ناټو وايي داعمليات يې دپاکستاني استخباراتو دمعلوماتوپه مرسته ترسره کړي دي

دوى وايي دغه اورپکي چې له پاکستان څخه پر پوله افغانستان ته وراوښتل له افغان او نړيوالو ځواکونو سره په سختو نښتو کې وژل شوي دي .

ناټو وايي له افغان ځواکونوسره يې په گډه پردوو شکمنو ډلو چې پر وسلو او مهماتو بار د گاډو په يوۀ کتار کې روان وو، دځمکې اوهواله لارې بريد وکړ.

د ناټو يوۀ وياند جگړن ډومينيک کابل کې بي بي سي ته وويل تر هغه ځايه چې دى خبر دى ، په دغه بريد کې ولسي خلکو ته کومه مرگ ژوبله نه ده ور اوښتې.

تر هغه ځايه چې زه خبر يم په دغه بريد کې ولسي خلکو ته کومه مرگ ژوبله نه ده ور اوښتې د ناټو وياند جگړن ډومينيک

ناټو وايي داعمليات يې دپاکستاني استخباراتو دمعلوماتوپه مرسته ترسره کړي دي. دا په داسې حال کې ده چې افغان چارواکو په وار وار پر پاکستانن غږ کړى چې په سرحدي سيمو کې د طالب اورپکو پر ضد يو څه وکړي.

د افغانستان د دفاع وزارت دوژل شوو شمير ٨٠ تنه ښوولى دى. دافغان اوناټو ځواکونو دمرگ ژوبلې په اړه رپوټونه ندي ورکړل شوي.

په کابل کې د بي بي سي خبريال وايي د شمېرو په اړه پکار ده احتياط وشي، ځکه يوازې تېره مېاشت ناټو ادعا وکړه چې دهېواد په جنوب کي يې ٨٠ اورپکي په عملياتو کې وژلي، خو وروسته يې ومنله چې په حقيقت کې يې يوازې اته تنه وژلي وه.