د ریو اولمپیک سیالۍ پیل شوې

دې لپاره چې انټرنېټ مو لږ مصرف شي، یوازې متن ولولئ

۱۶ زمری ۱۳۹۵ - ۶ اګست ۲۰۱۶

د برازیل ریو دې ژنیرو ۲۰۱۶ اولمپیک سیالیو د پیل مراسم په مارکانا لوبغالي کې پیل شول. په سیالیو کې به د ۲۰۶ هېوادونو او د کډوالو لوبغاړي په بېلابېلو سپورتي برخو کې سیالۍ کوي.

جنوبي امریکا کې پروت برزایل د سږ کال اولمپیک سیالیو کوربه دی.

---------------------------------------

په لوبغاړو کې په لومړي ځل د کډوالو ګډون ته هم اجازه ورکړل شوې، چې په ۲۸ لوبو کې ولوبېږي.

دا لومړی ځل دی چې د جنوبي امريکا په یوه هېواد (برازیل) کې د اولمپیک سیالۍ ترسره کېږي.

دا سیالۍ د اګست له پنځمې تر ۲۱ پورې دوام کوي.

د اولمپیک پرانیستلو مراسم د جمعې پر شپه د ښځینه فوټبال سیالیو له پیلېدا دوه ورځې وړاندې پیل شول.

په ریو سیالیو کې له ۲۰۷ لوبډلو څخه ۱۰۵۰۰ لوبغاړي ګډون لري، چې د کډوالو د اولمپیک لوبډله هم پکې ده.

Skip ډېر لوستل شوي and continue reading

ډېر لوستل شوي

End of ډېر لوستل شوي

کوسووا او سوېلي سودان ته په لومړي ځل اولمپیک لوبو کې د ګډون حق ورکړل شوی.

د کډوالو د اولمپیک لوبډله به هم د اولمپیک تر نښان او بیرغ لاندې ۱۰ لوبغاړي ولري، چې پنځه له سوېلي سودان، دوه له سوریې، دوه له کانګو دیموکراټیک جمهوریت او یو له ایتیوپیا څخه دي.

امریکا په ۵۵۴ لوبغاړو سره سږني اولمپیک سیالیو کې تر ټولو لویه لوبډله لري.

توالا هغه یوازېنی هېواد دی چې ریو اولمپیک کې یې یوازې یو لوبغاړی ګډون کوي.

له ۲۰۰۰ کال راپدېخوا، د ریو ۲۰۱۶ اولمپیک سیالیو کې تر ټولو د کم عمر لوبغاړی د نیپال ۱۳ کلن غوټه وهونکې ګاریکا سینګ ده.

برازیل کې د اولمپیک سیالۍ داسې مهال پیل شوې، چې دغه هېواد کې سیاسي کړکېچ د بې ثباتۍ ډېرېدو وېره خپره کړې ده.

د عکس تشریح، د کډوالو ټیم کې د سوریې یسری ماردیني په غوټه وهلو کې سیالي کوي

د عکس تشریح، له ۲۰۰۰ کال راپدېخوا، د ریو ۲۰۱۶ اولمپیک سیالیو کې تر ټولو د کم عمر لوبغاړی د نیپال ۱۳ کلن غوټه وهونکې ګاریکا سینګ ده.

د نیو زیلنډ لوبغاړی جیو جتسو ویلي وو، چې په ریو کې تښتول شوی و.

برازیل د سیالیو د خوندیتوب لپاره په هېواد کې له ۵۵ هغو هېوادونو، ۸۵۰۰۰ امنیتي کسان ګومارلي دي، چې وګړي یې په ریو اولمپیک کې برخه اخلي.

دا شمېره د ۲۰۱۲ کال لندن اولمپیک پرتله د ګومارل شوو امنیتي کسانو دوه برابره ده، چې عام واټونه، د اولمپیک کلی، هوايي ډګرونه او عام سړکونه به ساتي.

د امنیت د خوندیتوب لپاره ۲۰۰ کیلومتره امنیتي اغزن تارونه هم غځول شوي دي.

په پام کې ده چې تر ۵۰۰۰۰۰ ډېر سیلانیان ددغو لوبو لیدو ته ورشي او تر اوسه له ۷٫۵ میلیون ډېر ټیکټونه لا نه دي پېرودل شوي.

د عکس تشریح، برازیل د سیالیو د خوندیتوب لپاره په هېواد کې له ۵۵ هغو هېوادونو، ۸۵۰۰۰ امنیتي کسان ګومارلي دي، چې وګړي یې په ریو اولمپیک کې برخه اخلي.

لکه څرنګه چې ویل کېږي د پرانیستې مراسم د بودیجې د کمښت له کبله د تېرو سیالیو په څېر شانداره نه وو.

دغه سیالۍ به تر ۱۶ ورځو پورې دوام کوي.

د ۲۰۱۶ کال اولمپیک سیالۍ داسې مهال پیل شوې، چې څو میاشتې وړاندې پرې څلورو لویو نړیوالو خبرونو سیوری غوړولی دی: د زیکا ویروس، د روسیې ډوپېنګ لوبډله، د سیالیو امنیت او د برازیل کوربه توب.

اوسمهال د اولمپیک سیالیو د امنیت خوندي کولو لپاره د نړۍ څه باندې ۸۵ زره سرتېري ځای پرځای شوي.