په وروستيو وختونو کې په موصل ښار کې تاوتريخوالى ډېر شوى

د رويټرز د راپور له مخې د پوځ په کاروان باندې له چاودنې وروسته ډزې وشوې. د پوځيانو د ژغورنې لپاره نور امريکايي او عراقي سرتيري سيمې ته ورسېدل.

د عراق لومړي وزير د جمعې په ورځ د وسله والو په وړاندې د پراخو عملياتو د پيلېدو خبر ورکړى وو.

د تېر کال په اوږدو کې د موصل ښارگوټى د تاوتريخوالي د ډېرېدو شاهد وو.

څو ورځې وړاندې د موصل ښار په بېلابېلو ودانيو کې د چاودنو له امله ٣٤ کسان ووژل شول او په سلگونو نورټپيان شول.

درې تنه پوليس مشران چې له پيښې وروسته يې له سيمې ليدنه کوله په يو بريد کې وژل شوي وو.

په عراق کې که څۀ هم په وروستيو مياشتو کې نسبتا ارامي راغلې ده، خو لا هم وسله وال کسان وخت پر وخت پر بهرنيو پوځيانو باندې بريدونه کوي.

په تېرو څو مياشتو کې بهرنيو ځواکونو ته په يوځايي توگه دومره لوړه مرگ ژوبله نه ده ور اوښتي.