تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
راشد خان د اسټرالیا بېګ باش لیګ ته غوره شو
د افغانستان د کرېکټ ملي لوبډلې لوبغاړی راشد خان به د اسټرالیا په شل بېګ باش لیک کې د سږ کال په وروستیو کې د ایډلیډا سټرکر لوبډلې په ګټه لوبه وکړي.
دا خبره دې لوبډلې د پنجشنبې په ورځ وکړه.
اتلس کلن راشد خان چې د هند غوره لیک کې سږ کال وځلېد، لومړی افغان لوبغاړی دی چې د اسټرالیا دغو اتلولیو کې برخه اخلي.
د کلب بیانیه کې د راشد خان له خولې ویل شوي: "زه ډېر خوشاله یم چې د بي بي اېل لپاره تړون کوم".
د هغه په خبره، د افغان لوبغاړي په توګه ده ته په داسې لویه اتلولي کې برخه اخیستل د ویاړ خبره ده.
په دا ډول لوبو کې د افغان لوبغاړو برخه اخیستل د نورې لوبډلې لپاره هم د نویو تجربو د ترلاسه کولو لپاره ګټور بلل کېږي.
د اډلیډا سټرېکر لوبډلمشر جوسن ګلیسپي له راشد خان سره تړون کول "لوی بری" بللی دی.
بېګ باش لیګ یو اسټرالیايي مسلکي شل اوره لیګ دی، چې د دغه هېواد کرېکټ په ۲۰۱۱ کې رامنځ ته کړ.
په دې اتلولۍ کې اته ډلې په خپلمنځ کې لوبېږي.
راشد خان په ۲۹ یو ورځنیو نړیوالو لوبو کې د ۶۳ ویکټو اخیستلو ادعا کوي. نوموړي د کرابین غوره لیګ کې هم اول ځل هټریک وکړ.
دا د دغه لیګ او راشد خان لومړنی هټریک و، چې په یو اور کې د دریو لوبغاړو سوځېدلو ته وايي.
