د بښنې نړیوالې ټولنه: پاکستان دې پر عارف وزیر د برید خپلواکه څېړنه وکړي
د عکس سرچینه، Social media
د بښنې نړیوالې ټولنې د پاکستان له حکومته د پښتون ژغورنې غوځنګ د یوه فعال عارف ویر د وژنې پلټنه غوښتې. دغې ټولنې په یوه ټویټر پیغام کې لیکي:
"پاکستاني چارواکي باید په سوېلي وزیرستان کې د پښتون ژرغورنې غورځنګ پر یوه غړي عارف وزیر د پروني برید په اړه خپلواکه او اغېزناکه څېړنه وکړي. له مشکوکو جنایتګرو سره باید حساب وشي."
د پښتون ژغورنې غورځنګ فعال غړی عارف وزیر پرون 'جمعه ' ماښام د سویلي وزیرستان واڼه په غوايي خوا سیمه کې د وسلوالو کسانو په برید کې سخت ټپي شوی او روغتون ته لېږدول شوی و، چې وروسته یې د اسلام اباد روغتون کې ساه ورکړه.
د پښتون ژغورنې غورځنګ یوه مشر محسن دوړ پر ټوېټر لیکلي: "د زړه له تله خپه یو چې زموږ یو ملګری عارف وزیر د ټپونو له کبله ومړ. د نوموړي پلار او ورو هم څو کاله مخکې اورپکو ووژل. علي وزیر د "ښو" ترهګرو له خوا ووژل شو.
خیبر پښتونخوا کې سیاسي او مدني فعال افراسیاب خټک پر ټوېټر لیکلي، د پښتون ژغورنې غورځنګ له مشرانو سره یې د عارف وزیر د مړینې له کبله غمشریکي کړې ده. دی وايي، دا د عارف د کورنۍ ۱۸غړی دی چې وژل کېږي.
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 1
دې لیکنه کې له social media راخیستل شوي مواد شته. له ښودلو وړاندې یې ستاسې اجازه پکار ده، ځکه ښایيکوکیز یا بله تکنالوژي پکې کارول شوې وي. کولی شئ له اجازې مخکې د social media site پالیسي ولولئ. د دې لپاره غوښتنه ومنئ او مخکې لاړ شئ
د پوسټ X پای, 2
د افغانستان پخواني ولسمشر حامد کرزي په یوه ټویټر پیغام کې د ښاغلي وزیر پر وژنه ژور خفګان څرګند کړی دی. عارف وزیر د علي وزیر د تره زوی دی، چې په پښتون ژغورنې غورځنګ کې یې تر ټولو زیات زندانونه تېر کړي دي. علي وزیر په یوه غږیز پیغام کې د پښتون ژغورنې غورځنګ له مینه والو غوښتي چې له زغمه کار واخلي او تاوتریخوالی ونه کړي.
وړاندې محسن دوړ د واڼه د ملکي روغتون د ډاکټرانو له خولې ویلي وو، د عارف وزیر یوه مرمۍ په سر او یوه په غاړه کې لګېدلې ده.
بل خوا د افغانستان د ملي امنیت پخواني مشر او تېرو ولسمشرۍ ټاکنو ته نوماند رحمت الله نبيل د عارف وزیر د مړینې په تړاو پر ټوېټر هغه د عدالت غوښتنې د لارې یو ریښتینی مبارز بللی دی.
