 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
م.م: له ترهگرۍ سره خبرې اترې د سيمې په گټه نه دي | |||||||||||||||||||||||||||||||||||||||||||||||||||||||||||||||||||||||||||||||
په افغانستان کې د ملگرو ملتونو سازمان وايي د پاکستان د نوي حکومت وړانديز چې له مخې يې د دغه هېواد له سيمه ييزو طالبانو سره خبرې اترې کيږي کېداى شي په سېمه کې د تاوتريخوالي ډېرېدو ته لمن ووهي . په پاکستان کې د نوي حکومت او سيمه ييزو طالبانو ترمنځ د خبرو اترو وړانديز د افغان چارواکو غبرگون هم راپارولى دى . د افغانستان د ملي امنيت مشر د پاکستان د نوي حکومت دغه وړانديز د ترهگرۍ پر وړاندې مبارزې کې د دغه هېواد دوه مخى سياست بللى چې په پلې کېدو يې ښايي افغانستان ته زيان ډېر وي . په افغانستان کې د ملگرو ملتونو سازمان يوناما د ترهگرۍ پر وړاندې مبارزه د سيمه ييزې مبارزې يوه برخه گڼي او له دغې ډلې سره د پاکستان د نوي حکومت خبرې اترې په سيمه کې د سولې او ثبات په گټه نه گڼي . په کابل کې د يوناما وياند حليم صديق يوې خبري غونډې ته وويل هغه مهال ترهگري له ماتې سره مخامخ کېداى شي چې د پاکستان او افغانستان حکومتونه د ترهگرۍ پر وړاندې مبارزې کې له يوبل سره مرسته وکړي . د ملگرو ملتونو سازمان په داسې مهال په پاکستان کې له سيمه ييزو طالبانو سره د خبرو اترو د وړانديز په اړه غبرگون ښيي چې له دې وړاندې افغان چارواکو په دغه بهير کلکه نيوکه کړې وه . د افغانستان د بهرنيو چارو وزارت هم دغه وړانديز په سيمه او هېواد کې د سولې او ټيکاو پر وړاندې گواښ گڼلى دى . د يوسف رضا گيلاني په مشرۍ د پاکستان نوي حکومت داسې يوه طرحه وړاندې کړې چې له مخې د دغه هېواد له سيمه ييزو طالبانو سره د سولې خبرې اترې شوني دي . د ځينو شنونکو په باور دغه وړانديز د هغو سياستونو پروړاندې يوه تر ټولو ملايمه طرحه ده چې د طالبانو پر وړاندې په جگړې يې ډېر ټينگار و . د دغو شنونکو په وينا د پاکستان نوى جوړ شوى حکومت غواړي د دغه سياست په مټ وښيي چې گواکې د طالبانو پر وړاندې مخکېنى سياست له ماتې سره مخامخ شوى دى . تېره اوونۍ يوې امريکايۍ ورځپاڼې هم ليکلي و چې له سيمه ييزو طالبانو سره د پاکستان د حکومت سوله د امريکا د متحدو ايالتونو لپاره د خطر زنگ دى . | ورسره تړلي نور خبرونه  سپنتا: له طالبانو سره د سولې په اړه اندېښمن يو05 مۍ, 2008 | خبرونه د غويي د ٨ د بريد په تړاو دوه چارواکي نيول شوي05 مۍ, 2008 | خبرونه 'طالبانو٢کسان دجاسوسۍ په توروژلي'02 مۍ, 2008 | افغانستان طالبان: اصلي جهاد په افغانستان کې دى 02 مۍ, 2008 | افغانستان له قانون منونکوطالبانو سره بايد خبرې وشي30 اپريل, 2008 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
