تاسې د وېبسایټ داسې بڼه ګورئ چې یوازې متن لري او لږ انټرنېټ کاروي. که غواړئ عکسونه او ویډیوګانې وګورئ، نو د وېبسایټ اصلي (لومړنۍ) بڼې ته ورشئ.
د وېبسایټ اصلي بڼې ته مې وروله
د وېبسایټ دې بڼې په اړه چې ډېر انټرنېټ نه مصرفوي نور معلومات دلته موندلای شئ.
د خوشالۍ مراسمو ته بلل شوې سندرغاړې هوايي ډزو ووژله
د پاکستان په سیند ایالت کې پولیس وايي، د یو ماشوم د ختنې یا سنتولو مراسمو کې د ډزو له امله یوه ځايي سندرغارې ثمینه سیندو وژل شوې ده.
د لړکانا د پولیسو مشر وايي پېښه د چهارشنبې په شپه په کنګنا کلي کې شوې ده.
تنویر تنیو زیاتوي، د سنتګرۍ مراسمو ته دا سندرغاړې بلل شوې وه:
" له سندرو سره هوايي ډزې هم کېدلې په دغه وخت یوه ګولۍ پر ثمینه سیندو هم لګېږي او وژل کېږي".
ځايي چارواکي وايي، پولیسو ډزې کوونکی نیولی او له هغه یې یوه توپانچه هم ترلاسه کړې ده.
پر پاکستان سربېره افغانستان کې هم د واده، لوبو ګټلو او خوشالۍ نورو مراسمو کې د ډزو له امله خلک وژل کېږي.
