تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
ایف بي آی: د کلنټن برېښنالیکونو کې د جرم نښې نشته
د امریکا د څېړنو فدرالي اداره،ایف بي آی وايي دوی د امریکا ولسمشریزو ټاکنو ته د نوماندې هېليري کلنټن د برېښنالیکونو نوې ټولګې کې، د جرم شواهد نه دي موندلي.
د ایف بي آی مشر جېمز کومي یوه لیک کې د کانګریس غړو ته لیکلي چې د دوی اداري د مېرمن کلنټن د برېښنالیکونو قضیې ته بیا کتنه کړې خو داسې څه یې نه دي موندلي چې د دوی اصلي پایلو کې بدلون راولي.
سږکال جولای میاشت کې ښاغلي کومي ویلي ول، کله چې مېرمن کلنټن د بهرنیو چارو وزیره وه، له خپل شخصي برېښنالیک څخه یې د حساسو شیانو په راکړې ورکړې کې بېغوري کړې ده، خو جرمي اړخ یې ورنه کړ.
د مېرمن کلنټن د برېښنالیکونو خبره یو ځل بیا وروسته له هغه برسېره شوه چې د دې د یوې نژدې مشاورې د جلا شوي مېړه، انتوني ویینر لپ ټاپ کې بحث پاروونکي برېښنالیکونه وموندل شول.
د څېړنو له پیل سره د ایف بي ای چارواکو ویلي ول چې د مېرمن کلنټن شخصي سرور کې ځینې حساس معلومات موجود دي او دوی به پرې څېړنې وکړي.
نظر پوښتنو ښودله چې د رسمي برېښنالیکونو لپاره د شخصي برېښنالیک سرور کارولو موضوع، هغه هم د ولسمشریزو ټاکنو پر مهال،د مېرمن کلنټن د محبوبیت کچه ټيټه کړې وه.
اوس چې رایې ورکونې ته دوه ورځې پاتې دي، د ټاکنو په درشل کې د دیموکراټ ګوند پلویان د ایف بي آی نوو څرګندوونو ته خوشحاله دي.
