتا سپیو نسل د جاپان له شماله دی.
ښاغلي پوتین ته د بلغاریا لومړي وزیر هم په ۲۰۱۰ کال کې بلغاری سپی ور کړی چې بفي یې بولي.
د روسیې اوسني دفاع وزیر سرګي شویګوی هم پوتین ته د لیبرډر د ډول یو سپی چې کاني نومېده ور کړی و، خو په ۲۰۱۴ کې مړ شو.
ښاغلي پوتین یو ځل کاني د جرمني له لومړۍ وزیرې سره د لیدنې ځای ته بوولی او ویل کېږي چې هغه( انګلا مېرکل) ډارېدلې وه.
د عکس سرچینه، Getty Images
ځینې رسنیو هغه مهال رپوټ ور کړ چې پوتین غوښتل د جرمني لومړۍ وزیره پر سپي ووېروي.
خو د روان کال په لومړیو کې ویلا دیمیر پوتین یوې جرمن ورځپاڼې ته وویل، چې د انګلا مېرکل په وېره پوه شوی نه دی.
هغه زیاته کړه، "کله چې پوه شوم مېرکل سپي نه خوښوي، نو بښنه مې ترې وغوښتله".
د عکس سرچینه، Getty Images
