اوومه سټوډيود جمعې په ماښامنۍ خپرونه کې خپريږي چې دا اوونۍ به نوروز منگل او ريس احمدزى پکې ستاسو پوښتنې ځوابوي

دغه دوه ستوري اوسنى کپتان نوروز خان منگل او پخوانى کپتان ريس احمدزى دي چې په روانو لوبو کې ښه ځليدلي دي .

د افغانستان د کريکټ په اوومه سټوډيو کې.

افغانستان د کريکټ پايلوبې ته ورسيد

افغانستان د کريکټ سياليو نيمه پايلوبې ته ورسيد

د طالبانو له نسکوريدو راهيسته کريکټ يوه له هغو لوبو ده چې افغان لوبغاړو پکې خورا ډيرې برياوې لرلي دي .

	ريس احمدزى يو له تکړو لوبغاړيو څخه دى چې پخوا د افغانستان کپتان و

دوى په پرله پسې توگه په سياليو کې پايلوبو يا نيمه پايلوبو ته ځان رسولى دى .

په کويت کې ترسره کيدونکو روانو سياليو کې د افغانستان د ښې لوبې له امله اوس دغه هيواد په ٢٠١٠ کال کې د چين په اسيايي لوبو کې هم د برخې موندلو هيله پيدا کړه .

دا به لومړى ځل وي چې په اسيايي لوبو کې د کريکټ لوبې ته هم ځاى ورکول کيږي او افغانستان به پکې د کريکټ له تر ټولو پياوړو لوبډلو سره سيالي کوي .

که له لوبغاړو پوښتنه لرئ سر له اوسه يې د برېښناليک له لارې راواستوئ او يا يې هم د خپرونې په ترڅ کې دتل په شان د تيلې فون په مټ مطرح کړئ .

دخپرونې پرمهال په دې شميره مخامخ سټوډيوته تيليفون وکړئ.
00442078360331

له ښاغلي سندرغاړي عاشق ساهو سره به راتلونکې اوونۍ خوالۀ ولرو .

ښاغلى اميري اماتور(شوقي) هنرمند دى چې له استاد شاولي نه يې موسيقي زده کړې اوديارلس کاله کيږي چې له خپلې کورنۍ سره په سويډن کې ژوند کوي.

له امان الله اميري سره خبرې په اوومه سټوډيو کې.

امان الله اميري په خوست کې زيږيدلى دى خواصلي ځاى يې ننگرهاردى. ترشپږم ټولگي پورې يې دخوست په غرښت ليسه کې زده کړې وکړې اوبياننگرهارته ولاړاودحصارک ولسوالى د غلجه يي په ولسوالى کې يې ښوونځى پاى ته ورساوۀ.

دننگرهاردبايزيدروښان پوهنتون دښوونې اوروزنې پوهنځى يې ولوست اوحکومتي کاريې پيل کړ،دجلال اباد دښاردعبدالوکيل دښوونځى سرښوونکى و.

دحالاتوترکړکيچ وروسته له افغانستان نه ووت اوپه سويډن کې يې واړول. تراوسه په سويډن کې له خپلې کورنۍ سره ژوند کوي. سوداگري کوي اودافغانستان، چين او اروپا ترمنځ دمالونوپه وړراوړوبوخت دى.

دښوونځي له کلونويې له موسيقي سره مينه لرله خوموريې اجازه نه ورکوله چې سندرې ووايي که څه هم پلاريې دموسيقي ظابط و. له ملگروسره به يې پټه موسيقي غږوله اوسندرې به يې ويلې. وروسته جلال اباد ته ولاړاوهلته له استا رحيم غمزده سره اشناشو.

له موسيقي سره مينې په سويډن کې هم ځانته پرې نښوداوهملته يې له استاد شاولي نه يې درې کاله موسيقي زده کړه. دموسيقي له وسايلونه رباب اوارمونيه غږولى شي. يوه سي ډي يې بازارته راوتلې ده خوډيرې سندرې لاهم ورسره پاتې دي اودمينه والولاسونوته يې ندي ور رسيدلى . دهجرت په فلم کې يې هم يوه سندره ويلې ده. پدې ورځوکې يې دافغانستان په ملي تلويزيون کې څوسندرې لب سنگ کړې دي.