حنان حبىبزى او صمد روحاني افغانستان

	په بل ځاى کې يو سړى هغه مهال ټپي شو چې هڅه يې کوله چاودېدونکي توکي په هيواد کې د امريکايې ځواکونو د لوې اډې بگرام څخه بهر ځاى په ځاى کړي .

افغان پوځ وايي دوى د ميانشين له ولسوالۍ څخه د ټاکټيکي دلايلو له مخې وتلي دي .

د کندهار د پوليسو مشر جنرال عصمت الله عليزي بي بي سي ته وويل چې طالبان اوس د ميانشين پر ولسوالۍ بشپړه ولکه لري .

نوموړي وويل ، پوليسو له هغه ځايه په ټاکټيکي توگه شاتگ کړى او ولسوالۍ يې پريښې ده خو ډير ژر به يې بيا ونيسي .

د طالبانو يو وياند بي بي سي ته وويل چې دوى د ميانشين د ولسوالۍ ولکه د څلور ورځو له جگړې وروسته تر لاسه کړه .

په تير يوه کال کې رسنيو د طالبانو له خولې د څو ولسواليو د نيولو راپورونه ورکړي دي خو له څو ورځو او ان ساتونو څخه وروسته يې بيا پريښي دي .

له بلې خوا د اورزگان له ولايت څخه لا هم ددرې پرله پسې ورځوراهيسې د روانې جگړې راپورونه رارسيږي .

دغه راپورونه وايي چې له سلو څخه ډير کسان دغې نښتې ټپيان کړي دي او د اورزگان مرکزي روغتون ته ددرملنې لپاره راوستل شوي دي .

د روغتون چارواکي د ټولو ټپيانو ددرملنې اسانتياوې نلري ځکه خو د هغوى په درملنه کې پاتې راغلي دي .

يو ولايتي چارواکي پر ولسمشر حامد کرزي غږ وکړ چې چورلکې ورواستوي چې ټپيان د کابل روغتونو ته راوليږدوي .

نوموړي وويل ، فکر کوي چې له شپيتو څخه ډير ملکي وگړي د ديرش طالب سرتيرو سربيره وژل شوي دي .

په دې نښته کې اولس تنه افغان سرتيري هم وژل شوي دي .

خو ناټو وايي چې دوى د ملکي خلکو د مرگ ژوبلې په اړه مالومات نلري .

په بل ځاى کې يو سړى هغه مهال ټپي شو چې هڅه يې کوله چاودېدونکي توکي په هيواد کې د امريکايې ځواکونو د لوې اډې بگرام څخه بهر ځاى په ځاى کړي .

د امريکا پوځ او د افغانستان د کورنيو چارو وزارت وايي چې چاودونکي توکي له پوځي اډې څخه بهر پخپله وچاودل.

دوى وويل چې دغه سړى اوس د افغان پوليسو دپوښتنو اښتنو لاندې دى .