ولي عبدالله د پروگرام وړاندې کوونکى

	پوهنمل محمود نظري له ۱۳۶۰ کال راهيسی د ادبياتو (طنز او کيسو) په برخه کې ډيری ليکنې کړی دی

داپروگرام له دې ځايه اوريدلائ شۍ.

پوهنمل محمود نظري د کابل د محمود هوتکي له ښوونځي وروسته په (١٣٥٤) کې له حبيبې عالي ليسې څخه فارغ شوی دی او په (١٣٥٨) کال کې دکابل له کرنې پوهنځي څخه د مېوو او ځنګلونو په څانګه کې ليسانس اخيستی دی او په (١٣٦٧) کال کې يي د تاجکستان د کرنې له انيستيتوت څخه ماستري تر لاسه کړې ده هغه د کرنې په پوهنځي کې د استاد په توګه دنده تر سره کړی او هم يې په نړيوالو موسسو کې دمېوو د روزولو په برخه کې کار کړی دى.

پوهنمل محمود نظري له ۱۳۶۰ کال راهيسی د ادبياتو (طنز او کيسو) په برخه کې ډيری ليکنې کړی دی چې د هغه وخت په رسنيو کې چاپ شوی دی او له دوو طنزونو (مډرنه سيالي او د غوښو دضررونو) څخه یې تلويزيوني نندارمې جوړی شوی دی.

چاپ شوی آثار :

د کرنې په برخه کې:
۱- باغوانی (د بڼ جوړولو عملی کارونه)
۲-زغفران (د زعفرانو کرل)
۳- د ميوو لرونکی ونو د ډير ونې لارې

په ادبياتو کې (داستانی برخه)
۱-پايلوچ بنګ حبيب الله (د لنډو کيسو ټولګه)
۲-هوا( د لنډو کيسو ټولګه)
۳-پايلوچان (ناول)

دتاليف او ژباړې په برخه کې :
۱-آسماني کتابونه
۲-اسلام او معاصر ساینس
۳-د نړۍ افسانه يي الوتونکي
۴- طنز څه شی دی!( د طنز ليکولو اساسات)

په ادبیاتو کې (دټوکو په هکله) :

۱-خندنۍ بهرنۍ ټوکې (لومړی ټوک)
۲-خندنۍ بهرنۍ ټوکې (دويم ټوک)

په ادبياتو کی ( د طنز په هکله) :

د څوکۍ خوند (د طنزونوټولګه) ۱-
۲-سر خلاص که ! (د طنزونو ټولګه)
انساني سرکس (د طنزونو ټولګه) ۳-
۴-خدا روزيش کنه (د طنزو نو ټولګه)
۵-مهاجر زمری (دطنزو نو ټولګه)
۶-انسانی لمبر پليټ( دسياسي طنزو نو ټولګه)
۷-لوبه (دسياسي طنزو نو ټولګه)

چاپ ته چمتو آثار :
۱- غوڅ ځوابی يو ادبی فن دی
۲- د قیامت راتګ (قيامت د ټولو اديانو له نظره)
۳- د طنز تاريخ (لومړی ټوک)

د ښاغلى نظرى په آند: طنز د یو چا یا ټولنې په ناخوالو باندې د ملنډو په لفافه کې نيوکه د هغه د سمون لپاره ده.

د پروگرام د خپريدو وخت د جمعې د ماښام اووه نيمې بجې.

که له ښاغلى غوث خيبري څخه پوښتنې لرئ نو د پروگرام پر مهال په دې شمېره زنگ ووهئ. ٠٠٤٤٢٠٧٨٣٦٠٣٣١

د بريښنا ليک پته ده: [email protected]

او د SMS له لارې هم خپله د تيلفون شميره او ليکلي پيامونه راليږلي شۍ. د SMS شميره ده: 00447786208888