ايمل پسرلى له کابله

	د طالبانو له نسکوريدو راهيسته دا څلورم کس دى چې د ملي راډيو تلويزيون له رياست څخه ليرې کيږي يا استعفى ورکوي

ښاغلي روشن له بي بي سي سره په ځانگړو خبرو کې وويل چې نن يې د استعفى لپاره يو اووه مخيز ليک ولسمشر حامد کرزي ته وړاندې کړ . دۀ دا ونه ويل چې دغه استعفى يې ومنل شوه که نه .

د ښاغلي روشن دريځ دا و چې د اطلاعاتو کلتور او ځوانانو وزير کريم خرم سره يې همغږي نه درلوده .

نجيب روشن پر ښاغلي خرم تور ولگاوۀ چې گواکې د دۀ په وينا يې قوم پالنه کوله . خو دۀ کومه ځانگړې بېلگه ورنه کړه .

ښاغلي روشن ټينگار وکړ چې نور به د حکومت په چوکاټ کې هيڅ ډول رسمي دنده ترسره نه کړي . دوى دا ونه ويل چې د دغې پريکړې دليل يې څه دى .

د اطلاعاتو کلتور وزير کريم خرم د ښاغلي روشن له استعفى ناخبري وښووده او ويې ويل چې له بي بي سي يې په لومړي ځل اوريدلې ده خو د هغوى د استعفى په اړه يې زياته کړه :

ښاغلي روشن ټينگار وکړ چې نور به د حکومت په چوکاټ کې هيڅ ډول رسمي دنده ترسره نه کړي . دوى دا ونه ويل چې د دغې پريکړې دليل يې څه دى .

نجيب روشن نژدې يو نيم کال وړاندې د افغانستان د ملي راډيو تلويزيون د ريس په توگه وټاکل شو .

د دۀ له راتگ سره د ډيرو په گومان ملي تلويزيون يو څه ښه شو خو ورو ورو ښاغلي روشن دا هڅه ډيره کړه چې راډيو تلويزيون د اطلاعاتو کلتور او ځوانانو له وزارت څخه جلا کړي .

د دۀ د پلويانو ټينگار په دې کې و چې گواکې د رسنيو په نوي قانون کې دغه وړانديز شوى دى . خو د دغۀ نظر مخالفين په دې باور و چې د رسنيو نوى قانون ولسي جرگې لا منلى نه دى او په همدې دليل بايد ملي راډيو تلويزيون د وزارت په چوکاټ کې کار وکړي .

د ډيرو په گومان همدې ټکي د اطلاعلاتو کلتور او ځوانانو د وزارت د وزير کريم خرم او ښاغلي روشن ترمنځ ستونزې پيدا کړې .

کله چې د ملي راډيو لپاره ښاغلي خرم نوى ريس ټاکۀ نو نجيب روشن په بې سارې توگه خبري کانفرانس ورکړ او دغه کار يې د قانون خلاف وبالۀ .

د طالبانو له نسکوريدو راهيسته په پرله پسې توگه د افغانستان دملي راډيو تلويزيون رياست په يوې لانجمنې مسالې بدل شوى دى .

دا د دوى خپله پريکړه ده . خو د دۀ د پريکړې درناوى کوم . د راډيو تلويزيون د رياست په ورځو شپو کې يې له ښو کارونو ستاينه کوم البته ځينې نيمگړتياوې هم وې . په راتلونکو کارونو کې يې برياليتوب غواړم کريم خرم

په لومړي سر کې حفيظ منصور دغه رياست په غاړۀ درلود . کله چې انجينير اسحق د ښاغلي منصور پر ځاى وټاکل شو تر څه مودې پورې دغه څوکۍ ليرې شوي مشر نه پرېښوده . د انجينير اسحق پر ځاى د غلام حسن حضرتي د ټاکنې پر وخت هم همدا ستونزه پيدا شوه .

خو له ښاغلي حضرتي څخه نجيب روشن ته د دغې څوکۍ په سپارلو کې ظاهرآ کوم مشکل ښکاره نه شو . ښاغلى حضرتي په تاجکستان کې د افغانستان د سفارت د کلتوري اتاشې په توگه وټاکل شو .