 | | | | | | | ||||||||||||||||||||||||||||||||||||||||||||||||||||||||||||||||||||||||||
| | |||||||||||||||||||||||||||||||||||||||||||||||||||||||||||||||||||||||||||||||
|
'شوکت عزيز د محکمې د پرېکړې سپکاوي کړى' | |||||||||||||||||||||||||||||||||||||||||||||||||||||||||||||||||||||||||||||||
د پاکستان سترې محکمې د دغۀ هېواد لومړى وزير شوکت عزيز د محکمې د پرېکړې پر ماتولو تورن کړى دى. قاضي القضات افتخار چودري لومړي وزير او يو شمېر نورو جگپوړو چارواکو ته د محکې د سپکاوې د تور د اورولو پر مهال پر ښاغلي عزيز نيوکه وکړه. قاضي القضات وويل ښاغلي چودري د سترې محکمې د پرېکړې پرخلاف د پخواني لومړي وزير نواز شريف هېواد ته له ستنېدلو وروسته سمدستې د بېرته بهر ته لېږلو لارې چارې برابرې کړې وې. محکمې مخکې پرېکړه کړې وه چې نواز شريف کور ته د ستنېدو قطعي حق لري. پخوانى لومړى وزير د سترې محکمې له دغې پرېکړې وروسته د سپتمبر په لسمه په اسلام اباد کې له اوه کاله جلاوطنۍ وروسته کوز شو. دى په ١٩٩١ کې د پوځ د مشر جنرال پروېز مشرف لخوا وپرځول شو. د ښاغلي شريف الوتکه لږ وروسته له هغۀ چې په اسلام اباد کې کوزه شوه سعودي عربستان ته په الوتلو اړ ايستل شوه او دى يې يو ځل بيا جلاوطنى شو. قاضي القضات افتخار چودري وويل: '' د سپتمبر تر شپږمې، داسې تدابير نيول شوي وو چې د دغې محکمې حکم د... لومړي وزير لخوا مات کړل شي.'' په محکمې کې د بهرنيو چارو يوۀ لوړپوړي چارواکي او د پاکستان د هوايي شرکت PIA د يوۀ استازي لخوا د ښاغلي شريف د بېرته لېږلو په اړه د تدابيرو شاهدي ورکړه. دوى وويل دوى ته لارښوونه شوې وه چې د سپتمبر لسمې ته الوتکه چمتو کړي چې يو مهم سړى له اسلام اباده د سعودي عربستان جدې ښار ته يوسي. په پاکستان کې د محکمې د پرېکړې سپکاوى کولى شي گرم کس تر شپږو مياشتو پورې زندان ته ولېږي. د لومړي وزير په وړاندې د محکمې قضيه د اوس لپاره د نومبر تر اتمې پورې ځنډول شوې ده. د ښاغلي شريف له بېرته لېږلو څه باندې يوه مياشت وروسته، يوه بله پخوانۍ لومړۍ وزيره، بېنظير بوټو، له لس کلنۍ جلاوطنۍ وروسته هېواد ته ستنه شوه. | ورسره تړلي نور خبرونه  محکمې د ولسمشر نظر د شريف په برخه کې ونه مانۀ23 اگست, 2007 | خبرونه نواز شريف يې 'سعودې ته ولېږۀ'10 سپتمبر, 2007 | خبرونه د پاکستان د مخالفو گوندونو مشران ونيول شول23 سپتمبر, 2007 | خبرونه د پاکستان او لويديځ اړيکي فشارونه او ستونزې25 جولاى, 2007 | خبرونه په اسلام اباد کې درنې چاودنې ١٥ کسان وژلي17 جولاى, 2007 | خبرونه | |||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
| ||||||||||||||||||||||||||||||||||||||||||||||||||||||||||||||||||||||||||||||||
