تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
هانګ کانګ کې ۳۸ کلن جیا جیا پانډا ژوپڼ کې ومړ
د هانګ کانګ د ژوبڼ چارواکي وايي، په هېواد کې تر ټولو د ډېر عمر ښځینه پانډا په ۳۸ کلنۍ کې ومړه.
د جیا جیا په نامه دغه ښځینه پانډا چې په ژوبڼ کې ساتل کېده، د انسان د عمر پرتله یې عمر ۱۰۰ کاله ښودل شوی.
په وروستیو اونیو کې د جیا جیا روغتیايي وضعیت د اندېښنې وړ و او اشتها یې هم له لاسه ورکړې وه.
چارواکي وايي، په تېرو څو ورځو کې هغه تل ویده و او ډېر کم به ویښ او د خوراک او څښاک لپاره راپورته کېده.
د ژوبڼ چارواکو د جیا جیا پر مړینې خواشیني ښودلې ده.
د هانګ کانګ د دولت یوه ویاند د ژوبڼ له چارواکو مننه کړې، چې پانډا یې ښه ساتلې وه.
جیا جیا په ۱۹۷۸ د چین په سیچوان ایالت کې له ژوبڼ بهر زیږېدلې وه.
هغه په ۱۹۹۹ کال د هانګ کانګ "اوشن پارک" ژوبڼ ته ولېږدول شوه.
معمولاً پانډاګان له ژوبڼ بهر په خپله طبیعي نړۍ کې اوسېږي او تر ۲۰ کلنۍ وروسته معمولاً کابو ۲۵ کاله عمر لري.
