تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
وراټ کوهلي د خورا چټکو منډو ریکارډ جوړ کړ
هند په دریمه یوه ورځنۍ لوبه کې د یکشنبې په ورځ نوي زېلنډ ته په شپږو منډو ماته ور کړه او د دې لړۍ د دوو سیالیو په ګټلو سره یې دا لړۍ خپله کړه.
په کانپور کې د دې سیالیو په دریمه ورځ د کوربه لوبډلې مشر وارټ کوهلي او روهت شرما د سلیزو په جوړولو سره ۳۳۷ منډې جوړې کړې، خو مېلمه لوبډلې د اوو ویکټو په بایللو سره ۳۳۱ منډې وکړې.
له دې مخکې هم کوهلي او شرما ۲۰۰ منډې په ګډه وکړې، په دې سیالیو کې کوهلي په دویمه یو ورځنۍ لوبه کې د سلیزو شمېر ۳۲ ته ورساوه.
هغه په یو ورځني نړیوال کرېکټ کې هم د ډېرو سلیزو کولو سره د نامتو لوبغاړو په نوملړ کې دویم ځای لري.
په دې نوملړ کې سچن تندولکر ۴۹ سلیزو سره لومړی ځای لري.
له کوهلي سره بل لوبغاړي روهت شرما هم یوه ورځنیو سیالیو کې د خپلو سلیزو شمېر ۱۵ ته ورساوه او د ۱۴۷ منډو په جوړولو سره وسوځېد.
تر ټولو چټکې ۹۰۰۰ منډې
د هند د ملي لوبډلې مشر کوهلي په دې سیالۍ کې د نهه زره منډو جوړولو سره نړیوال ریکارډ ټینګ کړ.
نوموړي په خپله ۲۰۲ سیالۍ او ۱۹۴ پاڼۍ یا اننګ کې دا نوم خپل کړ.
له دې مخکې دا ریکارډ د سوېلي اسیا له توپ وهونکي اې بي ډي ویلیرز سره و چې ۲۰۵ پاڼیو کې په لوبېدلو سره یې ۹۰۰۰ منډې جوړې کړې وې.
