''اته میلیونه ډالر به د کابل کرېکټ لوبغالي پر معیاري کېدو ولګول شي''

د افغانستان کرېکټ بورډ په کابل کې د کرېکټ لوبغالي پر معیاري کولو څه باندې اته میلیونه ډالر لګوي.

د افغانستان کرېکټ بورډ چارواکي وايي، د کرېکټ اوسنی لوبغالی به پراخیږي او په معیاري ډول به جوړيږي چې ۲۰ زره کسان به پر یو وخت په کې ځای شي.

په کابل کې د الکوزي په نوم اوسنی لوبغالی شاوخوا اوو زه کسان ځایوي. کرېکټ بورډ وايي، د لوبغالي چارې به راتلونکي پسرلي کې پیل کړي.

د افغان کرېکټ بورډ مشر عاطف مشعل وايي، د معیاري لوبغالي تر څنګ به د کورنیو او بهرنیو لوبغاړو لپاره مېلمیستون، د بورډ لپاره نوی دفتر او د کرېکټ روزنې یوه معیاري اکاډ‌مي هم جوړېږي.

افغانستان د کرېکټ بشپړ غړیتوب تر لاسه کړ

افغانستان کې لومړی ځل د کرېکټ فرسټ کلاس لوبې پیلېږي

کرېکټ: انټرکانټینینټل سیالیو ته چمتووالی

د شپږیزې کرېکټ لیګ پنځم پړاو ځانګړی رنګ

ښاغلي مشعل وايي، کابل کې به دوه نور لوبغالي هم جوړ شي، خو لا یې وخت او ځای معلوم نه دي.

څه باندې څلور میاشتې مخکې افغانستان د کرېکټ نړیوالې شورا بشپړ غړیتوب تر لاسه کړ، چې د همدې غړیتوب له امله به د اتو کالو لپاره ای سي سي یا د کرېکټ نړیواله شورا هر کال افغانستان کرېکټ بورډ ته څه باندې ۳۱ میلیونه ډالره بودیجه ور کوي.

د افغانستان کرېکټ ملي لوبډله په ۱۹۹۵ کال کې جوړ شوې ده او په کم وخت کې یې خورا ډېر پرمختګ کړی دی.