د افغانستان د معلولینو کرېکټ لوبډلې بنګله دیش ته ماته ورکړه
د سره صلیب نړیوالې کمیټې له خوا د معلولینو نړیوالو سیالیو په ترڅ کې نن (سپتمبر اوومه) د افغانستان د معلولینو ملي لوبډلې د بنګله دیش ټیم ته ماته ورکړه.
افغانستان په لوبه کې پر دریو وېکټو بریا لاسته راوړه.
د لوبې پچه د بنګله دیش لوبډلمشر وګټله او د توپوهنې پریکړه یې وکړه.
دوی په ټاکل شويو ٢٠ اورونو کې یې د شپږو لوبغاړو په سوځېدو ١١٩ مڼدې جوړې کړې.
د افغانستان له لورې محمدالله او عبدالله دوه، دوه لوبغاړي، او طفيل او شيرين يو يو لوبغاړي وسوځول.
د افغانستان لوبډلې ياد هدف د لوبې په وروستي اوور کې د اوو لوبغاړو په سوځېدو ترلاسه او لوبه يې وګټله.
محمدالله د توپ اچونې ترڅنګ په توپوهنه کې هم خپله وړتيا وښوده او ٣٢ منډې يې جوړې کړې.
دغه راز سنګر ١٩، عبيدالله ١٦، اشرف ١٣ او طفيل ١٣ منډې جوړې کړې.
محمدالله د لوبې تر ټولو غوره لوبغاړى اعلان شو.
د يادونې وړ ده چې د معلولینو کرېکټ په نړيوالو سياليو کې دا د افغان لوبډلې لومړۍ بريا ده.
افغانستان به خپله بله لوبه سبا (سپتمبر اتمه) د انګلستان د معلولینو کرېکټ لوبډلې پر وړاندې ترسره کوي.
